Read Nyamwezi Yohana 17 Bible Online

Yohana 17 - Nyamwezi bible

Yohana 17

¹Genaya Yesu wayombaga na walangamila kwilunde, uhaya, Vava, itungo lyafikaga, umukumuche Mwana

²wako, kigele Mwana akukumuche veve; kitisi veve wamupaga vukovozi kwigulya na vanhu vose, kigele vose venavo veve wamupaga, avape venavo vuzuvuku wa hanahana.

³Wenuvu vuli vuzuvuku wa hanahana: vakumaniche veve Mulungu wa loleyene winene, na mwenuyo homwene veve wamutumizaja, Yesu Kristo.

⁴Nene nakukumukaja veve mugati na liwelelo mu kugumazya mulimo gwenugo veve wampaga kuvezya.

⁵Lelo veve Vava, unkumuche nene hawako mwenekili na lukumo lwenulo navage nalo hawako aho liwelelo litali kuviho.

⁶Lina lyako mwafumbulilaga vanhu venavo veve wampaga nene kufuma mu liwelelo. Vavagi vako, naʼho wampaga venava, navo vagulindilaga muhayo gwako.

⁷Lelo vamanikizye ati gose genaya wampaga gafumile kuwako.

⁸Kwisi mihayo yeniyo wampaga navapaga venava, navo vayanukulaga na vamanikaja loleyene ati nene nafumile kuwako, na vasanizaja ati veve wantumizaja.

⁹Ndivalombela venava, nkavile kulilombela liwelelo, sumbwa kunguno

¹⁰ya venavo wampaga nene, kwisi vali vako; na gose gane gali gako, na genaya gako gali gane, na nakumukivilwe mugati navo.

¹¹Na nkavilemo hangi mu liwelelo, na venava valimo mu liwelelo, na nene ndiza kuwako. Vava musondo, uvalindile venava mu lina lyako holyene wampaga, vave hamohene kitisi iswe.

¹²Aho navagiho hamohene navo navalindilaga mu lina lyako holyene wampaga, navasungaga, na kuduhu umo wazimilaga, sumbwa mwana wa vuzimile, kigele vutone vufikile.

¹³Alisi lelo ndiza kuwako, na genaya ndiyomba mu liwelelo, kigele vave nako kudeha kwane kokalile muwavo venekili.

¹⁴Nene navapaga muhayo gwako, na liwelelo lyavagayaga kunguno vakavile va

¹⁵liwelelo, kitisi nene nkavile wa liwelelo. Nkavile kukulomba ati uvinje venava mu liwelelo, sumbwa uvalindile hambele na kavi.

¹⁶Vakavile va liwelelo, kitisi nene nkavile wa liwelelo.

¹⁷Uvasondohye mugati na hanayene, Muhayo gwako guli hanayene.

¹⁸Kitisi veve wantumizizye mugati na liwelelo, sisyo sisyene nene mwene ndivatumizya venava mugati na liwelelo.

¹⁹Na kunguno yavo ndiwisondohya, kigele venava vene vasondohiwe mu hanayene.

²⁰Alisi nkavile kuvalombela venava duhu, sumbwa venavo vene hovene vakunsanizya nene kunguno ya mihayo yavo,

²¹kigele vose vave vumo, kitisi veve Vava ulimo muwane, nane muwako, navo vavemo muwiswe, kigele liwelelo lisanizye ati veve wantumizizye.

²²Na nene navapaga venava lukumo lwenulo wampaga nene, kigele vave

²³vumo kitisi iswe tuli vumo: nene mugati navo, naʼho mugati na nene, kigele vave vanhu vamalizizye kuvi vumo, kigele liwelelo limaniche ati veve wantumizizye na wavatogilwe veiycva, kitisi wantogilwe nene.

²⁴Vava, ndikova ati venavo wampaga vave hamohene nane kwenuko nene ndiko, kigele valuvone lukumo lwane lwenulo wampaga, kunguno veve wantogilwe hambele na kutundwa kwa liwelelo.

²⁵Vava mugololoku, liwelelo likakumanikizye veve, alisi nene nakumanikizye, na venava vamanikizye ati veve wantumizizye.

²⁶Navafumbulilaga venavo lina lyako, na ndalifumbule, kigele kutogwa uko veve wantogilwe nako kuvemo mugati navo, nane navemo muwavo.