Read Nyamwezi Milimo 10 Bible Online

Milimo 10 - Nyamwezi bible

Milimo 10

¹Mu Kesarea wikalaga munhu, lina lyakwe Kornelio, mutwale wa mbuto ya valugaluga, hoyene yilitanwa ya

²Italia, munhu musondo homwene wamogohaga Mulungu hamohene na vose va mu numba yakwe, nawe wapanaga fipanwa fingi ku vanhu, na walombaga kumwa Mulungu nsiku zyose.

³Uyu wavonaga welekela mu wigele saa kenda ya limi, malaika wa Mulungu homwene wingilaga hawakwe, na wamuwilaga, Kornelio!

⁴Nawe wamwikomaja, wogohaga, uhaya, Kinahe Guku? Wamuwilaga, Makulomba gako na fipanwa fyako fyafikile higulya kuvi lizukizyo hambele na Mulungu.

⁵Lelo uvatume vanhu ku Yope, vakamulete

⁶Simoni, homwene alitanwa Petro, agenihile hamwa Simoni, munuka ndili, numba yakwe yili ha nguka ya nyanza.

⁷Aho malaika, homwene wayombaga nawe, wamulekaga, wavitanaga vakumba vakwe vavili na mulugaluga umo musondo wa venavo vamutumamilaga nsiku zyose.

⁸Aho wavasunsumulilaga gose, wavatumaga ku Yope.

⁹Hawangaluke aho venavo vavagi mu nzila, na vayegelaga kaya, Petro walinaga higulya na numba saa

¹⁰sita, alombe. Nawe watamaga nzala, na wakovaga kulya; alisi aho vavagi valimuvezezya, wakayilagwa

¹¹mu roho, na wavonaga ilunde lilugukile, na kikaga kiseme kitisi mwenda muhanya gutungilwe ku mapembo gose anne, na gwikivagwa hasi.

¹²Mwenumo zyavagimo mitindo zyose zya ndimu zya magulu anne, na ndimu ziliselema zya liwelelo, na manoni gʼilunde.

¹³Na muzwi gwamuwilaga, Uvuke Petro, usinze, na ulye!

¹⁴Alisi Petro wahayaga, Byololo Guku, kwisi ntali kukilya cha mwiko ninga cha zoma.

¹⁵Hangi ka vuvili muzwi gwamuwilaga, Chenicho Mulungu wakigusaga uleke kukitana cha zoma.

¹⁶Genaya gakwilaga kadatu, na itungo lili kiseme chalinivagwa kwilunde.

¹⁷Aho Petro wikomaja nguno ya wigele wenuvu howene wavuvonaga, lolaga, avo vanhu hovene vatumagwa na Kornelio vamalaga kuyivuzya numba yamwa Simoni,

¹⁸na vimaga ha muzigo. Navo vahamukaga, na vavuzaja, ulu Simoni homwene alitanwa Petro wafikilagamo.

¹⁹Aho Petro witozaja kunguno ya wigele uvu, Roho wamuwilaga, Lolaga, vanhu vadatu valikukova.

²⁰Alisi uvuke, na wike, na uvalonde vuduhu himba;

²¹kwisi nene navatumizaja. Haho Petro wikaga ku vanhu avo, na wayombaga, Lolagi, nene ndi mwenuyu homwene mulimukova.

²²Kunguno yaki mwafikaga henaha? Navo vahayaga, Mutwale Kornelio, munhu mugololoku na alimogoha Mulungu, ali navo vusangilwa vusoga mugati na vanhu vose va Vayahudi; uyo walagilizivagwa na malaika musondo kutumizya kuwako, kigele ufike ku numba yakwe, agigwe hogene ukumuwila.

²³Haho wavanukulaga, na wavapangisaja. Hawangaluke wavukaga, na wajaga hamohene navo, na vamo vadugu va Yope valondehanaga nawe.

²⁴Hawangaluke vingilaga mu Kesarea, na Kornelio wavalindilaga, na wavitanaga vaduguye na vanwani vakwe.

²⁵Aho Petro wingilaga, Kornelio wamusanganilaga, na wagwaga ha magulu gakwe, na wamukuvilaga.

²⁶Alisi Petro wamuvukaja, uhaya, Wimage, nane mwene ndi munhu duhu.

²⁷Aho aliyomba nawe, wingilaga, na

²⁸wavonaga vingi vivilingile, na wavawilaga, Inwe mulimanicha, ati mwiko ku munhu Muyahudi kudimana na munhu wa mugana gungi ninga kumugeniha; alisi Mulungu wanolekaja, naleke kumulola munhu ungi kitisi wa mwiko ninga wa zoma.

²⁹Kunguno yeniyi nizaga vuduhu kulema, aho nasunganagwa. Lelo ndivuzya, mwansunganilaga muhayo ki?

³⁰Na Kornelio wahayaga, Lelo zyavitaga nsiku inne kufuma henaho nafungaga kusika saa yeniyi, na saa kenda nalombaga mu numba yane, na nalolaga, munhu wimaga hambele

³¹nane mu myenda miyekemu, na wayombaga, Kornelio, makulomba gako gadegelekilwe na fipanwa fyako fizukililwe na Mulungu.

³²Kunguno yeniyi utumizye ku Yope, na umwitane Simoni, homwene alitanwa Petro, agenihile mu numba yamwa Simoni, munuki, ha nguka ya nyanza; nawe akukusunsumulila, ulu wasika. Itungo lyenilo natumizaja.

³³kuwako, naʼho wavezaja sisoga kwiza. Lelo iswe vose tuliho hambele na Mulungu, twigwe gose hogene galagilizivagwa na Guku.

³⁴Haho Petro wavukizaja kuyomba, uhaya, Ahene ndimanicha, ati Mulungu akavile na pendelea ku vanhu.

³⁵Sumbwa mugati na magongo gose mwenuyo, homwene alimogoha, na alivezya vugololoku, alizumiliziwa nawe.

³⁶Muhayo gwenugo wagutumizaja ku vana vʼIsraeli, aho watanizaja mhola ya kuhola mugati na Yesu Kristo.

³⁷Mwenuyu ali Guku wa vose. Mulimanicha gose genaya gigelaga mu Uyahudi vose, gavukizaja mu Galilaya hanuma na kogiwa, hokwene

³⁸Yohanesi wakutanizaja, kunguno ya Yesu wa Nazareti, kitisi Mulungu wamuvilaga na Roho Nsondo na nguzu, nawe wayumbaga hose, alivezya milimo misoga na kuvapizya vose, hovene vakindilwe na Shetani; kwisi Mulungu wavagi hamohene nawe.

³⁹Niswe tuli vasangilwa ku gose, hogene wavezaja mu nsi ya Vayahudi na mu Yerusalema; homwene vamuvulagaga, aho vamusungaga ku musigiti.

⁴⁰Uyu Mulungu wamuhembukaja

⁴¹lusiku lwa vudatu, na wamolekaja, ngʼo ku vanhu vose, sumbwa ku vasangilwa, hovene vasogolilwe kale na Mulungu, kuwiswe hovene twalyage na twanwage hamohene nawe hanuma na kuhembuka kwakwe ku lufu.

⁴²Na watulagilaga kuvatanizya vanhu na kusangilwa, ati ali mwenuyu wasogolilwe na Mulungu kuvi. Muyanguzi higulya na vazuvuku na vafwile.

⁴³Mwenuyu vafumbuzi vose valisangilwa, ati vose hovene valimusanizya, vakupiwa kutondolwa kwa mavukenaguzi ku lina lyakwe.

⁴⁴Aho Petro wavagi atali aliyomba mihayo yeniyi, Roho Nsondo wavikilaga vose, hovene vagwigagwa muhayo.

⁴⁵Aho venava mugati navo vatahirivilwe na vasanizizye hovene vizaga hamohene na Petro, vitilulaga muno, kunguno kipanwa cha Roho Nsondo chamwagililwe ku vapagani.

⁴⁶Kwisi vavigagwa valiyomba

⁴⁷mu fiyombele, na valimukuzya Mulungu. Haho Petro witavukaga, Nani alikovola kuvima minzi, valeke kogiwa, venava hovene vamwanukulaga Roho Nsondo

⁴⁸savasava kitisi iswe? Nawe wavalagilaga vogiwe mu lina lyamwa Yesu Kristo. Haho vamulombaga adile hawavo nsiku zimo.