Read Nyamwezi 2 Vakorinto 13 Bible Online

2 Vakorinto 13 - Nyamwezi bible

2 Vakorinto 13

¹Lwenulu luli lugendo lwa vudatu nizile kuwinwe. Ku milomo ya vasangilwa vavili ninga vadatu kila muhayo gukukindikwa.

²Nalinayombaga hambele, na ndiyomba hangi hambele, kitisi aho navagiko lugendo lwa vuvili, lelo sisyo, nulu ndi haduhu, kuwavo hovene vakenagulaga kale na ku vangi vose ati, ulu ndize hangi ndeke kuvi na kisa.

³Kunguno mulikova lumeho ati Kristo aliyomba muwane; homwene akavile musakazu kuwinwe, sumbwa ali na nguzu mugati ninwe.

⁴Kwisi wakomelilwe ku vasakazu; alisi alizuvuka ku nguzu zya Mulungu. Niswe vene tuli vasakazu muwakwe, alisi tukuzuvuka hamohene nawe ku nguzu ya Mulungu kuwinwe.

⁵Mwigemage ulu mulimo mwisanizyo, mwikomaje inwe venekili. Ninga mukavile kwimanicha ati Yesu Kristo alimo muwinwe? Ulu

⁶ngʼo mukavile va lole. Alisi ndisigizya ati mukumanicha kitisi iswe tuli va lole.

⁷Lelo tulimulomba Mulungu muleke kwita vuvi, yikavile kigele twigele kitisi va lole, sumbwa kigele inwe muwite vusoga, nulu iswe tuve kitisi tukavile va lole.

⁸Kwisi tukavile nago muhayo gwa vuchama ku hanayane, sumbwa kunguno ya hanayene.

⁹Kwisi tulideha ulu tuli vasakazu, ninwe va nguzu; na tulilomba inwe mukomeziwe.

¹⁰Kunguno yeniyi ndigatona genaya, aho ndi haduhu, kwigela ngʼo, aho ndize, natumile vudaki ku vukovozi uvu Guku wampaga nazenge, ndeke kubomola.

¹¹Hamhelo vadugu, mudehe, mukomeziwe, muhulikiwe, mwiganike hakimohene, mwikale mu kuhola, na Mulungu wa kutogwa na kuhola akuvi hamohene ninwe.

¹²Mwigisye na kunonela kusondo.

¹³Vasondo vose valimugisya inwe,

¹⁴Kisa cha Guku wiswe Yesu Kristo, na kutogwa kwa Mulungu, na lusangi lwa Roho Nsondo, luveho hamohene ninwe vose.