Read Nyamwezi 1vakorinto 7 Bible Online

1vakorinto 7 - Nyamwezi bible

1vakorinto 7

¹Lelo kunguno ya genayo mwantonelaga: Yamuvelela mugosya aleke kukumya mukima.

²Alisi kunguno ya vusihya kila mugosya ave na muke wakwe mwenekili, na kila mukima ave na mugosi wakwe mwenekili.

³Mugosya amupe muke wakwe genaya gamudima, na sisyo sisyene muke amupe mugosi wakwe.

⁴Muke akavile na vukovozi ku muvili gwakwe, sumbwa mugosi; savasava mugosya akavile na vukovozi ku muvili

⁵gwakwe, sumbwa muke. Muleke kwiyima, kolaga mwikondelaga kwitungo, kigele mupiwe kavelo ka kulomba, na haho mudimane hangi, nokena Shetani amuhumbike kunguno mukakovolile lya Ilenga.

⁶Alisi genaya ndihaya kitisi luhusa, likauhe ilagilizyo.

⁷Natogwa ati vanhu vose vave kitisi nene mwenekili, alisi kila umo ali nacho kipanwa chakwe mwenekili kufuma kumwa Mulungu, ungi giki na ungi giki.

⁸Ndivawila venava vatali kutola ninga kutolwa na vasimbe, Yavavelela kwikala kitisi nene.

⁹Alisi ulu vakakovolile kwilenga vitole, kwisi yavela kwitola kukila kutamanilwa.

¹⁰Alisi va vukwele ndivalagila, alisi nkavile nene sumbwa Guku, Kuduhu muke alekane na

¹¹mugosi wakwe; alisi ulu alimuleka, ikale mu vusimbe, ninga ikondele na mugosi wakwe; na hangi ati, Kuduhu mugosi amuleke mukima wakwe.

¹²Alisi vangi ndivawila nene, akavile Guku, Ulu mudugu umo ali nawe muke akavile kusanizya, na uyu alizumya kwikala

¹³nawe, kuduhu amuleke mugosi wakwe. Na mukima, ulu ali nawe mugosi homwene akavile kusanizya, na uyu alizumya kwikala nawe, kuduhu amuleke mugosi wakwe.

¹⁴Kwisi mugosi, homwene akavile kusanizya, wasondohiwa na muke, nawe muke, homwene akavile kusanizya, wasondohiwa na mugosi; alisi ulu yavagi yikavile sisyo vana vinwe mbe vavagi va zoma, alisi lelo vali vasondo.

¹⁵Alisi ulu uyo akavile kusanizya alifuma mu vukwele, ingike duhu; mudugu mugosya ninga mukima akatungilwe mu mitindo yeniyi; sumbwa Mulungu watwitanaga ku kuhola.

¹⁶Kwisi veve mukima ulimanicha mutindoki ulu ukumupizya mugosi wako? ninga naʼho mugosya ulimanicha mutindoki ulu ukumupizya muke wako?

¹⁷Kila munhu asimize kitisi Mulungu wamugavulilaga na kitisi Mulungu wamwitanaga; na syenisyo nulagila mu mavilingano gose.

¹⁸Ulu munhu witanilwe atahirivilwe, aleke kuvi kitisi munhu akatahirivilwe; ulu munhu witanilwe akatahirivilwe aleke kutahiriwa.

¹⁹Kutahiriwa gukavile muhayo, ninga kuleka kutahiriwa gukavile muhayo, sumbwa kulindila mikumo ya Mulungu.

²⁰Kila umo ikale mu mulimo gwenugu mwenumo witanililwe.

²¹Ulu witanilwe uli musese uleke kwisusuma kunguno yeniyi; alisi ulu ulikovola kuvi na vunamiko uvukove.

²²Kwisi homwene witanililwe mu Guku nawe ali musese, ali munamiko wa Guku; na sisyo sisyene uyo witanilwe ali munamiko, ali musese wa Guku.

²³Mwagulagwa na mupango, muleke kuvi vasese va vanhu.

²⁴Kila umo, vadugu, ikale hambele na Mulungu mu mutindo ugo witanililwemo.

²⁵Lelo kunguno ya vahala nkavile nalyo ilagilizyo lyamwa Guku; alisi ndigafumya miganiko gane kitisi umo homwene welukilagwa na Guku kuvi mujamu.

²⁶Ndivona ati yamuvelela munhu kwikala kitisi wavagi kunguno ya mukosi gwa hagisi.

²⁷Ulu watungagwa na mukima, kuduhu ukove kutungulwa. Ulu ukatungilwe uleke kukova mukima.

²⁸Nulu ulitola ukavile kupuva; nulu muhala alitolwa akavile kupuva; alisi venava vakuduka mu muvili, na ku yeniyi nkumulindila inwe.

²⁹Alisi ndihaya giki, vadugu, itungo lili ido, ati kufuma lelo venava vali navo vakima vakuvi kitisi vali gele;

³⁰navo valilila kitisi vakavile kulila, navo valideha kitisi vakavile kudeha; navo valigula kitisi vali gele kinhu;

³¹navo valilitumamila liwelelo lyenili kitisi vakavile kulitumamila; kwisi genaya ga liwelelo lyenili galisila. Alisi nditogwa muleke kwisusuma.

³²Uyo akatolile aligangadika na genaya gamwa Guku, mutindoki amutogezye;

³³alisi uyo watolaga aligangadika na genaya ga

³⁴liwelelo, mutindoki amutogezye muke wakwe. Hangi vulekane vuliho mugati na mukima atolilwe na muhala. Uyo akatolilwe aligangadika na genaya gamwa Guku, kigele ave musondo mu muvili na mu roho; alisi uyo atolilwe aligangadika na genaya ga liwelelo, mutindoki amutogezye mugosi wakwe.

³⁵Alisi genaya ndigahaya kigele gamuvelele inwe, gakavile kunguno ya kumutega. na mutego, sumbwa kunguno ya ludonho, na kigele mudimane na Guku.

³⁶Ulu umo alivona kitisi yikamuvelelile mwana wakwe mukima kudila mu vusimbe, nawe ali muhanya, na yili syenisyo, uyo ite kitisi alitogwa, akavile kupuva, vitole duhu.

³⁷Alisi uyu homwene aliwima mu vujamu wa moyo gwakwe, nawe akakungilizivilwe, sumbwa alitema higulya na kikowa chakwe, nawe walomaga mu moyo gwakwe mwana wakwe aleke kutolwa, mwenuyu wavezya.

³⁸Sisyo uyu alimutozya mwana wakwe mukima wavezya, na uyo akavile kumutozya wavezya sisoga muno.

³⁹Muke atungilwe nsiku zyose mugosi wakwe ali mupanga; alisi ulu mugosi aligulala, ali na luhusa kutolwa na mwenuyu alitogwa, sumbwa yikwile mugati na Guku.

⁴⁰Alisi yamuvelela kwikala kitisi ali, sisyo ndivona nene, na ndiganika nane ndi na Roho ya Mulungu.