Read Nyamwezi 1vakorinto 11 Bible Online

1vakorinto 11 - Nyamwezi bible

1vakorinto 11

¹Muve valondezi vane kitisi nene ndi mulondezi wamwa Kristo.

²Ndimukuzya kunguno mulinizukila mu gose, na mulifidima fitilwe kitisi namulagilaga.

³Alisi natogwa mumaniche ati, Kristo ali mutwe gwa kila mugosya, alisi mugosya ali mutwe gwa mukima, alisi Mulungu ali mutwe gwamwa Kristo.

⁴Kila mugosya alilomba ninga alifumbula na mutwe gwakwe

⁵gukumbilwe, aliguponda nsoni mutwe gwakwe. Sumbwa kila mukima homwene alilomba ninga alifumbula na mutwe gwakwe gukumbulilwe, aliguponda nsoni mutwe gwakwe, kwisi guli mutindo gumo kitisi wamogagwa.

⁶Kwisi ulu mukima akavile kwikumba, asunzule savasava, alisi ulu yikasikile mukima asunzule

⁷ninga amoge, haho akumbwe. Kwisi yikamudimile mugosya ikumbe mutwe, kunguno ali isumbano na lukumo lwa Mulungu, alisi mukima ali lukumo lwa mugosya.

⁸Mugosya akafumile ku mukima sumbwa mukima ku mugosya.

⁹Ninga mugosya akatundilwe kunguno ya mukima sumbwa mukima kunguno ya mugosya.

¹⁰Kunguno yeniyi yilimudima mukima ave nalo lumeho lwa kwitunya ku mutwe kunguno ya malaika.

¹¹Mugati na Guku mukima akavile vuduhu

¹²mugosya, nulu mugosya vuduhu mukima. Kwisi kitisi mukima alifuma ku mugosya, sisyo mugosya ali ku mukima, alisi vose valifuma kumwa Mulungu.

¹³Muyangule inwe venekili, yilisika ulu mukima alilomba kumwa Mulungu na mutwe gwakwe gukumbulilwe?

¹⁴Kinahe, vutundwa vukavile kumuhembeka inwe, ati ulu mugosya ali na misinzi yili nsoni kuwakwe?

¹⁵Sumbwa ulu mukima ali na misinzi lili isima kuwakwe, kwisi wapivagwa misinzi kitisi kizwalo.

¹⁶Alisi ulu umo alikova kwiyanilizya tukavile nacho kitilwe cha mutindo gwenugu, ninga ngʼo mumavilingano ga Mulungu.

¹⁷Ndimupa muhayo, alisi gukavile gwa kumukumucha inwe, ati ulu mulivilinga yikavile ha tusoga sumbwa ha tuvi.

¹⁸Hambele ndigwa ati ulu mulivilinga mwivilingano, mavulekane galiho mugati ninwe, na ndiyisanizya hado.

¹⁹Kwisi yadimagwa kuviho fiheli mugati

²⁰ninwe, kigele vajamu vigele mugati ninwe. Ulu mulisanja hamohene yikavile kulya kivembo chamwa Guku;

²¹kwisi mu kulya kila umo alitongela kusola chakulya

²²chakwe, na ungi ali na nzala, na ungi akolilwe. Kinahe, mukavile nazyo numba zya kulila na kunwela? ninga mulilivengelezya ivilingano lya Mulungu, na kuvaponda nsoni avo hovene vakavile nacho kinhu? Namuwileki? namukumuche inwe ku genaya? Mu genaya nkavile kumukumucha.

²³Kunguno naganukulaga na Mulungu genaya namutanizaja ati, Guku Yesu mu vuziku wenuvo wafumivagwa, wasolaga mukate,

²⁴wagongo laga, na wagumegulaga na wahaya, Gwenugu guli muvili gwane hogwene guli kuwinwe, mugite genaya kunizukila.

²⁵Sisyo savasava wakisolaga kineneko hanuma na kulya kivembo, na wahaya, Kineneko cheniki kili vuswanya vupya mu magazi gane mugite

²⁶genaya, aho mulikinwela kunizukila nene. Kwisi hanahana ulu muligulya mukate gwenugu, na mulikinwela kineneko, mulilutanizya lufu lwamwa Guku kusika alize.

²⁷Kwisi kila umo aligulya mukate ninga alikinwela kineneko chamwa Guku vuduhu isima, akuvi na musango ku muvili na magazi gamwa Guku.

²⁸Alisi kila munhu ikomye muwakwe, na haho alye ku mukate na anwe ku kineneko.

²⁹Kwisi kila umo alilya na alinwa vuduhu isima, alilya na alinwa ku kitanga chakwe, ulu akavile kugwikomya muvili.

³⁰Kunguno yeniyi vingi mugati ninwe vali vasakazu na valwile na vamo valalile tulo.

³¹Alisi ulu tuliwikomya iswe venekili, mbe tukavile kuyangulwa.

³²Alisi ulu tuliyangulwa tulidukiwa na Guku, ngena tutemwe kitanga hamohene na liwelelo.

³³Kunguno yeniyi vadugu, aho mulisanja

³⁴mu kulya, mwilembelage. Ulu umo ali nayo nzala, alye ku kaya, ngena mwivilinge ku kitanga. Na ago gasigalile, ndagavegelezye ulu ndize.