Read Nyamwezi 1 Vatesalonike 5 Bible Online

1 Vatesalonike 5 - Nyamwezi bible

1 Vatesalonike 5

¹Alisi vadugu, mukafundile kutonelwa kunguno ya matungo na lusiku, kwisi inwe venekili mulimanicha ati lusiku lwamwa Guku lukwiza kitisi mwivi havuziku.

²Ulu vanhu vakuyomba, Henaha kuhola na vusinde,

³haho vuzimile vukuvafikila ku kisalasala, kitisi vusungu wa kuvyala vuliza ku mukima ali na mwitungo,

⁴navo kukovola ngʼo kupela. Alisi inwe vadugu mukavilemo mu giti, syenisyo lusiku lukuleka kumudidukizya kitisi mwivi.

⁵Kwisi inwe vose muli vana va lumole na vana va halimi; tukavile vana va vuziku

⁶ninga ngʼo va giti. Kunguno yeniyi tuleke kulala tulo kitisi avo vangi, sumbwa tudile minso na tuvalagane.

⁷Kwisi venavo valilala tulo, valilala tulo ha vuziku, na

⁸avo valikolwa, valikolwa havuziku. Alisi iswe hovene tuli va halimi tuve tuvalaganile, na tuzwalile nhanzo ya chuma ya isanizyo na ya kutogwa, na isigizyo lya vupiziwa live ngala yiswe.

⁹Kwisi Mulungu akatukindikile ku kisila, sumbwa kigele tupiziwe mugati na

¹⁰Guku wiswe Yesu Kristo, homwene watufwilile, kigele, ulu tulidila minso, ninga tulilala tulo, tuzuvuke hamohene nawe.

¹¹Kunguno yeniyi mwihane na mwijamilizye hamohene, kitisi mulita savasava.

¹²Alisi tulimulomba inwe vadugu, muvakuzye venavo valitumama mugati ninwe na vasimamizi vinwe mugati

¹³na Guku, na valimuhana inwe; muvakuzye venavo munogwene mugati na kutogwa kunguno ya milimo yavo. Mwikale na kuhola hamohene.

¹⁴Na tulimulomba inwe vadugu, muvahane venavo va nhagila, muvajamilizye venavo vazovile, muvasunge venavo vali vasakazu, muvalembele vose.

¹⁵Mwikomye kuduhu umo asyokezye kavi na kavi, sumbwa hanahana mukove

¹⁶kugavezya genaya gali masoga, ungi ku ungi, na ku vose. Mudehe hanahana; mulombe vuduhu koya; mulumbile ku tosetose; kwisi cheniki kili kikowa cha Mulungu kuwinwe mugati na Kristo Yesu. Muleke kumuzimya Roho; muleke kuvuvengelezya vufumbuzi. Mugageme gose, mudimane na masoga. Mwisunde ku tuvi twa mitindo yose.

²²Alisi Uyu mwenekili Mulungu wa kuhola, amusondohye inwe vuliko, na myoyo na myuye na mivili yinwe yilindilwe vuduhu kimelo hʼitungo lya kwiza kwamwa Guku wiswe Yesu Kristo.

²⁴Mujamu ali mwenuyu, homwene wamwitanaga inwe, homwenuyu—ahene—akuvezya.

²⁵Vadugu, mutulombele iswe. Muvagisye vadugu vose na kunonela kusondo.

²⁶Ndimulahilizya inwe

²⁷hamwa Guku ati, vadugu vasondo vose vasomelwe barua yeniyi.

²⁸Kisa cha Guku wiswe Yesu Kristo kiveho hamohene ninwe.