Read Nyamwezi 1 Vatesalonike 3 Bible Online

1 Vatesalonike 3 - Nyamwezi bible

1 Vatesalonike 3

¹Kunguno twavagi tukakovolile kwijamilizya hangi kwikala sisyo, twavonaga sisoga kulekwa twinene mu

²Atene, na twamutumizaja Timoteo, mudugu wiswe na mukumba wa Mulungu wa Mhola ya Chelu yamwa Kristo, kigele amujamilizye na amuhuliche inwe kunguno ya isanizyo linwe,

³kwigela ngʼo umo asusihanye mu mamikosi genaya; inwe venekili mulimanicha ati twatulililwe genaya.

⁴Kwisi aho twavagiho hamohene ninwe twamuwilaga hambele ati, tukuduka mamikosi, kitisi yakwilaga, na kitisi mulimanicha.

⁵Kunguno yeniyi, aho navagi nkakovolile kwijamilizya hangi kwikala syenisyo, namutumizaja mwenuyo kupiwa mhola ya isanizyo linwe, kwisi hamo Muhumbiki wagemaga kumuhumbika, na migangadiko yiswe yavagi ya gele.

⁶Alisi lelo Timoteo wafikaga henaha kufuma kuwinwe, na watuletelaga mhola nsoga kunguno ya isanizyo linwe na kutogwa kwinwe, na kitisi mulitwizukila sisoga hanahana, na mulitamanilwa kutuvona, kitisi iswe tulitamanilwa kumuvona inwe.

⁷Kunguno yeniyi, vadugu, twahulikivagwa kunguno yinwe mu misyolo na mamikosi giswe kunguno ya isanizyo linwe.

⁸Kwisi lelo tulizuvuka hangi, ulu inwe mulijama sisoga mugati na Guku.

⁹Kwisi kalumbilo ki tulikovola kumupa Mulungu kunguno yinwe kuvi vusyokeziwa ku kudeha kose kwenuku tulimudehela inwe hambele na vusyu

¹⁰wa Mulungu wiswe? Tulilomba muno havuziku na halimi kigele tumuvone inwe vusyu ku vusyu, na kugasikilizya na genayo gangilaga mwisanizyo linwe.

¹¹Alisi Uyu mwenekili, Mulungu Vava, na Guku wiswe

¹²Yesu Kristo, atulagile nzila ya kufika kuwinwe. Alisi Guku amokazye inwe na kutogwa kuhanya muno, ungi ku ungi, na ku vose, kitisi iswe tulimutogwa inwe;

¹³na syenisyo ayijamilizye myoyo yinwe yive mijamu na vuduhu kimelo mu vusondo hambele na Mulungu Vava mwitungo lya kwiza kwamwa Guku wiswe Yesu Kristo hamohene na vasondo vakwe vose.