Read Nyamwezi Yohana 9 Bible Online

Yohana 9 - Nyamwezi bible

Yohana 9

¹Aho Yesu alivita wamuvonaga munhu homwene wavagi muhofu kufuma kuvyalwa kwakwe.

²Na vahemba vakwe vamuvuzaja, vuhaya, Rabi, nani wakenagulaga, uyu ninga vavyazi vakwe ati wavyalwa

³muhofu? Yesu witavukaga, Mwenuyu akakenagulile ninga ngʼo vavyazi vakwe, sumbwa kigele milimo ya Mulungu yifumbulwe hawakwe.

⁴Yilitudima kutumama milimo ya mwenuyo wantumizizye aho limi litali; vuziku vuliza aho kuduhu umo alikovola kutumama.

⁵Mwitungo lyenili ndiho mu liwelelo ndi lumole lwa liwelelo.

⁶Aho waliwayomba genaya watugaga hasi na waluvaga vulongo na mate na wagavilaga minso gakwe

⁷na vulolo, wamuwila, Uje ukilugute mwitava lya Siloam, nguno yalyo: watumizivilwe. Nawe wajaga na wakilugutaga na wasyokaga alivona.

⁸Vazenganwa vakwe na avo vamuvonaga kale ati ali mwilombelezya, vayombaga, Akavile mwenuyu wikalage henaha kwilombelezya?

⁹Vangi vayombaga, Ali mwenuyu; vangi vayombaga, Byololo, sumbwa amwikolile duhu.

¹⁰Mwenekili wayombaga, Honene mwene. Haho vamuwilaga Lumehoki minso gako gatunuzivilwe?

¹¹Mwenuyo witavukaga, Munhu uyo alitanwa Yesu waluvaga vulolo na wavilaga minso gane na wambwilaga, Uje ku Siloam ukilugute. Haho najaga na nilugutaga, na navonaga.

¹²Vamuwilaga, Mwenuyu ali kuhe? Nawe wayombaga, Nene nkamanikizye.

¹³Vamutongekaga ku Vafarisayo mwenuyo wavage hambele muhofu.

¹⁴Alisi yavagi sabato lusiku lwenulo Yesu waluvaga vulolo na wagatunuzaja minso gakwe.

¹⁵Hangi Vafarisayo navo vamuvuzaja, Wavonaga na lumehoki? Nawe wavawilaga, Wavilaga vulolo ku

¹⁶minso gane, nilugutaga, na ndivona. Haho vamo va Vafarisayo vayombaga, Munhu mwenuyu akafumile kumwa Mulungu, kwisi akayilindilile sabato. Vangi vayombaga. Lumehoki munhu mukenaguzi alikovola kuvezya migaka yeniyi? Na vulekane wavagiho mugati navo.

¹⁷Haho vamuwilaga hangi muhofu, Veve uliyombaki kunguno yakwe, kwisi wakutunuzaja minso

¹⁸gako? Nawe wayombaga, Uyu ali mufumbuzi. Haho Vayahudi vakazumizye muhayo gwakwe ati wavage muhofu na wapivagwa kuvona, kusika vavitanaga vavyazi va mwenuyo wapivagwa kuvona.

¹⁹Na vava vuzaja venava, vuhaya, Ali mwana winwe homwene muliyomba ati wavyalilwe muhofu? Lumehoki alivona

²⁰lelo? Haho vavyazi vitavukaga, vuhaya, Tulimanicha mwenuyu ali mwana wiswe, nawe wavyalilwe muhofu;

²¹alisi tukamanikizye lumehoki alivona lelo, ninga nani wagatunuzaja minso gakwe tukamanikizye;

²²uyu wakulile, mumuvuzye; ayombe mwenekili. Vavyazi vayombaga yeniyi kunguno vavogohaga Vayahudi, kwisi Vayahudi vamalaga kwitozya hamohene ati, ulu umo akuzumya ati Yesu ali Kristo akulugalilwa sinagogo.

²³Kunguno yeniyi vavyazi vakwe vayombaga, Wakulile, mumuvuzye mwenekili.

²⁴Haho vamwitanaga ka vuvili munhu mwenuyo wavage muhofu na vamuwila, Umupe Mulungu lukumo, tulimanicha ati munhu mwenuyu ali mukenaguzi.

²⁵Uyo witavukaga, Nene nkamanikizye ulu ali mukenaguzi; kinhu kimo ndimanicha ati nene navage muhofu, na lelo ndivona.

²⁶Haho vamuwilaga hangi, Wakwitilagaki, na

²⁷lumehoki wagatunuzaja minso gako? Nawe wavitavukaga, Namalaga kumuwila na inwe mukigilwe; kuki mulikova kuyigwa hangi? Ninga inwe mulikova kuvi

²⁸vahemba vakwe? Vamufusaga, vuhaya, Veve uli muhemba wakwe, alisi iswe tuli vahemba vamwa Mose.

²⁹Tulimanicha ati Mulungu wayombile na Mose; alisi kunguno ya mwenuyu tukamanikizye uko wafumile.

³⁰Munhu uyu witavukaga na wavawila, Ugu muhayo gwa kukumya ati inwe mukamanikizye uko wafumile, nawe wagatunuzaja minso gane.

³¹Tulimanicha ati Mulungu akavile kuvadegeleka vakenaguzi, sumbwa ulu umo alimogoha Mulungu na alikimazya kikowa

³²chakwe, mwenuyu alimudegeleka. Kufuma kale yikadegelekilwe ati umo wagatunuzaja minso ga umo avyalilwe muhofu.

³³Ulu mbe mwenuyu akafumile kumwa Mulungu mbe akakovolile kuvezya kinhu.

³⁴Navo vitavukaga na vamuwilaga, Veve wavyalilwe vuliko mu mavukenaguzi, naʼho ulituhembeka iswe? Haho vamupezezaja hanze.

³⁵Yesu wigagwa ati vamupezezizye hanze, na aho wamuvonaga wayombaga, Veve ulimusanizya Mwana

³⁶wa Mulungu? Uyo witavukaga, uhaya. Ali nani Guku,

³⁷kigele namusanizye? Yesu wamuwilaga, Veve wamuvonaga, nawe aliyomba naʼho ali mwenuyu.

³⁸Uyu wayombaga, Guku, ndisanizya, na wamukuvilaga.

³⁹Na Yesu wayombaga, Ha vuyanguzi nizaga mugati na liwelelo, kigele venava vakawine vavone, navo valivona vave vahofu.

⁴⁰Na vamo va Vafarisayo hovene vavagi hamohene nawe vayigagwa, vamuwila, Kinahe, iswe

⁴¹vene tuli vahofu? Yesu wavawilaga, Ulu mbe mwavagi vahofu mbe mukavile na vukenaguzi; alisi lelo muliyomba ati, Tulivona; na vukenaguzi winwe vulidilaho.