Read Nyamwezi Vagalatia 5 Bible Online

Vagalatia 5 - Nyamwezi bible

Vagalatia 5

¹Kristo watukomolaga tuve vanamiko; kunguno yeniyi mujame na muleke kutungwa hangi mu kifungo cha vusese.

²Lolagi, nene Paulo ndimuwila inwe ati, ulu mulitahiriwa, Kristo akavile kumuvelela inwe kinhu kimo.

³Hangi ndisangilwa hambele na kila umo homwene alitahiriwa ati, alitondwa kuyimazya ngʼhama yose.

⁴Inwe mwingikaga hamwa Kristo, inwe hovene mulikova kupiwa vugololoku mugati na ngʼhama, inwe mwingikaga ku kisa.

⁵Kwisi iswe mugati na Roho tulililindila isigizyo lyenili ati, tukupiwa vugololoku mugati na kusanizya.

⁶Kwisi mugati na Kristo kutahiriwa ninga kuleka kutahiriwa kukakovolile kinhu, sumbwa isanizyo holyene lilitumama mugati na kutogwa.

⁷Inwe mwagangadikile sisoga, nani wamuhangilizaja kuyidonhoka hanayene?

⁸Kwibembelezya kwenuku kukafumile ku mwenuyo homwene wamwitanile inwe.

⁹Itumbyo lilitumbya itonge lyose.

¹⁰Ndi na isanizyo lyenili kuwinwe mugati na Guku ati, inwe mukuleka kuloma masala gangi; alisi homwene alimutavanya inwe akupiwa luduko lwakwe.

¹¹Alisi nene vadugu, ulu ntali nditanizya vutahiriwa, kuki ntali ndidukiwa? haho kugayilizya kwa musigiti kwamalaga kwingiwaho.

¹²Yavelaga ninga vigulazye venekili hovene valimutavanya inwe!

¹³Kwisi inwe vadugu mwitanilwe muve vanamiko, alisi muleke kuvutumila vunamiko mu kuvukuzya wivonya wa muvili, sumbwa mwitumamile hamohene mugati na kutogwa.

¹⁴Kwisi ngʼhama yose yilimaziwa mugati na muhayo gumo, nago guli gwenugu; Umutogwe muzenganwa wako kitisi uliwitogwa veve mwenekili.

¹⁵Alisi ulu muliwiluma na muliwilya ungi ku ungi, mwikomye muleke kwimila ungi ku ungi.

¹⁶Alisi ndiyomba: musimize mugati na Roho, haho

¹⁷inwe kuvumazya ngʼo wivonya wa muvili; kwisi muvili gulitamanilwa kumulasa Roho, na Roho aligulasa muvili, kwisi zyenizi ivili zililasana, sisyo mukakovolile kwita genaya mulikova.

¹⁸Alisi ulu inwe mulitongwa

¹⁹na Roho, haho mukavile hansilili na ngʼhama. Milimo ya muvili yiligela hape, kitisi: vulava, zoma, wivonya,

²⁰kufisenga fimbulimbuli, vulogi, wanisi, wikenya, ivuva,

²¹kisila, nsika, vulekane, vutagane, kagomwe, vukozya vulanda walwa, na gangi gene ga mutindo gwenuyu; ndiyomba hagisi kitisi nayombaga kale ati, venavo

²²valita genaya kusalika ngʼo vutemi wa Mulungu. Alisi fyenifi fili fisumo fya Roho: kutogwa, kudeha, kuhola, vulembezu, kigongo, vusoga, vujamu, vudekanu, wilengu;

²³kuduhu ngʼhama kwigulya na genaya.

²⁴Alisi venavo vali vamwa Kristo vagukomelile muvili ku musigiti hamohene na malome mavi na wivonya wago.

²⁵Ulu tulizuvuka mu Roho, haho tusimize savasava mugati na Roho.

²⁶Tuleke kulikova isima lya gele na kwigomela na kwivuvila umo ku ungi.