Read Nyamwezi Varoma 1 Bible Online

Varoma 1 - Nyamwezi bible

Varoma 1

¹Paulo, mukumba wamwa Yesu Kristo, homwene witanilwe kuvi mutume na wasogolilwe kutanizya

²Mhola ya Chelu ya Mulungu, hoyene wayilaganaja vukumbu kale ku milomo ya vafumbuzi vakwe mu mavutone masondo kunguno ya Mwana wakwe, Yesu

³Kristo, Guku wiswe, homwene mugati na kuvyalwa

⁴kwakwe wavagi kwigongo lyamwa Davidi, na mugati na kuhembuka ku lufu yigelaga vuliko ati ali Mwana wa Mulungu mugati na nguzu zya roho ya vusondo.

⁵Mugati nawe twanukulaga kisa kuvi vatume, kigele va machalo gose vitunye moyo mugati nʼisanizyo kunguno ya lina lyakwe.

⁶Mugati navo inwe vene mwitanilwe kuvi vamwa Yesu Kristo.

⁷Kuwinwe vose, vatoneke va Mulungu, hovene mulikala mu Roma, mwitanilwe kuvi vasondo: Kisa kiveho hamohene ninwe na kuhola kufuma kumwa Mulungu, Vava wiswe, na Guku Yesu Kristo!

⁸Hambele ndimulumbila Mulungu wane mugati na Yesu Kristo kunguno yinwe vose, kunguno isanizyo linwe lyakumukile mu liwelelo lyose.

⁹Kwisi Mulungu, homwene ndimutumamila mu roho yane ha Mhola ya Chelu ya Mwana wakwe, ali musangilwaho wane ati

¹⁰ndimwizukila inwe hanahana vuduhu koya, na mu kulomba kwane hanahana napiwe chelu hanuma na kikowa cha Mulungu kufikako kuwinwe.

¹¹Kwisi ndi na nhumbu kumuvona inwe, kigele namupe kipanwa

¹²kimo cha Roho, inwe mujamiliziwe; syenisyo twijamilizye hamohene, nene ninwe, mugati nʼisanizyo holyene lilimo muwinwe na muwane.

¹³Alisi ndikova mumaniche, vadugu. ati nalomaga kingi kufika kuwinwe, kigele napiwe fisumo fimo mugati ninwe, kitisi napivilwe mugati na va machalo gangi, alisi nahangilizivilwe kusika lelo.

¹⁴Nene ndi mutondwa wa Vagriki na wa vapagani, na wa va ngelo na wa vahumbu.

¹⁵Syenisyo muwane nene ndi tayari kumutanizya inwe

¹⁶Mhola ya Chelu, inwe hovene mulimo mu Roma. Kwisi nkawine nsoni kunguno ya Mhola ya Chelu, kwisi yili nguzu ya Mulungu ya kuvapizya vose hovene valisanizya, hambele Vayahudi haho Vagriki vene.

¹⁷Kwisi mwenumo vugololoku wa Mulungu vulifumbulwa howene vulifuma kwisanizyo na vulificha hʼisanizyo, kitisi yatonilwe, Mugololoku akuzuvuka kwisanizyo.

¹⁸Kwisi kisila cha Mulungu kilifumbulwa kufuma kwilunde kwigulya na ivengwe lyose na wigomu wa vanhu, hovene valiyihangilizya hanayene mugati na wigomu wavo.

¹⁹Kunguno genaya galikovolwa kumanikiwa kunguno ya Mulungu gigelaga muwavo, kunguno Mulungu wavafumbulilaga genaya.

²⁰Vukumbu na kutundwa kwa liwelelo mutindo gwakwe gwa lwiviso, na nguzu zyakwe zya hanahana, na vumulungu wakwe, wamanikizivilwe na wigelaga mugati na fitundwa fyakwe, syenisyo vakavile na muhayo gwa kwivula.

²¹Nulu vamumanikaja Mulungu, vakamukuzizye ninga vakamulumbilile kitisi Mulungu, sumbwa vatalile mu miganiko gavo, na myoyo yavo mihumbu yakinganizivilwe na giti.

²²Aho venavo visanizaja ati vali va ngelo,

²³vahumbaga, na valupilulaga lukumo lwa Mulungu, homwene akakovolile kuzimanguka, ku musimo gwa isumbano lya munhu muzimanguke na lya manoni na lya ndimu na lya genayo galiselema.

²⁴Kunguno yeniyi Mulungu wavalekaga mu mawivonya ga myoyo yavo vazimazye zoma, vayiponde nsoni

²⁵mivili yavo muwavo venekili, kwisi vayipilulaga hanayene ya Mulungu kuvi vulamba, na vafisengaga na vafitumamilaga fitundwa ha lwande lwa Mutundi, homwene alikuziwa kusika hanahana. Amen.

²⁶Kunguno yeniyi Mulungu wavalekaga mu mawivonya gavo ga nsoni, syenisyo vakima vavo vavupilulaga vutundwa wa mivili yavo ku milimo yikagelanilile na

²⁷vutundwa wavo; na sisyo savasava vagosya valekaga kuvatumila vakima ha vutundwa wavo na mugati na moto gwa vusengʼhya vitamanilagwa na ku milimo ya nsoni vitumilaga vagosya ku vagosya, na kunguno yeniyi vipaga venekili musyahala gwa mapuvyo gavo kitisi yagelanilaga kuwavo.

²⁸Na kitisi vakanaga kudimana na Mulungu mugati na masala gavo, syenisyo Mulungu wavalekaga vagalonde malome gavo mavi, vagavezye genaya gakasikile;

²⁹vokazivilwe na wigomu vose, kayaya, wivonya na vuvi; vokalile ivuva, vuvulagi, nsika, vuyengani, kasa,

³⁰vasonsomozi, vatolani, vagaya Mulungu, vigilimbizya, va myete, vifunangizya, vatunganiki va kavi, vatazi

³¹va vavyazi, vakavile na ngelo, vavinza malagano,

³²vali gele kutogwa na kigongo, hovene valivumanicha vuliko vugololoku wa Mulungu, ati yilivadima venava kufwa hovene valita genaya, na hangi vakavile kwita genaya venekili duhu, sumbwa valivadehela avo hovene valita genaya.