Read Nyamwezi Vahebrayo 2 Bible Online

Vahebrayo 2 - Nyamwezi bible

Vahebrayo 2

¹Kunguno yeniyi yatudima kugikomya muno hogene

²gadegelekagwa, ngena tutagike. Kwisi ulu muhayo ugu gwayombilwe na vamalaika gwavagi mujamu, na kila vusumule na vutazi wapivagwa musyahala kitisi

³gwagelanilaga, mbe iswe kinahe, mutindoki tukwipizya, ulu tulivuvengelezya vupizya wenuvu vuhanya? howene hambele watanizivagwa na Guku, na haho wajamilizivagwa kuwiswe na venavo hovene vawigilwe.

⁴Nawe Mulungu wasangilagwa hamohene navo kumalumeho na migaka, na ku nguzu zya mitindo mingi, na ku mavupani ga Roho Nsondo, kitisi watogagwa mwenekili.

⁵Kwisi yikavile hansilili na vamalaika ati walitulaga liwelelo lilakiza, holyene twayombaga kunguno yalyo.

⁶Sumbwa umo wasangilagwa hambati, na wahaya, Munhu ali kinahe, ati veve ulimwizukila? Ninga mwana wa munhu, ati veve ulimwikomya?

⁷Veve wamudohelezaja hado kukila vamalaika, Wamuzwikaga na lukumo na isima, Na wamutulaga higulya na milimo ya makono gako; Veve wagatulaga gose hansilili na magulu gakwe.

⁸Kwisi mugati na kugatula gose hansilili nawe, akakilekile kimo hochene kikavile hansilili nawe. Alisi tutali kuvona ati gose gatulilwe hansilili nawe.

⁹Alisi tulimuvona homwene wadohelezivilwe hado kukila vamalaika, homwene ali Yesu, kunguno ya luduko lwa lufu wazwikilwe na lukumo nʼisima, kigele alavuzye lufu kunguno ya vose ku kisa cha Mulungu.

¹⁰Kwisi yamudimaga uyu, kunguno yakwe gose galiho, na kufuma kuwakwe gose galiho, mu kuleta vana vingi ku lukumo, kumukomezya mutongelezi wa vupiziwa wavo mu gati na maluduko.

¹¹Kwisi homwene alisondohya, navo valisondohiwa, vose valifuma ku umo; kunguno yeniyi akawine nsoni kuvitana vaduguye, mu kuyomba,

¹²Nkuvatanizya vadugu vane lina lyako, Nkukwimbila magongozi mugati nʼivilingano.

¹³Na hangi, Nkumusendamalikila moyo gwane. Na hangi, Lolaga, nene ndiko na vana hovene Mulungu wampile.

¹⁴Kunguno vana vali va lusangi ku muvili na magazi, nawe mwene syenisyo wadimaga lusangi mugati nago, kigele mugati na lufu amuzimanguche homwene ali nayo nguzu ya lufu, homwene ali Shetani;

¹⁵na avapizye vose hovene vavagi mu vusese nsiku zyavo zyose kunguno ya vova wa lufu.

¹⁶Kwisi loleyene, akavile kuvasunga vamalaika, sumbwa alivasu nga va vuvyalwa wamwa Abrahamu.

¹⁷Kunguno yeniyi yamudimaga kukolaniziwa na vaduguye mugati na gose, kigele ave muhozya muhanya wa kigongo na mujamu hambele na Mulungu, avezye vukomozi ku mavukenaguzi ga vanhu.

¹⁸Kwisi kunguno mwenekili wadukaga na wagemagwa, alikovola kuvagwasya hovene valigemwa.