Read Nyamwezi 1 Yohana 1 Bible Online

1 Yohana 1 - Nyamwezi bible

1 Yohana 1

¹Hogene gavagiho kufuma mbuki, hogene twagigilwe, hogene twagawine na minso giswe, hogene twagikomizye na kugakumya na makono giswe, hogene gali Muhayo gwa vuzuvuku.

²Na vuzuvuku wigelile, niswe twavuwine, na tulisangilwa na tulimutanizya inwe vuzuvuku wa hanahana, howene wavagiho hamwa Vava na wigelileho hawiswe.

³Hogene twagawine na twagigilwe tulimutanizya inwe vene, kigele inwe vene muve na lusangi niswe; na lusangi lwiswe luli hamohene na Vava na hamohene na Mwana wakwe Yesu Kristo.

⁴Na tulimutonela inwe genaya, kigele kudeha kwinwe kokale pa.

⁵Na mhola hoyene twayigilwe nawe na tulimutanizya inwe yili yeniyi: Mulungu ali lumole, na giti yili muduhu mugati nawe.

⁶Ulu tuliyomba ati, tuli na lusangi nawe, alisi tulisimiza mu giti, haho tuliyomba vulamba, na tukavile kuyimazya hanayene.

⁷Alisi ulu tulisimiza mugati na lumole, isyo mwenuyo ali mu lumole, haho tuli na lusangi hamohene, na magazi gamwa Yesu,

⁸Mwana wakwe, galitugusa mavukenaguzi gose. Ulu tuliyomba ati, tukavile navo vukenaguzi, tuliwiyenga

⁹iswe venekili, na hanayene yikavilemo muwiswe. Ulu tuligazumilizya mavukenaguzi giswe, uyu ali mujamu na mugololoku kututondola mavukenaguzi giswe na kutugusa wigomu vose.

¹⁰Ulu tuliyomba ati tukakenagulile, tulimuvezya mwenuyu mulamba, na muhayo gwakwe gukavilemo muwiswe.