Read Nyamwezi Yohana 21 Bible Online

Yohana 21 - Nyamwezi bible

Yohana 21

¹Hanuma na genaya Yesu wifumbulaga hangi hambele na vahemba vakwe ha nyanza ya Tiberia, nawe wifumbulaga giki.

²Simoni Petro na Toma, homwene alitanwa Mavasa, na Natanaeli muna Kana mu Galilaya na vana vamwa Zebedayo na vangi vavili va vahemba vakwe vavagi hamohene.

³Simoni Petro alivawila, Nene ndija kukalova. Valimuwila, Iswe vene tukuja naʼho. Vafumaga na vingilaga mu wato, na vuziku wenuvu vakalovile kinhu.

⁴Aho wangalukaga Yesu wimaga hanguka, alisi vahemba vakamanikizye ati mwenuyu ali Yesu.

⁵Haho Yesu alivawila, Vana,

⁶muli nacho chakulya? Vamwitavukaga, Byololo. Alivawila, Muvuponezye vukila ha lwande lwa mulila gwa wato na mukuvona. Haho vavuponezaja na vavagi vakakovolile kuvuduta kunguno ya wingi wa masomba.

⁷Haho muhemba uyo, homwene Yesu amutogilwe, alimuwila Petro, Mwenuyu ali Guku. Haho Simoni Petro, aho wigagwa ati mwenuyu ali Guku, wazwalaga igwanda lyakwe (kwisi wavagi duhu), wiponezaja mu nyanza.

⁸Vahemba vangi vizaga mu wato, kwisi vavagi vakavile kule na nguka, hamo makono magana

⁹avili, na vavudutaga vukila wa masomba. Aho vafumaga ha nguka vaguvonaga moto gwa makala gupembilwe na masomba gatulilwe higulya, na mukate gwene.

¹⁰Yesu alivawila, Mulete henaha ku masomba genaya mwagalovaga.

¹¹Simoni Petro wingilaga mu wato na wavudutaga vukila ha nguka, wokalile masomba mahanya igana na makumi atano na adatu; na nulu gavagi mingi vukila vukatandukile.

¹²Yesu alivawila, Mwize mulye. Alisi kuduhu umo wa vahemba wagimaga kumuvuzya, Veve uli nani? kwisi vamanikaja ati ali Guku.

¹³Yesu aliza na aligusola mukate na

¹⁴alivapa venava, na masomba savasava. Kenako kavage ka vudatu Yesu wifumbulaga hambele na vahemba vakwe hanuma na kuhembuka ku lufu.

¹⁵Aho vamalaga kulya Yesu wamuwilaga Simoni Petro, Simoni mwana Yohana, ulintogwa nene muno kukila venava? Alimuwila, Ahene Guku, ulimanicha ati ndikutogwa.

¹⁶Alimuwila, Utudime tudilana twane. Alimuwila ka vuvili, Simoni mwana Yohana, ulintogwa nene muno? Alimuwila, Ahene Guku, ulimanicha ati ndikutogwa.

¹⁷Alimuwila, Utudime tukolo twane. Alimuwila ka vudatu, Simoni mwana Yohana, ulintogwa nene? Petro wasayaga kunguno wamuwilaga ka vudatu, Ulintogwa nene? na alimuwila, Guku, uligamanicha gose, ulimanicha ati ndikutogwa.

¹⁸Alimuwila, Utudime tukolo twane. Yalole, yalole ndikuwila veve, aho wavage musumba winyepage mwenekili na wajage uko wakovage, alisi ulu ukunamhaluka ukugolola makono gako na ungi akukunyepa na akukufila kwenuko ukatogilwe.

¹⁹Genaya wayombaga kumolecha na lufu ulo alamukumuche Mulungu. Na aho wayombaga

²⁰genaya wamuwilaga, Undonde nene. Petro wikevelaga, wamuvonaga muhemba mwenuyo Yesu amutogilwe alondile, homwene ha chakulya cha mhindi wasendamilaga ha kikuva chakwe na wayombaga,

²¹Guku, nani ali mwenuyo alikugamba? Aho Petro wamuvonaga mwenuyo, alimuwila Yesu, Guku, na

²²mwenuyu kinahe? Yesu alimuwila, Ulu nene ndikova mwenuyu adile kusika ndize, kinahe, yili milimo

²³yako? Veve undonde nene! Haho muhayo gwenugu gwakumukaga mugati na vadugu ati, muhemba mwenuyu kufwa ngʼo; alisi Yesu akayombile ati, mwenuyu kufwa ngʼo, sumbwa, Ulu nene ndikova mwenuyu adile kusika ndize, kinahe, yili milimo yako?

²⁴Uyu ali muhemba mwenuyo alisangilwa ku genaya na wagatonaga, na tulimanicha ati vusangilwaho wakwe vuli wa lole.

²⁵Alisi galiho na gangi mingi hogene Yesu wavezaja, na mbe gose gatonwe gumo gumo, ndiganika ati ninga liwelelo lyose kukovola ngʼo kufidima fitabu ulu mbe fyatonwa.