Read Nyamwezi Vakolose 1 Bible Online

Vakolose 1 - Nyamwezi bible

Vakolose 1

¹Paulo, Mutume wamwa Yesu Kristo kunguno ya

²kikowa cha Mulungu, na Timoteo, mudugu wiswe, ku vasondo na vadugu hovene valimusanizya Kristo, hovene valimo mu Kolose. Kisa kiveho hamohene ninwe na kuhola hokwene kulifuma kumwa Mulungu Vava.

³Tulimulumbila Mulungu, Vava wa Guku wiswe Yesu Kristo hanahana ulu tulimulombela inwe.

⁴Kwisi twigilwe kunguno ya isanizyo linwe hamwa Kristo Yesu, na kunguno ya kutogwa kwinwe ku vasondo

⁵vose, kunguno ya isigizyo lyenilo litulilwe kuwinwe uko kwilunde, kunguno yalyo mwalimwigwa kale mu

⁶muhayo gwa lole gwa Mhola ya Chelu, hoyene yafikile kuwinwe kitisi yafikile ku liwelelo lyose, na yilifyambya fisumo na yilikula kitisi yitaga mugati ninwe vukumbu na lusiku lwenulo inwe mwakigagwa na mwakimanikaja loleyene kisa cha Mulungu.

⁷Syenisyo mwahembekagwa na Epafra, mutumami mwigisu mutoneke, homwene ali kuwinwe mukumba mujamu wamwa

⁸Kristo, na homwene watupaga mhola ya kutogwa kwinwe mugati na Roho.

⁹Kunguno yeniyi, vukumbu na lusiku lwenulo twayigagwa, tukoyile kumulombela inwe na kwigongela, kigele inwe mupiwe kukimanicha kikowa chakwe mugati na ngelo zyose na wenge wa roho.

¹⁰Haho mukovole kusimiza kitisi yilisika hambele na Guku na kumutogezya, na kufyambya fisumo na kukula mu milimo yose misoga mugati na kumumanicha Mulungu.

¹¹Na mujamiliziwe na nguzu zyose ku nguzu zya lukumo lwakwe, kigele muve vajamu na valembezu hamohene na kudeha,

¹²na mumulumbile Vava, homwene watuvezaja kuvi na lusangi hʼisalo lya vasondo mugati na lumole.

¹³Homwene watukomolaga ku vukovozi wa giti, na watusamizaja ku vutemi wa

¹⁴Mwana wakwe mutoneke, mugati nawe tuli na vukomolwa na vutondolwa wa mavukenaguzi;

¹⁵homwene ali wikole wa Mulungu homwene akavonagwa, mutongelezi wa fitundwa fyose.

¹⁶Kwisi mugati nawe finhu fyose fya mwilunde na fya muliwelelo fyatundilwe, ifyo fikuvonagwa, na ifyo fikavonagwa, ninga masumbi ga kitemi ninga mavutemi ninga mawanangwa ninga mavukovozi; finhu fyose fyatundilwe mugati nawe na kunguno yakwe.

¹⁷nawe wavagiho aho finhu fyose fyavage fitali kuviho, na finhu fyose fililimbiwa mugati nawe.

¹⁸Na mwenuyu ali mutwe gwa muvili, hogwene guli ivilingano, uyo homwene ali nhangilo, na muvyalwa wa mbele wa vafwile, kigele ave mutongelezi mugati na gose.

¹⁹Kwisi Mulungu watogagwa ati vokale wakwe vose wikale mugati na mwenuyo, na mugati

²⁰nawe agaswanye gose kuwakwe mwenekili, aga ga muliwelelo, na ago ga mwilunde, na wavezaja kuhola ku magazi gakwe ga ku musigiti.

²¹Na inwe vene, hovene mwavage kitisi vageni na vanisi kuwakwe mu

²²miganiko na mu milimo yinwe mivi, wamuswanaja inwe lelo mugati na muvili gwakwe gwa vunhu mugati na kufwa kwakwe, kigele amwimike inwe hambele nawe kuvi vasondo na vuduhu kimelo na mapuvyo,

²³ulu mulijama mwisanizyo, na mwazengilwe kijamu kwigulya na musingi vuduhu kusindikwa kufuma kwisigizyo lya Mhola ya Chelu, hoyene mwayigilwe, hoyene yatanizivilwe mugati na fitundwa fyose hansilili nʼilunde, hoyene nene navile mutumami wayo.

²⁴Lelo ndigadehela maluduko gane kunguno yinwe, na genayo gangilaga mu mamikosi gamwa Kristo ndigamalizya mu muvili gwane kunguno ya muvili gwakwe,

²⁵hogwene guli ivilingano, holyene nene navile mukumba walyo, kunguno ya vukasika wenuvo wa Mulungu, howene napivagwa kunguno yinwe, kugutanizya vuliko

²⁶muhayo gwa Mulungu, mbisila yeniyi hoyene yavage yivisilwe kufuma matungo na mavuvyalwa ga kale,

²⁷alisi lelo yafumbulilwe ku vasondo vakwe, hovene Mulungu wakovaga kuvolecha vuhanya wa lukumo ku vapagani, holwene lulimo mu mbisila yeniyi, nguno yayo: Kristo alimo muwinwe isigizyo lya lukumo.

²⁸Homwene mhola yakwe tuliyitanizya mugati na kumuhana kila munhu na kumuhembeka kila munhu mugati na ngelo zyose, kigele tumwimike kila umo kitisi munhu mukomezu mugati na Kristo.

²⁹Mulimo gwenugu ndigutumama mugati na kugulasanila ku nguzu zyakwe, hozyene zilitumama munogwene muwane.