Read Nyamwezi Milimo 19 Bible Online

Milimo 19 - Nyamwezi bible

Milimo 19

¹Yakwilaga aho Apolo wavagi mu Korinto Paulo wahingulaga nsi ya magulya na wafikaga ku Efeso na

²wavonaga vahemba vamo, na wavavuzaja, Mwapivagwa Roho Nsondo aho mwasanizaja? Navo vamwitavukaga, Byololo, tukigilwe ati aliho Roho Nsondo.

³Na wahayaga, Mogivagwa na kogiwa ki? Vahayaga, Na kogiwa kwamwa Yohana.

⁴Haho Paulo wahayaga, Yohana wogaje na kogiwa kwa kupiluka moyo na kuvawila vanhu ati vamusanizye uyo akwiza hanuma

⁵nawe, homwene ali Yesu. Aho vayigagwa yeniyi vogivagwa ku lina lyamwa Guku Yesu.

⁶Na aho Paulo wavatulilaga makono Roho Nsondo wavikilaga, navo

⁷vayombaga mu fiyombele na vafumbulaga, Na vose vavagi vagosya ikumi na vavili.

⁸Na wingilaga mu sinagogo na watanizaja na vugimu myezi idatu, vitozaja navo, na vavadutaga vasanizye genaya ga vutemi wa Mulungu.

⁹Alisi aho vamo valambaga moyo na vakadonhokile na vayisyolaga Nzila hambele na mbuto, wavalekaga, na wavasundaga vahemba kuwavo na witozaja nsiku zyose navo mu skuli ya Tirano.

¹⁰Na yavagi syenisyo myaka ivili kusika vose hovene vikalaga mu Asia, Vayahudi na

¹¹Vagriki, vagwigagwa muhayo gwa Guku. Mulungu wavezaja milimo ya nguzu ya kukumya ku makono

¹²gamwa Paulo, sisyo vavaletelaga valwile fitambala na myenda ya kumuvili gwakwe, na mavulwile gavalekaga, na migavo mivi yafumaga muwavo.

¹³Na Vayahudi vamo vafumu hovene vavagi valiyunga hose, vagemaga kulikanya lina lya Guku Yesu higulya na venavo hovene vavagi nayo migavo mivi, vahayaga, Ndimulahilizya inwe ku nguzu yamwa Yesu homwene Paulo alimutanizya.

¹⁴Avo vagitaga genaya vavagi vana mpungati va Muyahudi Skewa, muhozya muhanya.

¹⁵Alisi mugavo muvi gwitavukaga na gwavawilaga, Yesu ndimumanicha na Paulo ndimumanicha,

¹⁶alisi inwe muli va nani? Na munhu mwenuyo wavagi nago mugavo muvi wavadumukilaga, na wavadimaga vose vavili, na wavakindaga kusika vapelaga vali duhu kufuma ku numba na vagulazivagwa.

¹⁷Genaya gakumukaga ku Vayahudi na Vagriki vose hovene vikalaga mu Efeso, na kogoha kwavagwililaga vose, na lina lya Guku Yesu lyakumukivagwa.

¹⁸Vingi mugati navo hovene vasanizaja vizaga na vayizumilizaja na vayifumbulaga milimo yavo.

¹⁹Na vingi mugati navo vavezaja vufumu vafikumingaga fitabu fyavo na vafitimaga hambele na vose; na vasolozaja mupango gwafyo na vavonaga ati gwavagi fedha fihumbi magana atano.

²⁰Sisyo muhayo gwa Guku gwakulaga na gwajamaga na nguzu.

²¹Aho genaya gamalizivagwa Paulo walomaga mu moyo gwakwe kuhingula Makedonia na Akaya kuja ku Yerusalema, nawe wahayaga, Hanuma na kuja kwenuko yanidima kuyivona Roma.

²²Na wavatumaga vavili mugati navo hovene vamutumamilaga, Timoteo na Erasto, vaje ku Makedonia, alisi mwenekili wikalaga itungo mu Asia.

²³Hʼitungo lyenilo lwavukile lwanilo luhanya kunguno ya Nzila yeniyo.

²⁴Kwisi musuzi wa fedha, lina lyakwe Demetro, wavezaja tusengelo twa fedha twa Artemi, na syenisyo vafundi vapivagwa vusulu wingi hawakwe.

²⁵Venavo wavavilingaga hamohene na avo hovene vatumamaga milimo kitisi yeniyi, na wayombaga, Inwe vagosya, mulimanicha ati nsavo ziswe ziliwigela ha milimo yeniyi.

²⁶Na mulivona na muligwa kitisi yikavile mu Efeso duhu, sumbwa mu Asia yose mwenuyu Paulo wavagadaga na wavapilulaga vanhu vingi mu kuyomba ati milungu hoyene yiliveziwa na makono yikavile milungu.

²⁷Alisi gakavile musyolo duhu ati vufundi wiswe vukuvengeleziwa, sumbwa savasava isengelo lya Artemi, mulungu mukima muhanya, likuleka kuvi nʼisima, na lukwingiwa lukumo lwakwe homwene Asia yose na liwelelo lyose lilimwisenga.

²⁸Aho vagigagwa genaya vokalaga na kisila na vahamukaga,

²⁹vuhaya, Artemi wa Efeso ali muhanya. Na kaya yokalaga nʼibubu na vapelelaga hamohene mugati nʼisapilo, na vavadutaga hamohene navo Gayo na Arstarko vana Makedonia, vayumbi viye vamwa Paulo.

³⁰Aho Paulo wakovaga kwingila mugati na vanhu vahemba vakamuzumilizizye.

³¹Na vamo va vahanya va Asia hovene vavagi vanwani vakwe vatumizaja kuwakwe na vamulombaga aleke kuja kwʼisapilo,

³²Haho vamo vavagi valilila sisyo na vangi sisyo, kwisi mwivilingo gwavipaga, na vingi vakamanikizye kungunoki vivilingaga. Na vamufumaja Aleksandro ku mwivilingo homwene Vayahudi vamutulaga kumbele.

³³Nawe Aleksandro wahungezaja kukono na wakovaga kwivula hambele na vanhu.

³⁴Alisi aho vigagwa ati ali Muyahudi vahamukaga vose na muzwi gumo mugati na saa

³⁵ivili, Artemi wa Efeso ali muhanya. Aho mutoni wa kaya waliwaguhulikaja mwivilingo wahayaga, Inwe vagosya va Efeso, munhu ki akamanikizye ati kaya ya Efeso yili mulindilizi wʼisengelo lyamwa Artemi muhanya na wʼisumbano lyagwile kufuma kwilunde?

³⁶Lelo, kunguno genaya gakakovolilwe kukanwa, yilimudima kuhulika na kuleka kuvezya muhayo wanguwangu.

³⁷Kwisi mwavaletaga vanhu venavo hovene vakavile vasonzi va finhu fya mwisengelo ninga ngʼo vafusani va mulungu gwiswe mukima.

³⁸Ulu Demetro na vafundi hovene vali hamohene nawe vali nago muhayo higulya na munhu, haho ivanza liliho, na vanachalo valiho,

³⁹vakavulane. Alisi ulu muli nago muhayo gungi, haho gukuyombwa mwivanza lya ludonho.

⁴⁰Ahene, tulimo mu musyolo gwa kuvulwa ku vugome wenuvu wa walelo, kwisi nguno yili haduhu ku wenuvu, na tukavile na muhayo gwa kwikanila iswe kunguno ya mwivilingo gwenugu.

⁴¹Na aho wayombaga genaya wagulekutaga mwivilingo.