Read Nyamwezi Vaefeso 2 Bible Online

Vaefeso 2 - Nyamwezi bible

Vaefeso 2

¹Na inwe vene mwavage mwafwile kunguno ya mavusumule na mavukenaguzi ginwe,

²mugati nago inwe mwasimizile kale mu nsembo zya vanhu va liwelelo lyenili, na zya mwenuyo ali navo vukovozi kwigulya na nguzu zya mwigulya—roho ya mwenuyo alitumama

³mugati na vana vʼivengwe; mugati navo iswe vose vene twasimizage kale mugati na mavusengʼhya ga muvili gwiswe, aho twakimazaja kikowa cha mivili ziswe na cha malome giswe, na twavage ha vutundwa wiswe vana va kisila kitisi avo vangi.

⁴Alisi Mulungu, mwenekili lusungu luhanya kunguno ya kutogwa kwakwe mugati nako watutogagwa iswe,

⁵nulu twavage twafwile kunguno ya mavusumule, watuzuvukaja hamohene

⁶na Kristo—cha kisa inwe mwapizivilwe—na watuhembukaja na watwikazaja hamohene nawe mwigulya mugati na Kristo Yesu,

⁷kigele mu matungo ga kumbele avufumbule wingi wa vusoga wakwe kuwiswe mugati na Kristo Yesu.

⁸Kwisi cha kisa inwe mwapizivilwe mugati nʼisanizyo; na yeniyo yikafumile kuwinwe venekili,

⁹sumbwa kili kipanwa cha Mulungu; yikavile ku

¹⁰milimo, kwigela ngʼo umo ikumilizye mwenekili. Kwisi iswe tuli milimo yakwe, twatundilwe mugati na Kristo Yesu, kigele tuyite milimo misoga, hoyene Mulungu wayivezaja kufuma kale, kigele tuyilonde.

¹¹Kunguno yeniyi mwizukile ati inwe kale mwavage vapagani ha mutindo gwa muvili, inwe hovene mwavage mulitanwa: “Avo vakatahirivilwe”, na venavo vatahirivilwe, vutahiriwa wenuvo vuliveziwa na kukono,

¹²ati mwitungo lyenilo mwavage vuduhu Kristo, mwalugalilagwe ku vuzenganwa wa Israeli, mwavage vageni ku mavuswanya gʼilagano, mwavage vuduhu isigizyo na vuduhu Mulungu mu liwelelo.

¹³Alisi lelo mugati na Kristo Yesu, inwe hovene mwavage kule, mwegelezivilwe bihi mugati na magazi gamwa Kristo.

¹⁴Kwisi homwenuyu ali kuhola kwiswe, homwene wagasangaja mavanza ago avili kuvi limo, na walubomolaga lugutu

¹⁵holwene lwatulekanaja, wawingaja wanisi na muvili gwakwe, howene vuli ngʼhama ya mikumo na malagilizyo gayo, kigele uyu mugati nawe mwenekili avatunde

¹⁶avo vavili kuvi munhu umo mupya, na syenisyo avezye kuhola, na kigele avaswanye avo vavili na Mulungu mugati na muvili kunguno ya musigiti, mugati nago wavuvulagaga wanisi.

¹⁷Nawe wizaga kutanizya kuhola kuwinwe, hovene mwavage kule, na ku venavo vavage bihi.

¹⁸Kwisi mugati nawe iswe vose vavili tuli nago muvita gwa kwingilila hamwa Vava mugati na Roho Syenisyo inwe mukavile hangi vageni na valovezi,

¹⁹sumbwa muli vazengi vichavo va vasondo, na muli va

²⁰numba ya Mulungu, mwazengilwe kwigulya na musingi gwa vatume na vafumbuzi, na Kristo Yesu mwenekili

²¹ali iwe lya kituli, na mugati nawe kila muzengo gulilimbiwa na gulikula kuvi isengelo isondo mugati na

²²Guku, mugati nawe inwe vene mulizengwa kuvi wikalo wa Mulungu mugati na Roho.