Read Nyamwezi Vagalatia 4 Bible Online

Vagalatia 4 - Nyamwezi bible

Vagalatia 4

¹Alisi ndiyomba giki: itungo lyose musaliki atali mudo vukavileho vulekane mugati nawe na musese,

²nulu ali guku kwigulya na isalo lyose, sumbwa ali hansilili na valezi na vakasika lufungulo, kusika itungo lyenilo lyakindikilwe na ise.

³Na sisyo iswe vene, aho twavage vado twavage vasese hansilili na vuhembeki wa mbele wa liwelelo.

⁴Alisi aho itungo ilo lyakindikilwe lyafikaga, Mulungu wamutumizaja Mwana wakwe,

⁵wavyalilwe na mukima, wavyalilwe hansilili na ngʼhama, kigele avakomole venavo vavage hansilili na ngʼhama, kigele tuve vana.

⁶Na kunguno inwe muli vana, Mulungu wamutumizaja Roho wa Mwana wakwe mugati na myoyo yinwe, homwene alilila, Abba, Vava.

⁷Kunguno yeniyi veve ukavile hangi musese sumbwa mwana; na ulu uli mwana, uli musaliki savasava mugati na Mulungu.

⁸Alisi kale aho mwavage mukamumanikizye Mulungu, mwavage vasese va milungu hoyene yikavile milungu loleyene.

⁹Alisi lelo mwamalaga kumumanicha Mulungu, ahene, mwamanikizivilwe na Mulungu; lumehoki lelo mulisyoka hangi ku vuhembeki wa mbele howene vuli vupina na vukavile na nguzu, na kuvutumamila

¹⁰hangi kitisi vasese? Mulizikomya nsiku na myezi na

¹¹matungo na myaka! Ndogoha kunguno yinwe ati hamo natumamaga cha gele mugati ninwe.

¹²Ndimulomba, muve kitisi nene, kitisi nene mwene navile kitisi inwe. Inwe mukansumulile muhayo gumo.

¹³Alisi mulimanicha ati yavagi kunguno ya vusakazu wa muvili gwane namutanizaja inwe hambele na mbele

¹⁴Mhola ya Chelu; na wenuvo hawane howene wavagi igemelo kuwinwe mukavuvengelezizye, na mugati navo mukawine kinyati kuwinwe, sumbwa mwananukulile nene kitisi malaika wa Mulungu, kitisi Kristo Yesu.

¹⁵Alisi lelo chelu kinwe chenicho kili kuhe? Kwisi ndimupa inwe vusangilwaho wenuvu ati, ulu mbe yakovolwa mbe mwagadubulaga minso ginwe na kumpa nene.

¹⁶Kinahe, navile mwanisi winwe kunguno ndimuwila inwe hanayene?

¹⁷Venavo valimusemuzya inwe, alisi ngʼo mugati na nzila nsoga, sumbwa valikova

¹⁸kumusunda inwe, kigele muvasemuzye venavo. Yili sisoga kwisemuzya hanahana mu tusoga, na ngʼo mwitungo lyenilo duhu ndiho hawinwe.

¹⁹Vana vane, hovene ndimuvyala hangi na vusungu kusika Kristo alipiwa luhusa kwigela mugati ninwe.

²⁰Ahene, nditogwa lelo kuviho hamohene ninwe na kugupilula muzwi gwane; kwisi nditavaniwa kunguno yinwe.

²¹Mumbwile inwe hovene mulikova kuvi hansilili na

²²ngʼhama, mukavile kuzigwa ngʼhama? Kwisi yatonwa ati Abrahamu wavagi na vana vavili, umo wa

²³musulila, na ungi wa munamiko. Alisi mwenuyo wa musulila wavyalagwa ku mutindo gwa muvili, alisi mwenuyu wa munamiko kunguno ya ilagano.

²⁴Yeniyi yili kitisi mukolani: vakima venavo vavili vali kitisi malagano avili, limo kufuma lugulu lwa Sinai, holyene

²⁵lilivyala ha vusese, holyene lili Hagari. Kwisi lugulu Sinai lulitanwa Hagari kwenuko ku Arabia, na lulikola Yerusalema ya hagisi; kunguno yilimo mu vusese hamohene na vana vayo.

²⁶Alisi Yerusalema ya

²⁷higulya yili namiko, nayo ali niniswe. Kwisi yitonilwe, Wihalale veve mugumba homwene ukavyalaga; Uhamuke na kilaka hoveve ukawine vusungu wa kuvyala! Kwisi vana va mwenuyo ali inene vali vingi kukila va mwenuyo ali nawe mugosi.

²⁸Alisi inwe vadugu muli vana vʼilagano, kitisi Isaka.

²⁹Alisi isyo kale mwenuyo wavyalilwe ku mutindo gwa muvili wamudukaja mwenuyo wavyalilwe ku mutindo

³⁰gwa Roho, sisyo sisyene lelo. Alisi vutone vuliyomba kinahe? Umupezezye hanze musulila na mwana wakwe, kwisi mwana wa musulila kusalika ngʼo hamohene na mwana wa munamiko.

³¹Kunguno yeniyi vadugu tukavile vana va musulila, sumbwa va mwenuyo ali munamiko.