Read Nyamwezi Vagalatia 6 Bible Online

Vagalatia 6 - Nyamwezi bible

Vagalatia 6

¹Vadugu, ulu umo wavulagwa vukenaguzi vumo, haho inwe, hovene muli va roho, mumugolole mwenuyo mu roho ya vudekanu; alisi naʼho wikomye mwenekili,

²kwigela ngʼo ugemwe sisyo savasava. Mwisuhuzye ungi ku ungi miligo zinwe, na syenisyo muyimazye

³ngʼhama yamwa Kristo. Kwisi ulu umo aliwiganika ali wa kapanga alisi akavile sisyo, aliwiyenga mwenekili.

⁴Alisi kila umo ayipime milimo yakwe, haho akukovola kwikuzya mu moyo kunguno yakwe mwenekili duhu, na ngʼo mugati na kwikolanizya na vangi;

⁵kwisi kila umo akugusomba muligo gwakwe mwenekili.

⁶Alisi mwenuyo alihembekwa Muhayo ave na lusangi mugati na tusoga tose hamohene na mwenuyo alimuhembeka.

⁷Muleke kwipuvila inwe venekili, Mulungu akakovolilwe kuyeywa, kwisi genaya munhu aligaviva genaya gene alagimbule.

⁸Kwisi homwene aliviva ku muvili gwakwe, alimbule mu muvili vuzimanguke; na homwene aliviva ku Roho, alimbule kufuma mu Roho vuzuvuku wa hanahana.

⁹Tuleke kuzova kwita tusoga, kwisi ulu itungo lyafika tulimbule, ulu tukazovile.

¹⁰Kunguno tutali tuli na itungo tuvitile vose tusoga, alisi hambele muno vigisu vʼisanizyo.

¹¹Lolagi na malumeho mahanya ndimutonela inwe na kukono kwane nene mwenekili.

¹²Vose venavo valikova kuvi nʼisima ha muvili valimukungilizya inwe kutahiriwa, ku nguno iyi duhu ati, valeke kudukiwa kunguno ya musigiti gwamwa Kristo.

¹³Kwisi ninga venavo vatahirivilwe vakavile kuyimazya ngʼhama, alisi valikova inwe mutahiriwe, kigele vikumilizye kunguno ya mivili zinwe.

¹⁴Alisi yive kule kuwane nikumilizye sumbwa duhu kunguno ya musigiti gwamwa Guku wiswe Yesu Kristo, mugati nago liwelelo lyakomelilwe

¹⁵kuwane, nane ku liwelelo. Kwisi kutahiriwa ninga kuleka kutahiriwa kukavile kinhu, sumbwa vutundwa vupya.

¹⁶Na vose venavo hovene vakululonda ludonho lwenulu kuhola na kigongo kive kwigulya navo, na kwigulya na Visraeli va Mulungu.

¹⁷Vukumbu na lelo kuduhu umo anduche na mihayo; kwisi ndi nago mavamba gamwa Yesu ku muvili gwane.

¹⁸Kisa chamwa Guku wiswe Yesu Kristo kiveho hamohene na roho yinwe, vadugu. Amen.