Read Nyamwezi Yohana 2 Bible Online

Yohana 2 - Nyamwezi bible

Yohana 2

¹Na lusiku lwa vudatu wavagiho winga mu Kana mu Galilaya na nina wamwa Yesu wavagiko.

²Na Yesu mwene witanagwa hamohene na vahemba vakwe ku winga.

³Na aho mvinyo yadohaga nina wamwa

⁴Yesu wamuwilaga, Mvinyo haduhu. Yesu wamuwilaga, Mukima, ndi na muhayo ki naʼho? Itungo lyane litali kufika.

⁵Na nina wavawilaga vakumba, Hochene

⁶akumuwila inwe, mwitage cheniki. Na zyavagiho mizoga mkaga zya mawe zitulilwe ha kitilwe cha Vayahudi cha kwikalava, kila muzoga ngelo ivili ninga idatu.

⁷Yesu wavawilaga, Muzyokazaje mizoga na minzi;

⁸navo vazyokazaja na. Na wavawilaga, Mudahaje na mumufilile muvezya mayeye, navo vafilaga.

⁹Alisi aho muvezya mayeye wagalavuzaja minzi hogene gavile mvinyo na akamanikizye uko yafumile, (alisi vakumba hovene vagadahaja vamanikaja), muvezya

¹⁰mayeye wamwitanaga mutozi, umuwila, Vanhu vose vakutulaga hambele mvinyo nsoga hakulila, na ulu viguta, haho iyo yikavile nsoga, alisi veve wayitulaga mvinyo nsoga kusika lelo.

¹¹Mbuki yeniyi ya migaka Yesu wayivezaja mu Kana mu Galilaya, na wafumbulaga lukumo lwakwe, na vahemba vakwe vamusanizaja.

¹²Hanuma na genaya watelemukaga kuja ku Kapernaumu, uyu na nina na vaduguye na vahemba vakwe, na vikalagako nsiku ndo duhu.

¹³Na Pasaka ya Vayahudi yavagi bihi na Yesu walinaga kuja ku Yerusalema.

¹⁴Na wavavonaga mwisengelo vaguzya ngʼombe na ngʼholo na nhunda na vabadila mapesa vikalileho.

¹⁵Na watiligaga lugoye lwa katani na wavapezaja vose mwisengelo, ngʼholo na ngʼombe zyene, wagamwagaga mapesa ga vabadizi na

¹⁶wazikunulaga meza zyavo, na wavawilaga vaguzya nhunda, Mugingaje genaya henaha na mukayivezye ngʼo numba yamwa Vava kuvi numba ya vusuluzya.

¹⁷Na vahemba vakwe vizukilaga ati yatonilwe, Ivuva kunguno ya numba yako likundya nene.

¹⁸Haho Vayahudi vitavukaga na vamuwilaga, Ulitolecha lumeho ki, kunguno ulivezya yeniyi?

¹⁹Yesu witavukaga, uvawila, Mulibomole isengelo lyenili nane nhulizenga hangi mu nsiku idatu.

²⁰Haho Vayahudi vayombaga, Isengelo lyenili lyazengagwa mu myaka makumi anne na mkaga, naʼho ukulizenga mu nsiku idatu?

²¹Alisi wayombaga kunguno ya isengelo lya muvili gwakwe.

²²Alisi aho waliwahembuka ku lufu, vahemba vakwe vizukilaga ati wayombaga yeniyi, na vavusanizaja vutone wenuvo na muhayo hogwene Yesu wayombaga.

²³Na aho wavagimo mu Yerusalema ha sikukulu ya Pasaka vingi valisanizaja lina lyakwe, aho vayivonaga migaka hoyene witaga.

²⁴Alisi Yesu akisanizizye mwenekili kuwavo kunguno wavamanikaja vose,

²⁵na kunguno wavagi akafundile umo asangilwe kunguno ya munhu, kwisi mwenekili wamanikaja genayo gavagimo mu munhu.