Read Nyamwezi Yohana 5 Bible Online

Yohana 5 - Nyamwezi bible

Yohana 5

¹Hanuma na genaya yavagiho sikukulu ya Vayahudi na Yesu walinaga kuja ku Yerusalema.

²Alisi mu Yerusalema bihi na muvita gwa ngʼholo liliho itava, mu kiebrania lina lyalyo: Betesda, nalyo lili na mavukumbo atano ga vuzyungula.

³Mwenumo valwile vingi valalaga: vahofu, valema, vagwa makono na magulu, valindilaga minzi gavulungwe.

⁴Kwisi matungo gamo malaika wikaga na wingilaga mwitava na wagavulungaga minzi; na haho ulu minzi gavulungilwe, homwene wingilaga mbele na mbele wapilaga vulwile uvo wadimilwe navo.

⁵Na munhu umo wavagiko homwene wavagi musakazu myaka makumi adatu na mnane.

⁶Aho Yesu wamuvonaga alilala sisyo, na wamanikaja ati wamalaga sisyo nsiku ningi, alimuwila,

⁷Ulitogwa kupila? Musakazu wamuwilaga, Guku, nkavile na munhu wa kunfila mwitava ulu minzi galivulungwa, alisi itungo lyenilo ndiza kwingila nene, ungi alintangila kwingilamo.

⁸Yesu wamuwilaga, Uvuke na uvuche vulili wako na usimize! Na itungo lili munhu wapilaga na wasolaga vulili wakwe na wajaga.

⁹Alisi yavagi sabato lusiku lwenulo.

¹⁰Kunguno yeniyi Vayahudi vamuwilaga uyo mupiziwa, Lelo sabato na mwiko kuwako kuvusomba vulili wako.

¹¹Nawe wavitavukaga, Uyo wampizaja homwene

¹²wambwilaga, Uvuche vulili wako na usimize. Vamuvuzaja, Nani munhu mwenuyo homwene wakuwilaga,

¹³Uvuche vulili wako na usimize? Alisi uyu mupiziwa wavagi akamanikizye wali nani, kwisi Yesu wihegaga kunguno vanhu vingi vavagiho henaho.

¹⁴Hanuma na genaya Yesu wamuvonaga mwisengelo na wamuwilaga, Lolaga, veve wapilile, ukakenagule ngʼo hangi, kwigela

¹⁵ngʼo kavi kahanya kukila ka mbele kakukwilile. Na uyu munhu wajaga na wavawilaga Vayahudi ati mwenuyo wamupizaja ali Yesu.

¹⁶Na kunguno yeniyi Vayahudi vamukwizizaja Yesu mihayo, kunguno witaga yeniyi ha sabato.

¹⁷Alisi uyu wavitavukaga, Vava alitumama kusika lelo, nane nditumama.

¹⁸Kunguno yeniyi Vayahudi vakovaga munogwene kumuvulaga, kwisi akayivinzile sabato duhu, sumbwa wamwitanaga Mulungu vava na wivezaja mwenekili savasava na Mulungu.

¹⁹Yesu witavukaga, uvawila, Yalole, yalole ndimuwila inwe, Mwana akakovolile kuvezya kinhu ku nguzu zyakwe mwenekili, sumbwa cheniki alivona Vava alikivezya; kwisi icho uyo alivezya chenicho Mwana mwene alivezya.

²⁰Kwisi Vava alimutogwa Mwana na alimolecha gose genayo alivezya mwenekili, na akumolecha milimo mihanya kukila yeniyi kigele inwe mukumye.

²¹Kwisi kitisi Vava alivahembucha vafwile na alivazuvucha, sisyo Mwana mwene alivazuvucha avo alikova.

²²Kwisi Vava akavile kumuyangula munhu

²³sumbwa vuyangu vose wamupaga Mwana, kigele vose vamukuzye Mwana kitisi valimukuzya Vava. Homwene akavile kumukuzya Mwana, akavile kumukuzya Vava homwene wamutumizaja.

²⁴Yalole, yalole ndimuwila inwe, Homwene aligwigwa muhayo gwane na alimusanizya mwenuyo wantumizaja, ali na vuzuvuku wa hanahana na kufika ngʼo mu kitanga, sumbwa wafumile mu lufu na wingililaga mu vuzuvuku.

²⁵Yalole, yalole ndimuwila inwe, Itungo liliza na liliho lelo aho vafwile vakugwigwa muzwi gwa Mwana wa Mulungu, na avo vakugwigwa vakuzuvuka.

²⁶Kwisi kitisi Vava ali na vuzuvuku muwakwe mwenekili, sisyo sisyene wamupaga Mwana kuvi na vuzuvuku muwakwe mwenekili.

²⁷Na wamupaga vukovozi kutema kitanga, kunguno ali Mwana wa Munhu.

²⁸Mukakumye ngʼo kunguno yeniyi, kwisi itungo liliza aho avo vose valimo mu fivimbi vakugwigwa muzwi gwakwe na vakufuma,

²⁹avo vitaga tusoga ku vuhembuke wa vuzuvuku, navo vitaga tuvi ku vuhembuke wa kitanga.

³⁰Nene nkakovolile kuvezya kinhu ku nguzu zyane; kitisi ndigwa sisyo nditema kitanga, na vuyangu wane vuli vugololoku, kwisi nkavile kukova kikowa chane, sumbwa cha mwenuyo wantumizaja.

³¹Ulu ndisangilwa kunguno yane mwenekili, vusangilwaho wane vukagelanilile.

³²Aliho ungi alisangilwa kunguno yane, na ndimanicha ati vusangilwaho wakwe kunguno yane vuli wa lole.

³³Inwe mwatumizaja kumwa Yohana, nawe wasangililwe genayo gali ga lole. Nene nkavile kuwanukula vusangilwaho ku munhu umo, alisi genaya ndiyomba kigele inwe mupiziwe.

³⁴Uyo wavagi tala

³⁵yilivaka na yilela, na inwe mwakovaga akwihalala katungo kado mu mwanga gwakwe.

³⁶Alisi ndi navo vusangilwaho vuhanya kukila uvo wamwa Yohana. Kwisi milimo iyo Vava wampaga kigele nayimalizye, milimo yeniyi ndivezya yilisangilwa kunguno yane ati Vava wantumizaja nene.

³⁷Na Vava homwene wantumizaja wasangilagwa kunguno yane; inwe mutali kugwigwa muzwi gwakwe ninga ngʼo kuguvona musimo

³⁸gwakwe, na muhayo gwakwe mukavile nago mu myoyo yinwe, kunguno mukamusanizizye mwenuyo wamutumizaja.

³⁹Mugikomekezye mavutone kunguno muliganika mugati nago mukuvi na vuzuvuku wa hanahana, na gali genaya galisangilwa kunguno ya nene.

⁴⁰Inwe mukakovile kwiza kuwane kigele muve na vuzuvuku,

⁴¹Nene nkavile kwanukula isima ku vanhu, alisi namumanikaja ati mukavile nako kutogwa kwa Mulungu muwinwe.

⁴²

⁴³Nene nizile mu lina lyamwa Vava na mukavile kunanukula nene; ulu ungi aliza mu lina lyakwe mwenekili, mwenuyo mukumwanukula.

⁴⁴Lumehoki mulikovola kusanizya hovene muliwikuzya umo na umo, alisi isima lilifuma kumwa Mulungu mukavile kulikova?

⁴⁵Mukiganike ngʼo ati nkumuvula inwe kumwa Mulungu; umo aliho homwene alimuvula inwe, Mose, homwene mwamwisigizaja.

⁴⁶Kwisi ulu mbe mwamusanizaja Mose, mbe mwansanizaja nene, kwisi uyo watonaga kunguno yane.

⁴⁷Alisi ulu mukavile kugasanizya mavutone gakwe, lumehoki mukuyisanizya mihayo yane?