Read Nyamwezi Yohana 18 Bible Online

Yohana 18 - Nyamwezi bible

Yohana 18

¹Aho Yesu wamalaga kuyomba genaya wafumaga na vahemba vakwe na vavukaga kamongo Kedroni, henaho yavagiho bustani, na mwenumo wingilaga na vahemba vakwe.

²Alisi Yudasi, mugambi wakwe, nawe wahamanikaja henaho, kunguno Yesu na vahemba vakwe vivilingaga kingi henaho.

³Haho Yudasi wayisolaga mbuto ya valugaluga na vakumba va vahozya vahanya na va Vafarisayo, na wafikaga henaho, vizanile na tala na fyenge na masilanga.

⁴Yesu wavagi agamanikizye gose genayo gakumukwilila, wafumaga na wavawilaga, Mulimukova nani? Vamwitavukaga, Yesu muna Nazareti.

⁵Yesu wavawilaga, Honene mwene.

⁶Na Yudasi, mugambi wakwe, nawe wimaga hamohene navo. Aho wavawilaga, Honene mwene, vafwelaga kunuma na vagwaga hasi.

⁷Haho wavavuzaja hangi, Mulimukova nani? Navo vitavukaga, Yesu muna Nazareti.

⁸Yesu witavukaga, Namuwilaga inwe ati honene, ulu haho mulinkova nene muvaleke venavo

⁹vaje, kigele muhayo gufikile, hogwene wayombaga, Mugati na venavo veve wampaga nkamuzimizizye

¹⁰ninga umo ngʼo. Simoni Petro wavagi na lupanga na walusopolaga na wamutulaga mukumba wa muhozya muhanya na wamutinaga itwi lya mulila, na lina lya mukumba lyavagi Malko.

¹¹Haho Yesu wamuwilaga Petro, Somekaga lupanga mwigaya! Kineneko hochene Vava wampaga nene ndeke kukinwa?

¹²Haho valugaluga na muteko na vakumba va Vayahudi vamudimaga Yesu na vamutungaga,

¹³na vamufilaga hambele kumwa Anna, homwene wavagi mukwiye wamwa Kayafa, homwene wavagi muhozya muhanya wa mwaka gwenugo.

¹⁴Alisi Kayafa wavagi mwenuyo wavapaga Vayahudi ndaka ati, yilivela munhu umo avafwile va chalo. Na Simoni Petro wamulondaga Yesu na muhemba ungi.

¹⁵Na musumba mwenuyo wavagi amanikizivilwe na muhozya muhanya na wingilaga hamohene na Yesu mu ngomwa ya muhozya muhanya, alisi Petro wimaga ha muzigo.

¹⁶Haho muhemba uyo ungi, mwenuyo amanikizivilwe na muhozya muhanya, wafumaga na wayombaga na mulindilizi wa muzigo na wamwingizaja Petro mugati.

¹⁷Haho mukima, mulindilizi wa muzigo, alimuwila Petro, Kinahe, veve uli umo wa vahemba va

¹⁸munhu mwenuyu? Nuyo wayombaga, Nene ngʼo. Na vakumba na valugaluga vimile valiwotela moto gwa makala, hogwene vagupembaga kunguno ya mbeho; nawe Petro wavagi hamohene navo aliwotela.

¹⁹Haho muhozya muhanya wamuvuzaja Yesu kunguno ya vahemba vakwe na kunguno ya vuhembeki wakwe.

²⁰Yesu wamwitavukaga, Nene nayombile hape hambele na liwelelo, nahembekaga nsiku zyose mu sinagogo na mwisengelo henaho Vayahudi vose valivilinga, na nkayombile muhayo mu lwiviso.

²¹Kuki ulimbuzya nene? Uvavuzye venavo vigilwe genayo nayombaga navo;

²²lolaga, venava valimanicha genayo nayombaga. Aho wayombaga genaya umo wa vakumba, homwene wimaga bihi, wamutulaga Yesu ipi, uhaya, Veve ulimwitavuka muhozya muhanya syenisyo?

²³Yesu wamwitavukaga, Ulu nayombaga sivi, usangilwe ku genaya gali mavi; alisi ulu nayombaga sisoga, kuki ulintula?

²⁴Haho Anna wamutumizaja Yesu atungilwe kumwa Kayafa, muhozya muhanya.

²⁵Alisi Simoni Petro wimaga henaho aliwotela. Haho vamuwilaga, Kinahe, veve naʼho uli umo wa vahemba

²⁶vakwe? Mwenuyu wakanaga, uhaya, Nene ngʼo. Umo wa vakumba va muhozya muhanya, homwene wavagi muduguye wa mwenuyo Petro wamutinaga

²⁷itwi, aliyomba, Nkakuwine veve mu bustani hamohene nawe? Haho Petro wakanaga hangi, na itungo lyenili ikungulume lyahilaga.

²⁸Haho vamufumaja Yesu kumwa Kayafa na vamufilaga mu numba ya Serikali, na yavagi ndiyu; na venekili vakingilile mu numba ya Serikali, kwigela ngʼo vagilule mwiko gwavo, kigele vakovole kulya Pasaka.

²⁹Haho Pilato wafumaga hanze kuwavo, uhaya, Mbulano ki mulileta kwigulya na munhu mwenuyu?

³⁰Avo vitavukaga na vamuwilaga, Ulu mbe akavile muvezya tuvi mbe tukamuletile kuwako.

³¹Haho Pilato Wavawilaga, Mumusole na mumuyangule hanuma na

³²ngʼhama yinwe. Vayahudi vamuwilaga, Iswe tukavile na luhusa kumuvulaga munhu; kigele muhayo gwamwa Yesu gufikile, hogwene wayombaga kolecha lufu ulo alafwe.

³³Haho Pilato wingilaga hangi mu numba ya Serikali na wamwitanaga Yesu na wamuvuzaja, Veve uli mutemi wa Vayahudi?

³⁴Yesu witavukaga, Veve uliyomba genaya kufuma kuwako mwenekili, ninga vangi vakuwilaga genaya kunguno yane?

³⁵Pilato witavukaga, Kinahe, nene ndi Muyahudi? Va muchalo chako na vahozya vahanya vakuletaga kuwane; veve witagaki?

³⁶Yesu witavukaga, Vutemi wane vukavile wa liwelelo lyenili. Ulu vutemi wane mbe wavagi wa liwelelo lyenili vakumba vane mbe valasanaga, kwigela ngʼo nafumiwe mu makono ga Vayahudi; alisi lelo vutemi wane vukavile wa henaha.

³⁷Pilato wamuwilaga, Sisyo loleyene veve uli mutemi? Yesu witavukaga, Kitisi veve wayombaga: nene ndi mutemi. Nene navyalilwe ha cheniki, na ha cheniki nizile henaha mu liwelelo, kigele nasangilwe kunguno ya hanayene; homwene ali wa hanayene aligwigwa muzwi gwane.

³⁸Pilato wamuwilaga, Hanayene yili ki? Na aho wayombaga genaya wafumaga hangi ku Vayahudi na alivawila, Nene nkaguwine musango hawakwe.

³⁹Alisi inwe muli nacho kitilwe namutungulile umo ha Pasaka; mulikova namutungulile inwe mutemi wa Vayahudi?

⁴⁰Na vose vahamukaga hangi, vuhaya, Ngʼo mwenuyu, sumbwa Baraba. Nawe Baraba wavagi mudumuzi.