Read Nyamwezi Vaefeso 6 Bible Online

Vaefeso 6 - Nyamwezi bible

Vaefeso 6

¹Inwe vana, muvadonhoke vavyazi vinwe mugati na

²Guku, kwisi yeniyi kigololoku. Umukuzye nso na noko, yeniyi yili ngʼhama ya mbele hoyene yili nalyo

³ilagano, kigele upiwe chelu na wikale nsiku ningi mu chalo.

⁴Ninwe vavava, muleke kuvaleva vana vinwe, alisi muvalele mugati na ludonho na vuhani wamwa Guku.

⁵Inwe vasese, muvadonhoke vansinwe vuzya va haliwelelo mu kogoha na kudetema mugati na

⁶hanayene ya moyo, kitisi kumudonhoka Kristo; ngʼo kuvatumamila ha minso duhu, kitisi avo valikova kuvatogezya vanhu, sumbwa kitisi vasese vamwa Guku, na sisyo mukimazye kikowa cha Mulungu na moyo gose.

⁷Milimo yinwe muvezye cha kutogwa

⁸kitisi mulimutumamila Guku, ngʼo vanhu, kunguno mulimanicha ati, kila umo homwene alita tusoga, akusyokeziwa hangi twenutu na Guku, ninga ali musese, ninga ali munamiko.

⁹Ninwe vaguku, sisyo sisyene muvitile venavo na muleke kuvogohya, kunguno mulimanicha ati Guku wavo na winwe ali mwilunde, na hawakwe haduhu pendelea ku vanhu.

¹⁰Hangi, muve va nguzu mugati na Guku na mugati na vukovozi wa nguzu zyakwe.

¹¹Musagalile masilanga gose ga Mulungu, kigele mukovole kwima kijamu hambele na ndaka zya vuhuguku wamwa Shetani.

¹²Kwisi vulugu wiswe vukavile ku magazi na muvili, sumbwa ku va nguzu na va vukovozi na vatemi va liwelelo lya giti, na kwigulya na roho zya kayaya zya mwigulya.

¹³Kunguno yeniyi musagalile masilanga gose ga Mulungu, kigele, ulu lusiku luvi lwiza, mukovole kulasana kijamu na kukinda, ulu mwamala gose.

¹⁴Haho mwime mwinyepile na hanayene mu mikimbili zinwe na muzwalile nhanzo ya chuma ya vugololoku,

¹⁵na muzwalile filatu ha magulu ginwe kuvi tayari kunguno ya Mhola ya Chelu ya kuhola.

¹⁶Na kukila gose genaya, muvuche ngula ya isanizyo mugati nayo mulikovola kugazimya

¹⁷masonga gose ga moto ga mwenuyo Muvi; na muyanukule ngala ya vupizya na lupanga lwa Roho, holwene

¹⁸luli Muhayo gwa Mulungu; na hanahana mwigongele na mulombe mugati na Roho, na mwenumo mudile minso na vujamu vose kuvalombela vasondo vose nane

¹⁹mwene, kigele, ulu ndiyomba, mihayo yipanwe kuwane

²⁰kutanizya na vugimu mbisila ya Mhola ya Chelu, kunguno yayo ndi mutumwa mu minyololo, kigele nave na vugimu mu kuyiyomba kitisi yilindima kuyomba.

²¹Alisi kigele inwe vene mumaniche mhola ya kikalile chane, Tikiko, mudugu mutoneke, na mukumba mujamu mugati na Guku, akumusunsumulila inwe gose genaya;

²²mwenuyo ndimutumizya kuwinwe, kigele muzimaniche mhola zyose ziswe, na kigele ayihuliche myoyo yinwe.

²³Mulungu Vava, na Guku Yesu Kristo avape vadugu

²⁴kuhola na kutogwa hamohene nʼisanizyo. Kisa kive hamohene na vose hovene valimutogwa Guku wiswe Yesu Kristo, na kutogwa hokwene kukavile kumala.