Read Nyamwezi Varoma 10 Bible Online

Varoma 10 - Nyamwezi bible

Varoma 10

¹Vadugu, cheniki kili kikowa cha moyo gwane na kulomba kwane kumwa Mulungu ati, venavo vapiziwe.

²Kwisi ndisangilwaho ati, vali na vugangadiku kunguno

³ya Mulungu, alisi vuduhu masala. Kwisi aho vavagi vakavumanikizye vugololoku wa Mulungu, vakovaga kuvukindika vugololoku wavo venekili, na vakitunizye hansilili na vugololoku wa Mulungu.

⁴Kwisi Kristo ali mhelo ya ngʼhama, kigele venavo valimusanizya vapiwe vugololoku.

⁵Kwisi Mose alitona ati, munhu homwene alivuvezya vugololoku wenuvu vulifuma ku

⁶ngʼhama, akuzuvuka mugati navo. Alisi vugololoku wenuvo vulifuma kwisanizyo vulihaya, Uleke kuyomba mu moyo gwako, Nani akulina kwilunde? nguno yili

⁷yeniyi ya kumusocha Kristo hasi, ninga, Nani akwika ha mizimu? nguno yili yeniyi ya kumufumya Kristo ku venavo vafwile.

⁸Alisi vulihayaki? Muhayo guli bihi naʼho mu mulomo gwako na mu moyo gwako, gwenugu guli muhayo gwʼisanizyo hogwene tuligutanizya.

⁹Kwisi ulu veve ulizumilizya na mulomo ati Yesu ali Guku, na ulisanizya mu moyo gwako ati Mulungu

¹⁰wamuhembukaja ku lufu, haho ukupiziwa. Kwisi yilisaniziwa na moyo ku vugololoku, na yilizumiliziwa na mulomo ku vupiziwa.

¹¹Vutone vulihaya, Homwene alimusanizya, mwenuyo kupondwa ngʼo nsoni.

¹²Kwisi haduhuho vulekane mugati na Muyahudi na Mugriki, kunguno Guku umo ali Guku wa vose na musavi ku vose hovene valimwitana.

¹³Kunguno homwene alilitana lina lyamwa Guku akupiziwa.

¹⁴Alisi lumehoki vakumwitana mwenuyo homwene vakavile kumusanizya? Na lumehoki vakumusanizya mwenuyo homwene vakamwigilwe? Na lumehoki vakwigwa ulu

¹⁵haduhuho wa kutanizya? Na lumehoki vakutanizya ulu vakatumizivilwe? Kitisi yitonilwe, Ii, magulu ga venavo gali masoga hovene valitanizya mhola nsoga.

¹⁶Alisi ngʼo vose vayidonhokile Mhola ya Chelu, kwisi Yesaya alihaya, Guku, nani wayisanizaja mhola yiswe?

¹⁷Sisyo isanizyo lilifuma ku genaya gadegelekilwe, nago gadegelekilwe galifuma ku muhayo gwamwa Kristo.

¹⁸Alisi ndivuzya, Kinahe vakigilwe? Ahene, vigilwe, kwisi, Muzwi gwavo gwakumukaga mu nsi zyose, Na mhola yavo kusika mhelo ya liwelelo.

¹⁹Hangi ndivuzya, Kinahe, Visraeli vavagi vakayimanikizye? Hambele Mose aliyomba, Nkutula ivuva mu myoyo yinwe kunguno ya va chalo hovene vakavile va chalo, Na nkumusemuzya inwe mu kisila kwigulya na va chalo hovene vali gele masala.

²⁰Alisi Yesaya aligima kuyomba, Nene navonagwa na venavo vakankovile, Nigelaga ku venavo vakambuzilizizye.

²¹Alisi kunguno ya Visraeli alihaya, Limi zelele navagololelaga makono gane va chalo hovene vali vʼivengwe na va lwanilo.