Read Buku Loyera - Chichewa Gen. 36 Bible Online

Gen. 36 - Buku Loyera - Chichewa bible

Gen. 36

¹Nazi zidzukulu za Esau, amene ankatchedwanso Edomu.

² Esau adaakwatira akazi Achikanani aŵa: Ada mwana wa Eloni Muhiti, Oholibama mwana wa Ana, mwana wa Zibiyoni Muhivi,

³ ndi Basemati mwana wa Ismaele, mlongo wa Nebayoti.

⁴Ada adamubalira Esau Elifazi. Basemati adabala Reuele

⁵ndipo Oholibama adabala Yeusi, Yalamu ndi Kora. Ameneŵa ndi ana amene adabereka Esau m'dziko la Kanani.

⁶Tsono Esau adatenga akazi ake, ana ake aamuna, ana ake aakazi ndi anthu onse a m'nyumba mwake, pamodzi ndi zoŵeta zake zonse, ndi katundu wake yense amene adampeza ku dziko la Kanani, ndipo adasiyana ndi mbale wake uja Yakobe, napita kukakhala ku dziko lina.

⁷Chimene adachokera ndi chakuti dziko limene ankakhalako iye pamodzi ndi Yakobe, silinkaŵakwanira aŵiriwo. Anali ndi zoŵeta zochuluka zedi, mwakuti sikudatheke kuti iwo akhale pa malo amodzi.

⁸Motero Esau adakakhala m'dziko lamapiri ku Edomu.

⁹Nazi zidzukulu za Esau, kholo la Aedomu, okhala m'dziko lamapiri la Seiri.

¹⁰Maina a ana aamuna a Esau naŵa: Elifazi mwana wa Ada mkazi wa Esau, ndi Reuele mwana wa Basemati mkazi wa Esau.

¹¹Ana a Elifazi ndi Temani, Omara, Zefo, Gatamu ndi Kenazi.

¹²(Timna anali mzikazi wa Elifazi mwana wa Esau, ndipo mwa Timnayo Elifazi adaberekamo Amaleke.) Ameneŵa ndiwo ana a Ada mkazi wa Esau.

¹³Ana a Reuele ndi aŵa: Nahati, Zera, Sama ndi Miza. Ameneŵa ndiwo ana a Basemati mkazi wa Esau.

¹⁴Ana a Oholibama mkazi wa Esau ndi aŵa: Yeusi, Yalamu ndi Kora. Oholibamayo anali mwana wa Ana mwana wa Zibiyoni.

¹⁵Naŵa mafumu a zidzukulu za Esau. Mwa ana a Elifazi, mwana woyamba wa Esau, panali mafumu aŵa: Temani, Omara, Zefo, Kenazi,

¹⁶Gatamu ndi Amaleke. Ameneŵa ndi mafumu mwa ana a Elifazi m'dziko la Edomu. Onseŵa anali ana a Ada.

¹⁷Mwa ana a Reuele, mwana wa Esau, panali mafumu aŵa: Nahati, Zera, Sama ndi Miza. Ameneŵa ndiwo mafumu mwa ana a Ruwele m'dziko la Edomu, ndiponso ndiwo ana a Basemati mkazi wa Esau.

¹⁸Mwa ana a Oholibama, mkazi wa Esau, panali mafumu aŵa: Yeusi, Yalamu ndi Kora. Ameneŵa ndiwo mafumu amene mkazi wa Esau, Oholibama mwana wa Ana, adabala.

¹⁹Ameneŵa ndi zidzukulu zake za Esau, ndiponso ndiwo mafumu ao.

²⁰Aŵa ndi ana aamuna a Seiri Muhori, nzika za dzikolo: Lotani, Sobali, Zibiyoni ndi Ana,

²¹Disoni, Ezere ndi Disani. Aŵa ndiwo mafumu a Ahori ana a Seiri m'dziko la Edomu.

²²Ana a Lotani anali Hori ndi Hemani, ndipo Timna anali mlongo wa Lotani.

²³Ana a Sobali ndi aŵa: Alivani, Manahati, Ebala, Sefo ndi Onamu.

²⁴Ana a Zibiyoni ndi aŵa: Aya ndi Ana. (Ameneyu ndiye Ana amene adapeza akasupe otentha m'chipululu, pamene ankadyetsa abulu a Zibiyoni bambo wake.)

²⁵Ana a Ana ndi aŵa: Disoni mwana wake wamwamuna, ndi Oholibama mwana wake wamkazi,

²⁶Ana aamuna a Disoni ndi aŵa: Hemudani, Esibani, Itirani ndi Kerani.

²⁷Ana a Ezere ndi aŵa: Bilihani, Zaavani ndi Akani.

²⁸Ana a Disani ndi aŵa: Uzi ndi Arani.

²⁹Mafumu a Ahori ndi aŵa: Lotani, Sobali, Zibiyoni, Ana,

³⁰Disoni, Ezere ndi Disani. Ameneŵa ndiwo mafumu a Ahori m'dziko la Seiri malinga ndi mafuko ao.

³¹Naŵa mafumu amene ankalamulira dziko la Edomu, mafumu a Aisraele asanayambe kulamulira kumeneko:

³²Bela mwana wa Beori, ankalamulira dziko la Edomu, ndipo dzina la mzinda wake linali Dinihaba.

³³Bela atafa, Yobabu mwana wa Zera wa ku Bozira ndiye amene adaloŵa ufumu m'malo mwake.

³⁴Yobabu atafa, Husamu wa ku dziko la Atemani adaloŵa ufumu m'malo mwake.

³⁵Atafa Husamu, Hadadi mwana wa Bedadi adaloŵa ufumu m'malo mwake. Iyeyu ndiye amene adagonjetsa Amidiyani m'dziko la Mowabu, ndipo dzina la mzinda wake linali Aviti.

³⁶Atafa Hadadi, Samila wa ku Masireka ndiye adaloŵa ufumu m'malo mwake.

³⁷Atafa Samila, Shaulo wa ku Rehoboti, mzinda wa pa mtsinje wa Yufurate, ndiye amene adaloŵa ufumu m'malo mwake.

³⁸Atafa Shaulo, Baala-Hanani mwana wa Akibori, ndiye adaloŵa ufumu m'malo mwake.

³⁹Baala-Hanani mwana wa Akibori atafa, Hadari ndiye adaloŵa ufumu m'malo mwake. Dzina la mzinda wake linali Pau, ndipo dzina la mkazi wake linali Mehetabele, mwana wa Matiredi mwana wa Mezahabu.

⁴⁰Aŵa ndiwo mafumu a kubanja kwa Esau mwatsatanetsatane, malinga ndi mafuko ao ndi malo a fuko lililonse: Timna, Aliva, Yeteti,

⁴¹Oholibama, Ela, Pinoni,

⁴²Kenazi, Temani Mibizara,

⁴³Magadiele ndi Iramu. Ameneŵa ndiwo mafumu a Edomu (ndiye kuti Esau kholo la Aedomu potsatana ndi malo omwe ankakhala m'dziko laolo.)