Read Nyamwezi 2 Timoteo 4 Bible Online

2 Timoteo 4 - Nyamwezi bible

2 Timoteo 4

¹Ndikulagila hambele na vusyu wa Mulungu na Kristo Yesu, homwene akuvayangula vazuvuku na vafwile, na kuvufumbulwa wakwe na vutemi wakwe:

²ugutanizye muhayo mwitungo livelile na mwitungo likavelile, uvahilimile, uvalange, uvahane mugati na vulembezu vose na vuhembeki.

³Kwisi itungo likwiza, aho vakuvukana vuhembeki wa kapanga, na mugati na kugalonda mawivonya gavo vakwikovela venekili vahembeki vingi mhola yavo yilinyekanyeka mu

⁴matwi gavo, navo vakwisunda na kuleka kuyidegeleka hanayene na vakuyipilukila migani.

⁵Alisi veve uvelegane mugati na tose, uduke mavuduki, uyitumame milimo ya mutanizya wa Mhola ya Chelu, uvumazye vukumba wako.

⁶Kwisi nafikilagwa magazi gane gafupwe, na itungo lya kuvuka kwane lyegelile bihi.

⁷Nene nalasanaga vulasani vusoga, nalumalizaja lugendo

⁸na nalilindilaga isanizyo; hangi ngala ya vugololoku yatulilwe tayari kuwane, hoyene Guku, muyanguzi mugololoku, akumpa nene ha lusiku ulo, na ngʼo nene duhu, sumbwa na avo vose vene hovene vavutogilwe vufumbuke wakwe.

⁹Ugangadike kwiza kuwane. Kwisi Demasi wandekaga nene kunguno walitogagwa liwelelo lya lelo na wajaga ku Tesalonike, Kreske wajaga ku Galatia, na Tito ku Dalmatia.

¹¹Lukasi inene ali hawane. Umusole Marko na wize hamohene nawe, kwisi ali mugwasya kuwane mu milimo.

¹²Alisi Tikiko namutumizaja ku Efeso.

¹³Ikoti lyane lya safari holyene nalilekaga hamwa Karpo mu Troa ulilete ulu uliza, nafyo fitabu na muno ifyo fya ndili.

¹⁴Aleksander, musuzi, wanitilaga tuvi twingi; Guku akumusyokelezya hanuma na milimo yakwe.

¹⁵Veve mwene wilindile hambele nawe, kwisi mwenuyu wayigomelaga muno mihayo yiswe.

¹⁶Ha kwitavuka kwane kwa mbele ku mbulano kuduhu umo wangwasaja, sumbwa vose vandekaga; valeke kusyokeleziwa genaya.

¹⁷Alisi Guku wimaga hawane na wanjamilizaja, kigele mhola yitaniziwe vuliko na nene, vapagani vose vayigwe; na napizivagwa ku mulomo gwa nsimba.

¹⁸Guku akundindila ku milimo yose mivi na kumpizya kusika mu vutemi wakwe mwilunde; mwenuyu apiwe lukumo kusika myaka na myaka de. Amen.

¹⁹Uvagisye Priska na Akila na va munumba yamwa Onesiforo.

²⁰Elasto wasigalaga mu Korinto, alisi Trofimo namulekaga mulwile mu Mileto.

²¹Ugangadike kwiza itungo lya mbeho litali. Eubulo, Pudento, Lino,

²²Klaudia, na vadugu vose valikugisya. Guku ave hamohene na roho yako. Kisa kiveho hamohene ninwe.