Read Nyamwezi 2 Vakorinto 11 Bible Online

2 Vakorinto 11 - Nyamwezi bible

2 Vakorinto 11

¹Yavelaga ulu mwambonelaga kisa ku vuhumbu wane

²vudo, ahene, mumbonelage kisa. Ndimwivuvila inwe nʼivuva lya Mulungu, kwisi namulahilile inwe mugosya umo, kigele namwimike inwe kitisi muhala musondo kumwa Kristo.

³Alisi ndogoha kitisi nzoka yamuhumbikile Eva na vuhuguku wayo, sisyo miganiko ginwe gakuvipa na kuvuzimizya vukondu kumwa Kristo.

⁴Kwisi ulu umo aliza alimutanizya inwe Yesu ungi, homwene iswe tukamutanizizye, ninga muliyanukula roho yingi, hoyene mukayanukulile, ninga Mhola ya Chelu yingi, hoyene mukayizumizye, mulivela kuzumya duhu.

⁵Kwisi ndiganika ati nkadohelilwe kinhu, hochene vatume vahanya vavagi nacho.

⁶Nulu ndi muhumbu mu vuyombi nkavile mu masala, sumbwa twamufumbulilaga genaya gose hosehose.

⁷Ninga nakenagulaga mu kwidohelezya, kigele inwe mukumukiwe, kunguno namutanizaja inwe Mhola ya Chelu

⁸vuduhu musyahala? Nagapuzaja mavilingano gangi,

⁹nasolaga musyahala kigele namutumamile inwe; na aho navagiko kuwinwe, na navagi na vufundi, nkamutimbizye munhu; kwisi aho vadugu vafumaga ku Makedonia, vampaga mafundo gane, na mugati na gose nilindilaga na nkwilindila mwenekili, ndeke kumutimbya inwe.

¹⁰Kitisi hanayene yamwa Kristo yilimo muwane, kuduhu munhu akunimumya mulomo mu kwikumilizya kwenuku mu malwande ga Akaya.

¹¹Kuki? Kunguno nkamutogilwe inwe? Mulungu amanikizye.

¹²Alisi hogene ndigavezya, nkugavezya, kigele navahangilizye avo hovene valikova nguno, ati mwenumo valiwikumilizya vigele kitisi iswe.

¹³Kwisi venavo vali vatume va vulamba, vatumami vayengani, hovene valiwipilucha vave nago musimo gwa vatume vamwa Kristo.

¹⁴Na yeniyi yikavile ya kukumya, kwisi Shetani mwene aliwipilucha ave nago musimo gwa malaika wa mwanga.

¹⁵Kunguno yeniyi gukavile muhayo muhanya ulu vakumba vakwe valiwipilucha vave nago musimo gwa vakumba va vugololoku; alisi mhelo yavo yikuvi kitisi milimo yavo.

¹⁶Ndiyomba hangi: Kuduhu munhu iganike nene ndi muhumbu; alisi ulu sisyo, munanukule kitisi muhumbu, kigele nikumilizye hado.

¹⁷Hogene ndiyomba nkavile kuyomba kitisi Guku alikova, sumbwa kitisi mu vuhumbu, mu vugimu wenuvu wa kwikumilizya.

¹⁸Kunguno vingi valiwikumilizya ku muvili, nane nkwikumilizya.

¹⁹Kwisi mulivazumilizya vahumbu mu kudeha kunguno muli va masala.

²⁰Mulizumya duhu ninga ulu umo alimutula inwe mu vusese, ninga alimumila, ninga alimupuzya finhu, ninga aliwikumilizya, ninga alimutula inwe mu vusyu.

²¹Ndiyomba na nsoni, kunguno twavagi vasakazu; alisi ninga mwenumo umo ali mugimu (ndiyomba mu vuhumbu) nane mwene ndi mugimu.

²²Vali Vahebrayo ava? Nane sisyo. Vali Visraeli ava? Nane sisyo. Vali vuvyalwa wamwa Abrahamu

²³ava? Nane sisyo. Vali vakumba vamwa Kristo? (Ndiyomba kitisi musazi). Nene ndivavita. Ndivavita mu milimo, ndivavita mu mavutulagulwe, ndivavita

²⁴mu kufungwa, kingi mu musyolo gwa lufu. Katano natulagulagwa na Vayahudi mavutulagulwe makumi anne kudohelwa kamo.

²⁵Kadatu natulagulagwa milanga, kamo natulagulagwa mawe, kadatu navinzikilagwa lyato, lusiku lumo na vuziku vumo nadilaga mu vusihu

²⁶wa nyanza; mu malugendo mingi, mu misyolo ya mu myongo, mu misyolo ya vadumuzi, mu misyolo ya ku vʼigongo liswe, mu misyolo ya ku vapagani, mu misyolo ya mu kaya, mu misyolo ya mwibalangu, mu misyolo ya mu nyanza, mu misyolo ya mugati na vadugu va vulamba;

²⁷mu milimo na migangadiko, mu kusinga kingi, mu nzala na nota, mu kufunga kingi, mu mbeho na vuzule.

²⁸Hangi gose genaya gangi hogene galiza kuwane nsiku zyose, nago gali myanya kunguno ya mavilingano gose.

²⁹Nani musakazu ulu nene mwene nkavile musakazu? Nani aligayilizya ulu nene mwene

³⁰nkavile kusatiwa? Ulu yandima kwikumilizya, nkwikumilizya ku vusakazu wane.

³¹Mulungu na Vava wamwa Guku Yesu, homwene alikumiliziwa myaka na myaka de, alimanicha ati nkavile kuyomba vulamba.

³²Mu Damasko munachalo wa mutemi Areta wavagi aliyilindila kaya ya vana Damasko kigele andime;

³³alisi nikivagwa kwidilisya mu kikapo hʼigelele, na napelaga ku makono gakwe.