Read Nyamwezi Vaefeso 1 Bible Online

Vaefeso 1 - Nyamwezi bible

Vaefeso 1

¹Paulo, Mutume wamwa Kristo Yesu hanuma na kikowa cha Mulungu, ku vasondo hovene valimo mu

²Efeso, hovene valimusanizya Kristo Yesu. Kisa kiveho hamohene ninwe na kuhola kufuma kumwa Mulungu, Vava wiswe, na Guku Yesu Kristo.

³Akuziwe Mulungu, Vava wa Guku wiswe Yesu Kristo, homwene watudosizye na maluvango gose ga roho kufuma mwilunde mugati na Kristo.

⁴Kwisi aho liwelelo lyavage litali kutundwa, watusogolile mugati nawe, kigele tuve vasondo na vuduhu kimelo hambele nawe mugati na kutogwa.

⁵Kufuma kale watusogolaga mugati na kutogwa kwakwe kuvi vana vakwe

⁶mugati na Yesu Kristo, ku lukumo lwa kisa chakwe holwene watupaga mugati na Mutoneke.

⁷Mugati nawe tuli navo vukomolwa ku magazi gakwe, vutondolwa wa mavusumule giswe kunguno ya wingi wa

⁸kisa chakwe, hochene wapanaga kuwiswe kingi muno mugati na wenge na ngelo zyose.

⁹Na watufumbulilaga lwiviso lwa kikowa chakwe hanuma na kutogwa

¹⁰kwakwe, isyo yamutogezaja ati, mwitungo ilo lyakindikilwe lyafikaga, gose gasangiwe mugati na Kristo, genayo gali mwilunde na ago gali ku liwelelo. Homwene mugati nawe twapivagwa isalo,

¹¹isyo twalomelagwa kufuma kale na mwenuyo homwene aligavezya gose hanuma na ndaka ya kikowa chakwe,

¹²kigele iswe, hovene twatongelile kumwisigizya Kristo, tulukumuche lukumo lwakwe.

¹³Mugati nawe inwe vene, aho mwagwigagwa muhayo gwa hanayene, Mhola ya Chelu ya vupiziwa winwe, mwasanizaja mugati nawe, na mwatulililwe lumanyilo lwa Roho Nsondo, homwene walaganivilwe nawe;

¹⁴homwene ali mufungi wa isalo liswe ha vukomolwa wa vanhu vakwe, ku vukumuku wa lukumo lwakwe.

¹⁵Kunguno yeniyi nene mwene, vukumbu nalinigwa

¹⁶kunguno ya isanizyo linwe hamwa Guku Yesu, na kunguno ya kutogwa kwinwe ku vasondo vose, nkoyile kumulumbila Mulungu kunguno yinwe ulu ndimwizukila inwe mu kulomba kwane;

¹⁷kigele Mulungu wa Guku wiswe Yesu Kristo, Vava wa lukumo, amupe inwe roho ya ngelo na ya vufumbuzi, kigele mumumaniche mwenuyo;

¹⁸na minso ginwe ga moyo gele, kigele mulimaniche isigizyo lya lwito lwakwe, na wingi

¹⁹wa lukumo lwa isalo lyakwe, mugati na vasondo, na vuhanya wa nguzu zyakwe hozyene alivezya hawiswe hovene tulisanizya, nguzu hozyene zilitumama mugati

²⁰na vuhanya wa vukovozi, hozyene wazitumilaga hamwa Kristo, aho wamuhembukaja mwenuyo ku lufu,

²¹na wamwikazaja ha mulila gwakwe mwilunde, kwigulya na vutemi vose na vukovozi na nguzu na vuguku na mina gose hogene galikaniwa, ngʼo mu liwelelelo lya

²²hagisi duhu, sumbwa savasava mu lyenilo lilakiza, na wagatulaga gose ha magulu gakwe, na wamukindikaga mwenuyo kuvi mutwe gwa gose kunguno yʼivilingano,

²³holyene lili muvili gwakwe, lyokazivilwe nawe homwene alifyokazya fitundwa fyose.