Read Nyamwezi 2 Vakorinto 7 Bible Online

2 Vakorinto 7 - Nyamwezi bible

2 Vakorinto 7

¹Kunguno tuli nago malagano genaya, vatoneke, twiguse iswe venekili ku zoma zyose zya muvili na zya roho, na tuvukomezye vusondo mu kumogoha Mulungu.

²Mutupe vugalihu mu myoyo yinwe, tukamupuvizye munhu, tukamuvipizye munhu, tukamuyengile munhu.

³Nkavile kugayomba kunguno ya kutema kitanga, kwisi natongelaga kuyomba ati inwe mulimo mu myoyo

⁴yiswe, na sisyo tulifwa na tulizuvuka hamohene. Ndi navo vugimu vuhanya kuwinwe, kwikumilizya kwane kuli kuhanya kunguno yinwe; nokazivagwa nʼihulicho, nokalaga pa na kudeha mu mamikosi giswe gose.

⁵Kwisi aho twavagi twafikilaga mu Makedonia mivili yiswe yavagi yikapivilwe kwisuhya, hanze wavagiho

⁶vulugu, mugati kwavagimo kogoha. Alisi Mulungu, homwene alivahulicha va misayo, watuhulikaja na

⁷kwiza kwamwa Tito; alisi yikavile na kwiza kwakwe duhu, sumbwa savasava nʼihulicho ilo uyo wahulikivilwe nalyo kuwinwe, aho watupozezaja kunguno ya nhumbu yinwe, misayo yinwe, kadadi kinwe kunguno

⁸yane, sisyo nadehaga munogwene. Kwisi nulu namusataja inwe na barua yane, nkavile kwisusuma, nulu nisusumaga, kwisi ndivona ati na barua yeniyi namusataja, nulu kwitungo duhu.

⁹Lelo ndideha, alisi yikavile kunguno mwasativilwe, sumbwa kunguno mwasativilwe kusika vunogoleke; kwisi mwasativilwe kitisi Mulungu atogilwe, ngena mudoheleziwe niswe ninga kinhu kimo.

¹⁰Kwisi misayo yeniyi Mulungu atogilwe yilivezya vunogoleke wa hakupiziwa, howene vukavile kuleta kwisusuma; alisi misayo ya liwelelo yilivezya lufu.

¹¹Kwisi lolagi, kwenuku kusatiwa kwinwe, kitisi atogilwe Mulungu, kwavezaja kadadi kahanya kuwinwe, ahene kwivula, ahene kukilwa, ahene kogoha, ahene nhumbu, ahene vujamu, ahene luduko. Mu gose mwigelaga ati mwavagi safi mu muhayo gwenugu.

¹²Haho nulu namutonelaga, yavagi yikavile kunguno yakwe homwene wapuvaga, ninga kunguno ya uyo wapuvivagwa, sumbwa kigele kadadi kinwe kuwiswe kafumbuke mugati ninwe hambele na Mulungu.

¹³Kunguno yeniyi twahulikivagwa; na mwihulicho liswe twadehaga munogwene kunguno ya kudeha kwamwa Tito, kwisi roho yakwe yasuhuzivagwa ninwe vose.

¹⁴Kwisi ulu nikumilizaja kuwakwe kunguno yinwe, nkapondilwe nsoni; alisi kitisi mu tose twamuwilaga inwe hanayene, sisyo savasava kwikumilizya kumwa Tito kwavagi kwa lole.

¹⁵Na kutogwa kwakwe kuwinwe kulikula, aho alikwizukila kudonhoka kwa inwe vose, kitisi mwamwanukulaga na kogoha na kudetema.

¹⁶Ndideha kunguno ndikovola kumusanizya inwe mugati na gose.