Read Nyamwezi 2 Yohana 1 Bible Online

2 Yohana 1 - Nyamwezi bible

2 Yohana 1

¹Nene munamhala, kumwa mama musogolwa na vana vakwe, hovene ndivatogwa loleyene, ngʼo nene duhu,

²sumbwa vose venavo vayimanikizye hanayene, kunguno hanayene yeniyi yilikala mugati niswe, nayo yikuvi hamohene niswe kusika hanahana.

³Kisa na kigongo na kuhola hokwene kulifuma kumwa Mulungu Vava na kumwa Yesu Kristo, Mwana wamwa Vava, kuve hamohene niswe mugati na hanayene na kutogwa.

⁴Nene nadehaga munogwene kuvavona vamo mugati na vana vako hovene valisimiza mu hanayene kitisi yiligelanila na mukumo ugo twapivilwe na Vava.

⁵Na lelo ndikulomba veve mama muhanya, ngʼo kitisi ndi kutonela mukumo mupya, sumbwa ugo twavagi nago

⁶kufuma mbuki ati, twitogwe hamohene. Na kwenuku kuli kutogwa tuzilonde mikumo zyakwe; gwenugu guli mukumo kitisi mwigilwe kufuma mbuki ati musimize mugati nago.

⁷Kwisi vapuvya vingi vigelaga mu liwelelo hovene vakavile kuzumya ati Kristo wizile mu muvili. Homwene ali syenisyo ali mupuvya na Mukandi wa Kristo.

⁸Mwikomye inwe venekili, muleke kugazimizya genayo twagatumamaga iswe, sumbwa mupiwe vusyokeziwa vose.

⁹Homwene aliwihega na akavile kujama mu vuhembeki wamwa Kristo, akavile nawe Mulungu. Homwene alijama mu vuhembeki ali nawe Vava na Mwana mwene.

¹⁰Ulu umo aliza kuwinwe na akavile kuvuleta vuhembeki wenuvu, muleke kumwanukula mu numba, ninga lugisi kumupa ngʼo.

¹¹Kwisi homwene alimupa lugisi, ali na lusangi nawe mu milimo yakwe mivi.

¹²Nulu ndi nago mingi ga kumutonela inwe, nkatogilwe kutona ku karatasi na wino, alisi ndisigizya kwiza kuwinwe na kuyomba ninwe mulomo ku mulomo, kigele kudeha kwinwe kokale pa.

¹³Vana va muduguyo musogolwa valikugisya.