Read Nyamwezi 1vakorinto 13 Bible Online

1vakorinto 13 - Nyamwezi bible

1vakorinto 13

¹Ulu ndiyomba fiyombele fya vanhu na fya vamalaika, alisi ndi gele kutogwa, mbe navagi mukuvo gwa pe hogwene gulana, ninga muyimba hogwene guliyuma.

²Ulu ndi nacho kipanwa cha vufumbuzi, na ndigamanicha malwiviso gose na wenge vose, na ulu ndi nalyo isanizyo lyose lya kukovola kusamya malugulu, alisi ndi

³gele kutogwa, mbe nkavile kinhu. Ulu ndivagavulila vapina nsavo zyane zyose, na ulu ndigufumya muvili gwane gutimwe moto, alisi ndi gele kutogwa, mbe yikambelelile kinhu.

⁴Kutogwa kulilembelambela, kuli nacho kigongo; kutogwa kukavile kwivuvila; kutogwa

⁵kukavile kwigagambazya, kukavile kwifunangizya, kukavile kugita hogene gakasikile, kukavile kwikovela gako kwenekili, kukavile kugaya, kukavile kwizukila

⁶mavi, kukavile kudehela wigomu, sumbwa kuliyidehela hanayene;

⁷kuligavukilizya gose, kuligasanizya gose,

⁸kuligisigizya gose, kuligalembela gose. Kutogwa kukavile kumala ku matungo gose, sumbwa vufumbuzi vukwingika, ninga fiyombele fikumala, ninga wenge vukwingika.

⁹Kwisi tulimanicha ha lwande duhu, na

¹⁰tulifumbula ha lwande duhu; alisi ulu vukomezu vulize, ga ha lwande gakwingika.

¹¹Aho navagi muyanda nayombaga kitisi muyanda, namanikaja kitisi muyanda, niganikaga kitisi muyanda; lelo navile mugosya nagalekaga ga vuyanda.

¹²Kwisi hagisi tulivona mwilole kitisi mbisila, alisi haho vusyu ku vusyu; hagisi ndimanicha kwifungu, alisi haho ndamaniche kitisi namanikivilwe.

¹³Alisi lelo lilidila isanizyo na isigizyo na kutogwa, genaya adatu; na mugati nago kutogwa kuli kuhanya.