Read Nyamwezi 1vakorinto 14 Bible Online

1vakorinto 14 - Nyamwezi bible

1vakorinto 14

¹Mukovage kutogwa, na mutamanilwe fipanwa fya

²Roho, alisi munogwene vufumbuzi. Kwisi uyu aliyomba mu fiyombele, akavile kuyomba na vanhu sumbwa na Mulungu; kwisi kuduhu umo aligwa, sumbwa mu roho aliyomba mihayo ya lwiviso.

³Alisi homwene alifumbula, aliyomba na vanhu kuvajamya na kuvahana na kuvahulicha mu myoyo.

⁴Homwene aliyomba mu fiyombele aliwijamilizya; alisi homwene alifumbula alilijamya ivilingano.

⁵Lelo natogwa inwe vose muyombe mu fiyombele, alisi munogwene mufumbule; nawe alifumbula ali muhanya kukila uyo aliyomba mu fiyombele, sumbwa duhu ulu alipilula, kigele ivilingano lijamiliziwe.

⁶Alisi lelo vadugu, ulu ndiza kuwinwe na ndiyomba mu fiyombele, nkumugwasya kinahe, ulu nkavile kuyomba ninwe ninga mu vukundukule, ninga mu ngelo, ninga mu kufumbula, ninga mu

⁷kuhembeka? Ninga finhu fili gele vuzuvuku, hofyene filifumya muzwi, ninga filimbi ninga izeze, mbe fikavile kulekanya mizwi, gamanikiwe mutindoki genaya galitulwa mu filimbi ninga mu izeze?

⁸Kwisi ulu kalumbete kalifumya muzwi gukavile kumanikiwa, nani

⁹akwitula tayari ku vulugu? Sisyo sisyene ninwe, ulu mukavile kufumya na lulimi kiyombele kilimanikiwa, gamanikiwe mutindoki genaya galiyombwa? kwisi mukuvi muliyomba mu muyaga.

¹⁰Lelo filiho fiyombele fya mitindo na mitindo mu liwelelo, na kuduhu kimo hochene kikavile na nguno.

¹¹Ulu nkayimanikizye nguno ya muzwi, mbe nkuvi mugeni kuwakwe homwene aliyomba, nawe aliyomba akuvi mugeni kuwane.

¹²Syenisyo ninwe, ulu mulitamanilwa fipanwa fya roho, mukove kokala nafyo hofyene fililijamya ivilingano.

¹³Kunguno yeniyi homwene aliyomba mu fiyombele alombe kumanicha kupilula.

¹⁴Kwisi ulu ndilomba mu fiyombele, roho yane yililomba, alisi masala gane gakavile na vusulu.

¹⁵Kinahe lelo? nkulomba na roho, na nkulomba savasava na masala; nkwimba na roho na nkwimba savasava na masala.

¹⁶Ninga ulu ulimugongola Mulungu mu roho, mutindoki homwene wa hanze akwitavuka Ameni ku kulumbila kwako, nawe akagamanikizye genaya ulihaya?

¹⁷Ahene, ulilumbila sisoga; alisi uyo ungi akajamilizivilwe.

¹⁸Ndimulumbila Mulungu kunguno ndiyomba mu fiyombele kukila inwe vose.

¹⁹Alisi mwivilingano nditogwa kuyomba mihayo itano na masala gane, kigele navahembeke vangi, kukila mihayo fihumbi ikumi mu fiyombele.

²⁰Vadugu, muleke kuvi vana mu masala, sumbwa muve vana mu vuvi, alisi mu masala muve vanhu vakomezu.

²¹Yitonilwe mu ngʼhama, Ku vanhu va fiyombele figeni na ku milomo ya vageni nkuyomba na vanhu venava, ninga syenisyo vakuleka kundegeleka, alihaya Guku.

²²Kunguno yeniyi fiyombele fili lumeho, ngʼo kuwavo hovene valisanizya, sumbwa kuwavo vakavile kusanizya; alisi vufumbuzi vukavile kuwavo vakavile kusanizya, sumbwa kuwavo hovene valisanizya.

²³Lelo, ulu ivilingano lyose livilingaga, na vose valiyomba mu fiyombele, na valingila vahumbu ninga venava vakavile kusanizya, kinahe, vakakovolile kuyomba ati inwe muli vasazi?

²⁴Alisi ulu vose valifumbula, na alingila umo akavile kusanizya ninga muhumbu, haho alikindwa na vose, nawe alikomiwa na vose;

²⁵malwiviso ga mu moyo gwakwe galifumbulwa, na haho akukundama ha vusyu, na akumwisenga Mulungu, na akuzumya ati Mulungu alimo mugati ninwe loleyene.

²⁶Kinahe lelo, vadugu? ulu mulisanja, kila umo ali na lwimbo, ninga vuhembeki, ninga vufumbuzi, ninga kiyombele, ninga kupilula. Gose gatumamwe kunguno ya kujamilizya.

²⁷Ulu yiliyombwa mu fiyombele, vave vavili ninga vadatu duhu, na ungi hanuma na ungi, na

²⁸umo apilule; alisi ulu haduhu wa kupilula, ahulike mwivilingano, nawe ayombe hawakwe mwenekili na kumwa Mulungu.

²⁹Na vafumbuzi vayombe vavili

³⁰ninga vadatu, na vangi vagayangule. Alisi ulu ungi homwene alikalaho alifumbulilwa muhayo, uyo wa mbele ahulike.

³¹Kwisi inwe vose mulikovola kufumbula, ungi hanuma na ungi, kigele vose vahembekwe

³²na vose vahanwe; na roho zya vafumbuzi zilitunya

³³hansilili na vafumbuzi; kwisi Mulungu akavile Mulungu wa vululunganya sumbwa wa kuhola, sisyo sisyene mu mavilingano gose ga vasondo.

³⁴Vakima vahulike mwivilingano, kwisi vakavile na luhusa kuyomba, sumbwa vitunye, kitisi ngʼhama nayo yiliyomba.

³⁵Ulu valitogwa kwihembeka muhayo, vavavuzye vagosi vavo kukaya; kwisi yili nsoni ku mukima kuyomba mwivilingano.

³⁶Kinahe, muhayo gwa Mulungu gwafumile kuwinwe, ninga gwamufikilile inwe mwinene?

³⁷Ulu umo aliganika ati ali mufumbuzi, ninga wa roho, amaniche ati genaya ndimutonela inwe gali malagilizyo gamwa Guku.

³⁸Alisi ulu munhu akagamanikizye, aleke kugamanicha.

³⁹Kunguno yeniyi, vadugu vane, mukovage kufumbula, na muleke kuhangilizya kuyomba mu fiyombele.

⁴⁰Alisi gakwile kitisi galisika na mugati na ludonho.