Read Nyamwezi Varoma 7 Bible Online

Varoma 7 - Nyamwezi bible

Varoma 7

¹Ninga mukamanikizye vadugu, (kwisi ndiyomba ku venava vamanikizye ngʼhama), ati ngʼhama zilitema kwigulya na munhu matungo genayo duhu alizuvuka.

²Kwisi mukima mutole atungilwe na ngʼhama ku mugosi wakwe aho atali alizuvuka; alisi ulu mugosi wafwa,

³haho watungulilwe ku ngʼhama zya mugosi. Kunguno yeniyi mwitungo lyenili mugosi atali alizuvuka, akwitanwa musihya, ulu ali na mugosya ungi; alisi ulu mugosi wafwa, watungulilwe ku ngʼhama na kwitanwa

⁴ngʼo musihya, nulu akuvi na mugosya ungi. Sisyo inwe vene, vadugu vane, muli vafwile hambele na ngʼhama mugati na muvili gwamwa Kristo kigele muve va mwenuyo ungi homwene wahembukile ku lufu, kigele tumwambizye Mulungu fisumo.

⁵Aho twavulondaga vutundwa wa muvili, mavusengʼhya ga vukenaguzi gamisivagwa na ngʼhama, na gatumamaga mu fivalango fiswe tufyambye fisumo fya lufu.

⁶Alisi lelo twatungulilwe ku ngʼhama, na tuli vafwile hambele na genayo mugati nago twavage tutungilwe, na sisyo tulitumama mu mutindo mupya gwa roho, na ngʼo mu mutindo gwa kale gwa vutone wa ngʼhama.

⁷Haho tuyombeki? Ngʼhama zili vukenaguzi? Byololo Alisi navagi nkavumanikizye vukenaguzi sumbwa mugati na. ngʼhama; kwisi navagi nkamanikizye kwigomelwa, ulu mbe ngʼhama yikayombile, Uleke kwigomelwa.

⁸Alisi vukenaguzi wapivagwa nguzu kunguno ya mukumo, na wavakaja muwane mawigomelwa ga mitindo zyose; kwisi vuduhu ngʼhama vukenaguzi vufwile.

⁹Alisi kale nadilage vuduhu ngʼhama, alisi aho mukumo gwansikilaga, vukenaguzi wahembukaga, nane nafwaga.

¹⁰Mukumo hogwene gwakovaga kundetela vuzuvuku gwanfikilaga mu lufu.

¹¹Vukenaguzi wapivagwa nguzu kunguno ya mukumo, na wanyengaga, na wambulagaga kunguno ya mukumo gwenugo.

¹²Sisyo ngʼhama zili nsondo na mukumo guli musondo na mugololoku na musoga.

¹³Kinahe, genayo hogene gavagi masoga ganfilaga nene mu lufu? Byololo, yikavile sisyo! Sumbwa wavagi vukenaguzi, kigele wigele kitisi vukenaguzi, navo wagatumilaga genayo gali masoga kumbulaga; kigele vukenaguzi mugati na mukumo wigelile kuvi vukenaguzi vuhanya munogwene.

¹⁴Kwisi tulimanicha ati ngʼhama kitundilwe chazyo kili cha roho, alisi nene kitundilwe chane kili cha muvili, naguzivilwe ku vusese wa vukenaguzi.

¹⁵Kwisi nkamanikizye icho ndita; kunguno nkavile kwita icho ndikova kwita, sumbwa icho ndikigaya, chenicho ndita.

¹⁶Alisi ulu nene ndigita genaya nkatogilwe

¹⁷kwita, haho ndizumya ati ngʼhama zili nsoga. Sisyo nkavile nene ndigita genaya, sumbwa vukenaguzi howene vulimo mugati na nene.

¹⁸Kwisi ndimanicha ati mugati na nene, mugati na muvili gwane, kasoga kakavilemo; kikowa ndi nacho, alisi nguzu zya kukita kasoga ndi gele.

¹⁹Kwisi nkavile kukita kasoga kenako ndikova, kwita, sumbwa ndikita kavi kenako nkakovile kwita.

²⁰Ulu haho ndigita genayo hogene nkatogilwe kwita, haho nkavile nene homwene ndigita genaya, sumbwa vukenaguzi howene vulimo muwane.

²¹Sisyo ndivona ngʼhama yeniyi ati aho ndikova kwita kasoga kavi kali bihi na nene.

²²Kwisi mugati na moyo ndizidehela ngʼhama zya Mulungu, alisi ndiyivona ngʼhama

²³yingi mu fivalango fyane, hoyene yililasana na ngʼhama ya mumoyo gwane na yilintinga mu nguzu ya ngʼhama ya vukenaguzi, hoyene yilimo mu fivalango fyane.

²⁴Nene munhu mupina! Nani akumpizya ku muvili

²⁵gwenugu gwa lufu? Ndimulumbila Mulungu mugati na Yesu Kristo, Guku wiswe. Haho yili syenisi: mugati na moyo ndizitumamila ngʼhama zya Mulungu, alisi mugati na muvili ndiyitumila ngʼhama ya vukenaguzi.