Read Nyamwezi Yuda 1 Bible Online

Yuda 1 - Nyamwezi bible

Yuda 1

¹Yuda, mukumba wamwa Yesu Kristo na muduguye wamwa Yakobo, ku venavo vitanilwe, na vali vatoneke vamwa Mulungu Vava, hovene valindililwe kumwa Yesu Kristo.

²Kigongo na kuhola na kutogwa kumukwilile inwe kingi.

³Vatoneke, aho nagangadikaga muno kumutonela inwe kunguno ya vupiziwa wiswe vose, navonaga ati yandimaga kumutonela mugati na kumuhana inwe kulilasanila isanizyo holyene lipanilwe kamo ku vasondo.

⁴Kwisi vanhu vamo visyepaja, vanhu hovene vuyangulwa wavo vutonilwe kufuma kale, vanhu vʼivengwe hovene valikigalungʼhanya kisa cha Mulungu wiswe mugati na wivonya, na valimukana Yesu Kristo, Guku na Mutemi wiswe inene.

⁵Nulu mwamalaga kugamanicha gose ndikova kumwizukizya inwe ati, aho Guku wavapizaja va chalo mu

⁶nsi ya Misri, wavazimizaja venavo vakasanizizye. Na vamalaika venavo hovene vakalulindilile lukumo lwavo, vavulekaga wikalo wavo venekili, valindilwe nawe mu minyololo na mu giti kusika ha vuyanguzi wa lusiku ulo luhanya.

⁷Na sisyo sisyene Sodoma na Gomora na makaya ago ga bihi nago, hovene kitisi avo vangi vitivihanaja mugati na vulava na vayitamanilagwa mivili ya vangi, venavo vakindikilwe kuvi lumeho, na validukiwa luduko lwa moto gwa hanahana.

⁸Sisyo savasava venavo vali kitisi mu ndoti na valiyilavuzya mivili yavo mu zoma na kuvuvengelezya vukovozi na kugafusa malukumo.

⁹Alisi Mikaeli, malaika muhanya, aho waguganaga na Shetani na wiyanilizaja nawe kunguno ya muvili gwamwa Mose, akagimile kumuvula,

¹⁰sumbwa wayombaga duhu, Guku akudakile. Alisi venavo valigafusa genayo vakagamanikizye; na genaya valigamanicha mu vutundwa wavo kitisi ndimu zikavile na masala, valigatumamila mugati na kwikenagulila venekili.

¹¹Musyolo kuwavo, kwisi vagalondaga mapambala gamwa Kaini; na kunguno ya kupiwa vusulu, vabupilaga mu mapuvyo gamwa Bileamu, na vizimizaja mu vugome wamwa Kora.

¹²Venava vali kitisi mabado ga mafita ku mayeye ginwe ga kwitogwa, mukulya hamohene ninwe vakavile kogoha kwilisya venekili duhu; vali kitisi malunde gakavile na mbula hogene galifilwa na muyaga; vali kitisi miti yahululukile na vuduhu fisumo, hoyene yafwile kavili na yadubulilwe vuliko;

¹³vali kitisi mavimbi ga munyanza hogene galifulumila nsoni zyago genekili; vali kitisi masonda mayumbi; giti nhanya yatulilwe kuwavo ku hanahana.

¹⁴Kunguno ya venavo Enok, wa vuvyalwa wa mpungati

¹⁵wamwa Adamu, wafumbulaga uhaya, Lolagi, Guku wizaga na vasondo vakwe fihumbi na fihumbi kuvayangula na kuvaducha vʼivengwe vose kunguno ya milimo yavo yose yʼivengwe, na kunguno ya mihayo yose mitimbu hoyene vayombaga kwigulya nawe, venavo vakenaguzi na vʼivengwe.

¹⁶Venavo valingʼungʼula kunguno ya kikalile chavo. Valigalonda mawivonya gavo, na milomo yavo yiliyomba mihayo ya kwigagambazya, na vali na pendelea ku vanhu, kegele vapiwe vusulu.

¹⁷Alisi inwe vatoneke, muyizukile mihayo iyo yayombilwe kale na Vatume vamwa Guku wiswe Yesu

¹⁸Kristo, kwisi vavawilaga, Mwitungo lya mhelo vakuviho vafusani, hovene vakugalonda mawivonya gʼivengwe lyavo venekili.

¹⁹Avo vali venavo valileta vulekane, vali na muvili, alisi vali gele Roho.

²⁰Alisi inwe vatoneke, mwizenge inwe venekili kwigulya nʼisanizyo linwe holyene lili isondo munogwene; mulombe mugati

²¹na Roho Nsondo, na sisyo mwilindile mugati na kutogwa kwa Mulungu, na mukilindile kigongo chamwa Guku wiswe Yesu Kristo ku vuzuvuku wa hanahana.

²²Muve na lusungu ku vamo hovene valisusihanya,

²³muvapizye vangi mu kuvasampula mu moto; muvavonele vangi kisa mugati na kogoha na kugugaya ninga mwenda hogwene gwilavuzivagwa na muvili.

²⁴Alisi mwenuyu, homwene alikovola kumulindila muleke kwikumpa na kumwimika inwe hambele na lukumo lwakwe vuduhu kimelo mugati na kwihalala,

²⁵uyu Mulungu inene, Mupizya wiswe, homwene apiwe lukumo na nguzu na vukovozi mugati na Guku wiswe Yesu Kristo, kufuma kale na lelo na kusika myaka de. Amen.