Read Nyamwezi Yakobo 1 Bible Online

Yakobo 1 - Nyamwezi bible

Yakobo 1

¹Yakobo, mukumba wa Mulungu na Guku Yesu Kristo, ndimugisya inwe va magongo ikumi na avili hovene mulimo mu vusambale.

²Vadugu vane, mugilolele genaya kitisi ga kudeha duhu, ulu mulingila mugati na magemelo ga mitindo

³mingi, na mumaniche ati kugemwa kwa isanizyo linwe kulivezya vujamu.

⁴Na vujamu vulivezya milimo mikomezu, kigele inwe muve vakomezu na vuduhu kimelo, na muleke kuvi kunuma mu kinhu kimo.

⁵Alisi ulu umo mugati ninwe alangila ngelo, amulombe Mulungu, homwene alipana ku vose vuduhu

⁶kwingʼungʼula, nayo yikupanwa kuwakwe. Alisi alombe mwisanizyo vuduhu kususihanya; kwisi homwene alisusihanya alikola ivimbi lya mu nyanza holyene lilipepeziwa na lilitinginiwa na muyaga.

⁷Kwisi munhu mwenuyu aleke kwiganika ati akupiwa kinhu na

⁸Guku, munhu wa myoyo ivili na wa kabapula mugati na nzila zyakwe zyose.

⁹Alisi mudugu, homwene akavile mukumuku, ikumuche kunguno ya lukumo lwakwe;

¹⁰na musavi kunguno ya vudo wakwe, kwisi akuzimanguka kitisi vulavu wa maswa.

¹¹Kwisi limi lilifuma na ilungula lyalyo na liliganyazya maswa, na mavulavu gago galilagala, na vusoga wago vulimala; sisyo savasava musavi akunyala mu nzila zyakwe.

¹²Welukilwa munhu homwene alijama mu magemelo, kwisi ulu wajamile mwenumo, akuyanukula ngala ya vuzuvuku, hoyene Guku wavalaganaja vose venavo valimutogwa.

¹³Kuduhu umo ayombe ulu aligemwa, Ndigemwa na Mulungu, kwisi Mulungu akakovolilwe kugemwa na

¹⁴kavi, nawe akavile kumuhumbika munhu. Alisi kila umo aligemwa, ulu alidutwa na kuhimagiziwa na wivonya wakwe mwenekili;

¹⁵haho, ulu wivonya wakomelile vuvyala vukenaguzi, na ulu vukenaguzi wakomelile vuvyala lufu.

¹⁶Muleke kwipuvya inwe venekili, vadugu vane vatoneke.

¹⁷Kila kipanwa kisoga na kipanwa kikomezu kilifuma higulya kumwa Vava wa lumole, homwene akavile kupiluka, ninga hawakwe haduhu mudaka hogwene gulipilukapiluka.

¹⁸Hanuma na kikowa chakwe watuvyalaga mugati na muhayo gwa hanayene, kigele tuve kitisi mbuki ya fitundwa fyakwe. Muliyimanicha yeniyi vadugu vane vatoneke.

¹⁹Kila munhu ave mwangu mu kwigwa, hadohado mu kuyomba,

²⁰na hadohado ku kisila; kwisi kisila cha munhu kikavile kutumama genaya gali magololoku hamwa Mulungu.

²¹Kunguno yeniyi muzinje hawinwe zoma zyose na vuvi vose, na mugwanukule mugati na vudekanu muhayo hogwene guhambilwe mu myoyo yinwe, na hogwene gulikovola kuyipizya myuye yinwe.

²²Muve vamazya va muhayo, na ngʼo vadegeleki vago duhu, kwisi syenisyo muliwiyenga inwe venekili.

²³Kwisi ulu umo ali mudegeleki wa muhayo na ngʼo mumazya wago, alimwikola munhu homwene aliwilolela vusyu wakwe mwenekili mwilole.

²⁴Aliwilolela mwenekili na

²⁵alifuma, na walavila isyo wavagi. Alisi homwene alilola mugati na ngʼhama mpanga ya vunamiko, na alilendela kwita syenisyo, na akuleka kuvi mudegeleki wa kilavila, sumbwa mumazya wa milimo, mwenuyu akwelukilwa mugati na milimo yakwe.

²⁶Ulu umo aliganika ati alimutumamila Mulungu, alisi akavile kululindila lulimi lwakwe, aliguyenga moyo gwakwe, vutumami wa mwenuyo vuli wa gele.

²⁷Vutumami vusondo hambele na Mulungu Vava na vuduhu mabado vuli wenuvu: kuvalavila vafuvi na vasimbe mu mikosi yavo, na kwilindila mwenekili vuduhu kimelo hambele na liwelelo.