Read Nyamwezi 2 Vakorinto 9 Bible Online

2 Vakorinto 9 - Nyamwezi bible

2 Vakorinto 9

¹Kwisi kunguno ya vugwasya ku vasondo yikandimile

²kumutonela inwe; kwisi ndimanicha kutogwa kwinwe, hokwene nikumilizaja ku vana Makedonia kunguno yinwe, ati Akaya yavagi tayari mwaka po; na vujamu winwe wavahimagizaja vingi mugati navo.

³Alisi navatumaga vadugu kwigela ngʼo ikumilizyo liswe

⁴kunguno yinwe live lya gele mu muhayo gwenugu, na kigele muve tayari kitisi nayombile, kwigela ngʼo ulu vakwiza vana Makedonia hamohene nane, na vakumusanga inwe mukavile tayari, iswe—ndeke kuyomba

⁵inwe—tukupondwa nsoni hʼisanizyo lyenili. Kunguno yeniyi nawine ati yilindima kuvalomba vadugu vatongele kufika kuwinwe, na hambele vavezelezye kipanwa kinwe hochene mwalagana hambele, kigele kive cha kutogwa, ngʼo kitisi cha kukungiliziwa.

⁶Alisi mumaniche yeniyi: Homwene aliviva tudo akwimbula tudo; nawe homwene aliviva mingi akwimbula mingi.

⁷Kila umo ite kitisi walomaga mu moyo gwakwe, yileke kuvi na misayo ninga na kukungiliziwa; kwisi Mulungu alimutogwa mupani wa kudeha.

⁸Na Mulungu alikovola kumokazya inwe na kisa chose, kigele muve nago ga kukwila mu gose nsiku zyose, na

⁹muve na wingi wa milimo misoga yose; kitisi yitonilwe, Wasambazaja, wavapaga vapina, Vugololoku wakwe vulidila kusika hanahana.

¹⁰Alisi homwene alimupa muvivi mbiyu na mukate agulye, akumupa ninwe na kuzingihya mbiyu zinwe zya kuviva, nawe akukwililizya fisumo fya vugololoku winwe;

¹¹kigele muve vasavi mugati na gose kusika ku vupani vose, howene mugati niswe vulivezya kalumbilo kumwa Mulungu.

¹²Kwisi vukumba wa milimo yeniyi vukavile kuvudohya vufundi wa vasondo duhu, sumbwa vulingiha muno na kalumbilo kingi kumwa Mulungu.

¹³Kwisi mugati na ludonho lwa moyo holwene luligela mu milimo yeniyi vanhu valitongwa kumukumucha Mulungu kunguno ya vudonho wa kuzumya kwinwe ku Mhola ya Chelu ya Kristo, na kunguno ya vupani winwe kuwavo na ku vose.

¹⁴Navo vene mu kumulombela inwe vali na nhumbu kuwinwe kunguno ya kisa kihanya cha Mulungu kuwinwe.

¹⁵Alumbilwe Mulungu kunguno ya kipanwa chakwe kihanya munogwene.