Read Nyamwezi 1 Petro 5 Bible Online

1 Petro 5 - Nyamwezi bible

1 Petro 5

¹Ndivahana vanamhala hovene valimo mugati ninwe, nene munamhala mwichavo na musangilwaho wa mavuduki gamwa Kristo, nane ndi na lusangi mugati na lukumo holwene lukufumbulwa.

²Mulidime idale lya Mulungu holyene liliho hawinwe na kulisunga, ngʼo kunguno mulikungiliziwa, sumbwa cha kutogwa, ngʼo kunguno ya vusulu wa nsoni, alisi mugati na moyo gwa pe;

³ngʼo kitisi venavo valikova kutema kwigulya na mavilingano, sumbwa kitisi lumeho lusoga ku idale.

⁴Na ulu mudimi muhanya akufumbulwa mukupiwa ngala ya lukumo hoyene yikavile kunyala.

⁵Sisyo sisyene inwe vasumba mwitunye hansilili na vanamhala; na inwe vose mudekane na mwitumamile hamohene, kwisi Mulungu alivapinga va myete, alisi alivavonela kisa vadekanu.

⁶Kunguno yeniyi mwidekanye hansilili na kukono kwa nguzu kwa Mulungu, kigele amukulilizye inwe mwitungo lyakwe.

⁷Mumuvagazaje mwenuyu myanya yinwe yose, kwisi alimusunga inwe.

⁸Muvalagane, mudile minso, mukandi winwe Shetani aliyumbayumba kitisi isimba lilihilita alimukova munhu amulye.

⁹Mumwisigite mwenuyu, muve vajamu mwisanizyo, mumaniche ati mavuduki genaya galivakwilila vadugu vinwe mu liwelelo.

¹⁰Na Mulungu wa kisa chose, homwene wamwitanaga inwe ku lukumo lwakwe lwa hanahana mugati na Yesu Kristo, ulu mwadukivagwa itungo ido, akumuvezelezya na akumujamilizya na akumupa inwe nguzu.

¹¹Homwenuyu ali na vukovozi kusika myaka na myaka de. Amen.

¹²Ku kukono kwamwa Silasi, mudugu wiswe mujamu, kwisi ndivona ali syenisyo, namutonelaga inwe mihayo miguhi, kigele namuhane inwe na kusangilwa ati kili kisa cha lole cha Mulungu mugati nacho inwe mulimilamo.

¹³Vʼivilingano vigisu va mu Babiloni valimugisya

¹⁴inwe, na sisyo sisyene Marko, mwana wane. Mwigisye hamohene na kunonela kwa kutogwa. Kuhola kuveho hamohene ninwe vose hovene mulimo mugati na Kristo.