Read Nyamwezi Vahebrayo 9 Bible Online

Vahebrayo 9 - Nyamwezi bible

Vahebrayo 9

¹Ahene, ilagano lya mbele nalyo lyavagi nago maludonho ga kwisenga Mulungu, na isengelo isondo lyalyo lya liwelelo.

²Kwisi ihema lyavezelezivagwa, mu lya mbele yavagimo tala, na meza, na migate zya kolecha; holyene litanagwa Hasondo.

³Na kumbele na mukingo gwa vuvili lyavagiko ihema holyene litanagwa Hasondo muno;

⁴nalyo lyavagi na izukizyo lya dhahabu lya kuzukizya mugazu, nʼisanduku lya ilagano lyakumbilwe na dhahabu, mugati nalyo lyavagimo ikopo lya dhahabu holyene lyavagi na mana, na mulanga gwamwa Aroni hogwene gwafulumaga, na mbavo zya ilagano;

⁵na higulya nalyo vakerubi va lukumo hovene valikumbaga Isumbi lya kisa; kunguno yago tukakovolile kuyomba limo limo.

⁶Lelo kunguno genayo gavezelezivagwa syenisyo, vahozya valingilaga ihema lya mbele nsiku zyose, kigele

⁷vayivezye milimo ya kumwisenga Mulungu; alisi mu lya vuvili alingila muhozya muhanya inene duhu kila mwaka kamo, nawe akavile vuduhu magazi, hogene aligafumya kuwakwe mwenekili na ku mapuvyo ga vanhu.

⁸Sisyo Roho Nsondo alolecha ati nzila ya kwingilila mu Hasondo muno yavagi yitali kuluguka, aho ihema lya mbele lyavagi litali limile.

⁹Nalyo guli mukolani gwʼitungo lyenili, kwisi fyafumivagwe fipanwa na fitambo hofyene fikakovolile kumukomezya mwisenga Mulungu mu moyo gwakwe;

¹⁰kwisi, hamohene na filiwa na finwiwa na mitindo ya kukalava, gali maludonho ga muvili duhu, galagilizivagwa kusika itungo lya vuvezelezya vupya.

¹¹Alisi Kristo wizaga kitisi Muhozya Muhanya wa tusoga tulakiza, na wingilaga mwihema ihanya na ikomezu, likavezivilwe na makono, nguno: likavile lya

¹²fitundwa fya liwelelo lyenili, akingilile na magazi ga mbuli nulu ndama, sumbwa na magazi gakwe mwenekili kamo duhu mu Hasondo, aho waliwagada vuko mozi wa hanahana.

¹³Kwisi ulu magazi ga mbuli na nzagamba na mavu ga ngʼombe mu kuvaminzila va

¹⁴zoma galivasondohya ku vusondo wa muvili, haho kingi muno magazi gamwa Kristo, homwene ku nguzu zya Roho wa hanahana wifumaja mwenekili kitambo vuduhu kimelo kumwa Mulungu, gakumugusa myoyo zinwe ku milimo yafwile, kigele mumwisenge Mulungu muzuvuku?

¹⁵Na kunguno yeniyi ali Mufungi wʼilagano ipya, kwisi lufu lwakwilaga kugakomola mavusumule ga mwilagano lya mbele, kigele venavo vitanilwe valyanukule

¹⁶ilagano lʼisalo lya hanahana. Kwisi ulu liliho ilagano lʼisalo, kolaga lukwile hambele lufu lwakwe homwene walivezaja.

¹⁷Kwisi ilagano lili na nguzu duhu hanuma na kufwa; kwisi likavile na nguzu ulu wa kulivezya atali alizuvuka.

¹⁸Kunguno yeniyi ilagano lya mbele lika kindikilwe vuduhu magazi.

¹⁹Kwisi aho Mose waliwavawila vanhu vose kila mukumo gwa mu ngʼhama, haho wagasolaga magazi ga ndama na mbuli hamohene na minzi na pamba ya za na isopo, na wakiminzilaga

²⁰kitabu chenekili na vanhu vose, uhaya, Genaya gali magazi gʼilagano, holyene Mulungu alimulagila inwe.

²¹Hangi ihema na mafiseme gose ga kumwisengela Mu lungu wagaminzilaga magazi savasava.

²²Na ku ngʼhama mafiseme gose guguswa na magazi, na vuduhu kumwaga magazi kuduhu vutondolwa.

²³Kunguno yeniyi yagadimaga genayo gali mikolani zya ga mwilunde nago sisyo; alisi ga mwilunde genekili na fitambo fisoga kukila ifyo.

²⁴Kwisi Kristo akingilile mu Hasondo havezivilwe na makono, hohene hali mukolani gwa ha lole, sumbwa mwilunde mwenekili, kigele igele hambele na vusyu wa Mulungu kunguno yiswe;

²⁵yikavile kigele ifumye mwenekili kingi, kitisi muhozya muhanya wingilage mu Hasondo kila mwaka

²⁶na magazi gakavile gakwe; mbe yamudimile kuduka kingi kufuma kutundwa kwa liwelelo, sumbwa wingilaga kamo duhu ha mhelo ya nsiku zyenizyo, kigele awinje vukenaguzi mu kwifumya mwenekili.

²⁷Kitisi yilivadima vanhu vafwe,

²⁸na haho vuyanguzi, sisyo Kristo mwene, hanuma waliwahoziwa kamo kigele aginje mavukenaguzi ga vingi, aligele ka vuvili, vuduhu vukenaguzi, ku venavo hovene valimulembela, avapizye.