Read Buku Loyera - Chichewa Gen. 5 Bible Online

Gen. 5 - Buku Loyera - Chichewa bible

Gen. 5

¹ Mndandanda wa mibadwo yochokera mwa Adamu udayenda motere: (Mulungu polenga Adamu, adampanga muchifaniziro chake.

² Adalenga mwamuna ndi mkazi, ndipo adaŵadalitsa, naŵatchula dzina loti Anthu.)

³Adamu ali wa zaka 130 adabereka mwana wofanafana ndi iye, namutcha Seti.

⁴Pambuyo pake Adamu adakhala ndi moyo zaka zinanso 800. Adaberekanso ana ena aamuna ndi aakazi.

⁵Adamwalira ali wa zaka 930.

⁶Seti ali wa zaka 105, adabereka mwana dzina lake Enosi,

⁷ndipo adakhalanso ndi moyo zaka zina 807. Adaberekanso ana ena aamuna ndi aakazi.

⁸Adamwalira ali wa zaka 912.

⁹Enosi ali wa zaka 90, adabereka mwana dzina lake Kenani,

¹⁰ndipo adakhalanso ndi moyo zaka zina 815. Adaberekanso ana ena aamuna ndi aakazi.

¹¹Adamwalira ali wa zaka 905.

¹²Kenani ali wa zaka 70, adabereka mwana dzina lake Mahalalele,

¹³ndipo adakhalanso ndi moyo zaka zina 840. Adaberekanso ana ena aamuna ndi aakazi.

¹⁴Adamwalira ali wa zaka 910.

¹⁵Mahalalele ali wa zaka 65 adabereka Yaredi,

¹⁶ndipo adakhalanso ndi moyo zaka zina 830. Adaberekanso ana ena aamuna ndi aakazi.

¹⁷Adamwalira ali wa zaka 895.

¹⁸Yaredi ali wa zaka 162, adabereka mwana dzina lake Enoki,

¹⁹ndipo adakhalanso ndi moyo zaka zina 800. Adaberekanso ana ena aamuna ndi aakazi.

²⁰Adamwalira ali wa zaka 962.

²¹Enoki ali wa zaka 65, adabereka mwana dzina lake Metusela.

²²Enoki adakhala ndi moyo zaka zina 300, akuyanjana ndi Mulungu. Adaberekanso ana ena aamuna ndi aakazi.

²³Adamwalira ali wa zaka 365.

²⁴Iyeyu adayanjana ndi Mulungu moyo wake wonse. Ndipo sadaonekenso, chifukwa choti Mulungu adamtenga.

²⁵Metusela ali wa zaka 187, adabereka mwana dzina lake Lameki,

²⁶ndipo adakhalanso ndi moyo zaka zina 782. Adaberekanso ana ena aamuna ndi aakazi.

²⁷Adamwalira ali wa zaka 969.

²⁸Lameki ali wa zaka 182, adabereka mwana,

²⁹ndipo adati, “Mwana ameneyu adzatipumuza ku ntchito zathu zolemetsazi zolima nthaka imene Chauta adaitemberera.” Ndipo mwanayo adamutcha dzina lake Nowa.

³⁰Lameki adakhalanso ndi moyo zaka zina 595. Adaberekanso ana ena aamuna ndi aakazi.

³¹Adamwalira ali wa zaka 777.

³²Nowa ali wa zaka zopitirira 500, adabereka ana aamuna atatu: Semu, Hamu ndi Yafeti.