Read Nyamwezi 2 Petro 3 Bible Online

2 Petro 3 - Nyamwezi bible

2 Petro 3

¹Vatoneke, yeniyi yili barua ya vuvili hoyene ndimutonela inwe, na mugati nazyo nakovaga kulimisya isala linwe lya lole na kumwizukizya inwe kuyizukila mihayo

²hoyene yayombilwe kale na vafumbuzi vasondo, na mukumo gwamwa Guku Mupizya, hogwene mwawililwe na vatume vinwe.

³Hambele mumaniche ati, mu nsiku zya mhelo vakwiza vafusani, hovene valifusana na

⁴kugalonda mavutamanilwa gavo, vuhaya, Lili kuhe ilagano lya kwiza kwakwe? Kwisi vukumbu vansiswe vagulalile finhu fyose filiho isyo fyavagi vukumbu na mbuki ya kutundwa.

⁵Kwisi valigakumba minso gavo ku muhayo ugu ati, kufuma kale ilunde lyavagiho na nsi yene hoyene yigelaga mu minzi na kunguno ya

⁶minzi ku nguzu zya muhayo gwa Mulungu, na ku nguno yeniyi yene liwelelo lya kale lyazimilaga mugati na likamilamasenga.

⁷Alisi ilunde lya lelo na nsi ku muhayo gwenugu gwene gatulilwe kiviko ku moto, galilindilwa kusika lusiku lwa vuyanguzi na lwa vuzimanguke wa vanhu vʼivengwe.

⁸Alisi vatoneke, muleke kulavila ati kumwa Guku lusiku lumo luli kitisi myaka kihumbi, na myaka kihumbi kitisi lusiku lumo.

⁹Guku akavile kulikendelezya ilagano, kitisi vamo valiganika ati alikendela, sumbwa alilembela kunguno yinwe, kwisi akatogilwe ninga umo azimile, sumbwa vose vafike hakupilukila moyo.

¹⁰Alisi lusiku lwa Guku lukwiza kitisi mwivi; ha lusiku lwenulo ilunde likuzimanguka na lukindo luhanya, na genaya gavagiho kufuma kale gakuzigiliziwa na kuyeyuka, na nsi na gose galimo muyo gakuzigiligiwa.

¹¹Kunguno finhu fyose fikuyeyuka, yilimudima inwe kusimiza mugati na vusimize vusondo na kumogoha Mulungu,

¹²na kululindila na kulwanguhya mu kwiza lusiku lwa Mulungu, henaho ilunde likuvaka moto na kuyeyuka na genayo gavagiho kufuma kale gakuzigiliziwa na kunota.

¹³Alisi kitisi walaganaja, tulililindila ilunde ipya na nsi mpya mugati nayo vukwikalamo vugololoku.

¹⁴Vatoneke, kunguno tuligalindila genaya mugangadike kuvonwa vuduhu mabado na kimelo mugati na kuhola.

¹⁵Na muvulole vulembezu wamwa Guku wiswe kitisi vupiziwa, kitisi mudugu wiswe, mutoneke, Paulo watnutonelile inwe mu ngelo yeniyo hoyene wayipivagwa,

¹⁶syenisyo watonaga savasava mu barua zyakwe zyose, henaho aliyomba kunguno ya mihayo yose yeniyi, mugati nayo yilimo mihayo mitimbu mu kuyimanicha, hoyene valele na avo vakajamile valiyilulunganya, kitisi mavutone gangi gene, ha vuzimile wavo venekili.

¹⁷Kunguno Inwe, vatoneke, mwamalaga kugamanicha genaya, mwilindile, kwigela ngʼo mufilwe na mapuvyo ga va kayaya na kulagala kufuma vujamu winwe wenekili.

¹⁸Alisi mukule mugati na kisa na mu kumumanicha Guku na Mupizya wiswe Yesu Kristo. Homwenuyu apiwe lukumo lelo na kusika myaka de.