Read Nyamwezi Vafilipi 2 Bible Online

Vafilipi 2 - Nyamwezi bible

Vafilipi 2

¹Haho, ulu vuhani vulimo mugati na Kristo, ulu vuhulicha wa kutogwa vuliho, ulu lusangi lwa roho luliho,

²ulu kisa na kigongo kiliho, haho mokalilizye kudeha kwane kuvi va isala limo, na kutogwa kumo, na kuvi na moyo gumo, na va kutamanilwa kumo.

³Muleke kwita kinhu kimo mugati nʼivuva ninga kunguno ya kukova ikumuku lya gele, na mugati na vudekanu kila umo amulole mwiye kuvi muhanya

⁴kukila mwenekili, na kuduhu umo agilolele genayo ga

⁵kuwakwe, sumbwa na genayo ga ku viye. Mugalome

⁶genayo Kristo Yesu wagalomage, uyo homwene, aho wavage nago musimo gwa Mulungu, akayisanizizye yeniyi kuvi savasava na Mulungu kuvi kinhu cha kutamanilwa,

⁷alisi wibuhaja mwenekili lukumo, na wingilaga mu musimo gwa mukumba, na wavile kitisi vanhu vangi;

⁸na aho wavonagwa kitisi munhu, widohelezaja mwenekili na wadonhokaga kusika ha lufu, ahene, kusika ha lufu ku musigiti.

⁹Kunguno yeniyi Mulungu wamukulilizaja na wamupaga lina lyenilo holyene liligakila mina gose,

¹⁰kigele mu kulikuzya lina lyamwa Yesu magulu gose gasukambe, ga venavo vali kwilunde

¹¹na ku liwelelo na hansilili na liwelelo, na kila lulimi lukuzumya ati Yesu Kristo ali Guku ha lukumo lwa Mulungu Vava.

¹²Kunguno yeniyi vatoneke vane, kitisi mwadonhokile hanahana, sisyo sisyene mugangadike kufikaho ha vupiziwa winwe, ngʼo henaho duhu ulu ndiho hawinwe,

¹³alisi lelo kingi muno, kunguno ndi kuduhuko. Kwisi ali Mulungu homwene kunguno ya kutogwa kwakwe alitunda muwinwe nguzu zya kukova na zya kuvezya.

¹⁴Mwite tose vuduhu kwingʼungʼula na vuduhu lwanilo,

¹⁵kigele muve vuduhu kimelo na vutavanya, muve vana vagololoku va Mulungu mugati na vuvyalwa wa wigomu na wa vuzimile, mugati navo mulela kitisi masonda

¹⁶mu liwelelo, kunguno mulivolecha Muhayo gwa vuzuvuku; na yeniyi yikuvi ikumilizyo lyane ha lusiku lwa Kristo ati nene nkapelile myega ninga nkatumamile cha gele.

¹⁷Na nulu magazi gane gaminzilwa ha kitambo kunguno ya kulitumamila isanizyo linwe, ndideha, hangi ndideha hamohene ninwe vose.

¹⁸Na sisyo sisyene inwe mudehe, na mudehe hamohene nane.

¹⁹Alisi ndisigizya mugati na Guku Yesu kumutumizya wangu Timoteo kuwinwe, kigele nene mwene nahulikiwe, ulu nigwa mhola ya kikalile kinwe.

²⁰Kwisi nkavile na ungi wa moyo gumo hamohene nane kitisi mwenuyo, homwene mugati na hanayene akukilindila kikalile kinwe,

²¹Kwisi vose valigakova genayo gavo venekili, na ngʼo genayo gamwa Kristo Yesu.

²²Alisi vujamu wakwe, howene wagemilwe, mulivumanicha, ati kitisi mwana alimutumamila ise, sisyo sisyene uyo wantumamilaga nene mu kuyisambazya Mhola ya Chelu.

²³Sisyo ndisigizya kumutumizya mwenuyo henaho ulu navonaga mhelo ya muhayo gwane.

²⁴Alisi ndi na isigizyo lyenili kumwa Guku, ati nene mwene nkwiza wangu.

²⁵Alisi navonaga ati yandimaga kumutumizya kuwinwe Epafrodito, mudugu wane na mutumami na mulasani mwichane, mutumwa winwe wa kungwasya

²⁶ku mafundo gane, kunguno mwenuyo wamukumbulaga inwe vose, na wasayaga, kunguno inwe mwigilwe ati wavagi mulwile.

²⁷Ahene, waliwalwala muno na wavagi bihi na kufwa, alisi Mulungu wamuvonelaga lusungu, alisi ngʼo mwenuyo duhu, sumbwa nane mwene, kwigela ngʼo napiwe misayo kwigulya na misayo.

²⁸Kunguno. yeniyi ndanguha muno kumutumizya, kigele inwe, ulu mwamuvona, mudehe, na misayo yane yidohe.

²⁹Sisyo mumwanukule mwenuyo na kudeha kose mugati

³⁰na Guku, na muvakuzye vanhu va mutindo gwenugu, kwisi kunguno ya milimo yamwa Kristo mwenuyo wafikaga bihi na kufwa, na wavagi tayari kupana vuzuvuku wakwe kunguno ya kuntumamila nene mugati na genayo gangilaga mu vugwasya winwe kuwane.