Read Nyamwezi Vaefeso 3 Bible Online

Vaefeso 3 - Nyamwezi bible

Vaefeso 3

¹Kunguno yeniyi nene Paulo, mutungwa wamwa

²Kristo kunguno yinwe, inwe vapagani—ulu inwe mwigilwe kunguno ya vukasika lufungulo wa kisa cha Mulungu,

³howene napivagwa kunguno yinwe, ati yavagi mugati na kufumbulilwa napivagwa kulumanicha lwiviso lwenulo, kitisi namalaga kumutonela inwe na mihayo miguhi.

⁴Na mugati na kuyisoma yeniyi mulikovola kuyimanicha ngelo yane ya kulumanicha lwiviso

⁵lwamwa Kristo, holwene, mwitungo lya mavuvyalwa gangi, lukafumbulilwe ku vanhu, isyo lwafumbulilwe lelo na Roho ku vatume vakwe vasondo na vafumbuzi,

⁶ati: vapagani vali vasaliki vigisu na vali va muvili gumo, na vali na lusangi lumo hamohene niswe kwʼilagano mugati na Kristo.

⁷Kunguno ya Mhola ya Chelu navile mukumba wayo kunguno ya kipanwa cha kisa cha Mulungu, hochene napivagwa nawe ku nguzu zyakwe.

⁸Nene, homwene ndi mudomudo kukila vasondo vose, napivagwa kisa cheniki cha kuvatanizya vapagani Mhola ya Chelu ya vusavi wamwa Kristo howene vukakovolilwe kupimwa,

⁹na kuvalangisya vose vavumaniche vukasika wa lwiviso lwenulo holwene kufuma kale lwavagi luvisile mugati na Mulungu, homwene wagatundaga gose;

¹⁰kigele lelo mugati na ivilingano ngelo ya Mulungu, hoyene yili ya mitindo mingi, yifumbulwe ku va nguzu na va vukovozi higulya mwilunde,

¹¹kunguno ya ndaka yakwe ya myaka de, hoyene wayimazaja mugati na Kristo Yesu,

¹²Guku wiswe, mugati nawe tuli na vugimu na tulikovola kumwegela na isigizyo mugati na kumusanizya.

¹³Kunguno yeniyi ndimulomba inwe, muleke kuzova kunguno ya maluduko gane, hogene ndiduka kunguno yinwe; kwisi genaya gali lukumo kuwinwe.

¹⁴Kunguno yeniyi ndimusukambila Vava, kwisi kufuma kuwakwe kila umo,

¹⁵homwene ali “vava” mwilunde ninga mu liwelelo,

¹⁶wapivagwa lina lyenili, kigele, ku vusavi wa lukumo lwakwe, mujamiliziwe na nguzu

¹⁷zya mu moyo, na Roho yakwe, kigele Kristo ikalemo

¹⁸mu myoyo yinwe mugati nʼisanizyo, na kigele inwe, hovene mwajamilizivilwe na mwakindikilwe ku musingi mugati na kutogwa, mukovole hamohene na vasondo

¹⁹kumanicha vugalihu na wima na vusihu na vulihu, na kukumanicha kutogwa kwamwa Kristo hokwene kulivukila wenge vose, kigele mokaziwe vuliko na vokale wa Mulungu.

²⁰Alisi mwenuyo homwene alikovola kuvezya muno kukila genayo tulikovola kulomba na kumanicha ku

²¹nguzu yeniyi yilitumama muwiswe, mwenuyo apiwe lukumo mugati na ivilingano na mugati na Kristo Yesu kusika mavuvyalwa gose ga myaka na myaka de. Amen.