Read Nyamwezi Vagalatia 2 Bible Online

Vagalatia 2 - Nyamwezi bible

Vagalatia 2

¹Haho hanuma na myaka ikumi nʼinne najaga hangi ku Yerusalema hamohene na Barnaba, na namusolaga Tito mwene kuja nane.

²Alisi najagako kunguno nafumbulililwe kwita sisyo, na navolekaja venavo Mhola ya Chelu iyo nditanizya mugati na vapagani; alisi muno hambele na venavo vahanya vʼisima hekeheke, kwigela ngʼo lugendo lwane lwa lelo ninga lwenulo lwa kale luve lwa gele.

³Alisi mwichane Tito, nulu wavagi

⁴Mugriki, akakungilizivilwe ngʼo kutahiriwa. Vavagiho vadugu va vulamba hovene visyepaja kitisi vivi kuvupelelezya vunamiko wiswe howene tuli navo mugati

⁵na Kristo Yesu, kigele vatusyoche hangi mugati na vusese—venavo tukazumizye kuvadonhoka ninga katungo kado duhu, kigele hanayene ya Mhola ya Chelu yikale hawinwe hanahana.

⁶Alisi venavo valilolwa kuvi vahanya—isyo vavage kale gukavile muhayo kuwane, Mulungu akavile kuwikomya vusyu wa munhu—ndiyomba, venavo vahanya vavagi vakavile na muhayo gungi gwa kunongezezya nene,

⁷sumbwa aho vavonaga ati napivilwe Mhola ya Chelu ku venavo vakatahirivilwe, kitisi Petro wayipivagwa ku venavo vatahirivilwe;

⁸kwisi uyo homwene wamupaga Petro vukovozi kuvi mutume wa venavo vatahirivilwe, mwenuyo mwene wampaga vukovozi kuja ku vapagani;

⁹na hangi aho vapivagwa kukimanicha kisa chenicho nene napivilwe, haho Yakobo na Kefa na Yohana, hovene valilolwa kuvi nhingi zya mwivilingano, vatupaga nene na Barnaba kukono kwa lusangi ati, iswe tuje ku vapagani, navo vaje ku venavo vatahirivilwe;

¹⁰vakovaga duhu ati iswe tuvizukile vapina, hoyene nene mwene nagangadikaga kuvezya.

¹¹Alisi aho Petro wafikaga ku Antiokia namwanilizaja vusyu ku vusyu, kwisi muhayo gwigelaga kwigulya nawe.

¹²Kwisi aho vamo vafumaga: kumwa Yakobo vavagi vatali kufikako, uyo wavage alilya hamohene na vapagani; alisi aho venavo vafikaga uyo wisundaga na wikomaga mwenekili kuwavo, kunguno wavogohaga venavo vatahirivilwe.

¹³Na Vayahudi vangi vagulumaga hamohene nawe, syenisyo Barnaba mwene wavonivagwa na vugulumi wavo.

¹⁴Alisi aho navonaga ati vakalondile kitisi yiligelanila na hanayene ya Mhola ya Chelu, namuwilaga Kefa hambele na minso ga vose, Ulu veve homwene uli Muyahudi ulilonda fitilwe fya vapagani, ngʼo kitisi Vayahudi, kuki haho ulivakungilizya vapagani kulonda kitisi Vayahudi?

¹⁵Ku vuvyalwa wiswe iswe tuli Vayahudi na ngʼo

¹⁶vakenaguzi va kipagani; alisi tulimanicha ati munhu akavile kugololwa mugati na milimo ya ngʼhama, sumbwa mugati na kumusanizya Yesu Kristo, niswe vene twamusanizaja Kristo, kigele tugololwe mugati na kumusanizya Kristo, ngʼo mugati na milimo ya ngʼhama, kwisi ku milimo ya ngʼhama kuduhu munhu akugololwa.

¹⁷Alisi ulu iswe, aho twakovaga kugololwa mugati na Kristo, tulivonwa kuvi vakenaguzi, haho

¹⁸Kristo alivutumamila vukenaguzi? Byololo, yikavile sisyo. Kwisi ulu ndigazenga hangi genayo nagabomolaga haho ndiwigela kitisi musumuzi.

¹⁹Kwisi nene nafwaga mugati na ngʼhama kunguno ya ngʼhama kigele nazuvuke kumwa Mulungu.

²⁰Nakomelilwe ku musigiti hamohene na Kristo; sisyo nkavile nene homwene alizuvuka hangi, sumbwa Kristo alizuvuka mugati na nene; na vuzuvuku wenuvu ndi navo lelo mu muvili gwane ndizuvuka mugati na kumusanizya Mwana wa Mulungu homwene wantogilwe na wipanile mwenekili kuwane.

²¹Nene nkavile kukivulaga kisa cha Mulungu; kwisi ulu vugololoku vulifuma ku ngʼhama, haho Kristo wafwile cha gele.