Read Buku Loyera - Chichewa 1 Mbi. 2 Bible Online

1 Mbi. 2 - Buku Loyera - Chichewa bible

1 Mbi. 2

¹Ana a Israele naŵa: Rubeni, Simeoni, Levi, Yuda, Isakara, Zebuloni,

²Dani, Yosefe, Benjamini, Nafutali, Gadi, ndi Asere.

³Ana a Yuda naŵa: Eri, Onani, ndi Sela. Ana atatu ameneŵa adamubalira ndi Batisuwa mkazi wa ku Kanani. Tsono Eri mwana wa Yuda anali wa makhalidwe oipa, choncho Chauta adamupha.

⁴Mpongozi wake Tamara nayenso adamubalira Perezi ndi Zera. Ana onse a Yuda analipo asanu.

⁵Ana a Perezi naŵa: Hezironi ndi Hamuli.

⁶Ana a Zera naŵa: Zimiri, Etani, Hemani, Kalikoli ndi Dara. Onse pamodzi analipo asanu.

⁷ Ana a Karimi naŵa: Akara amene adaavuta Aisraele. Iyeyo adaaba zinthu zoyenera kuziwononga.

⁸Mwana wa Etani anali Azariya.

⁹Ana amene adabereka Hezironi naŵa: Yerameele, Ramu ndi Kelebe.

¹⁰Ramu adabereka Aminadabu, Aminadabu adabereka Nasoni, mkulu wa fuko la Yuda.

¹¹Nasoni adabereka Salimoni, Salimoni adabereka Bowazi,

¹²Bowazi adabereka Obede, Obede adabereka Yese.

¹³Yese adabereka Eliyabu mwana wake wachisamba, wachiŵiri Abinadabu, wachitatu Simea,

¹⁴wachinai Netanele, wachisanu Radai,

¹⁵wachisanu ndi chimodzi Ozemu, wachisanu ndi chiŵiri Davide.

¹⁶Alongo ao anali Zeruya ndi Abigaile. Ana a Zeruya naŵa: Abisai, Yowabu ndi Asahele, onse pamodzi atatu.

¹⁷Abigaile adabala Amasa ndipo bambo wake wa Amasa anali Yetere Mwismaele.

¹⁸Kalebe mwana wa Hezironi anali nawo ana omubalira mkazi wake Azuba ndiponso Yerioti. Ana amene adabala mkaziyo naŵa: Yesere, Sobabu ndi Aridoni.

¹⁹Atafa Azuba, Kalebe adakwatira Efrati amene adamubalira Huri.

²⁰Huri adabereka Uri, ndipo Uri adabereka Bezalele.

²¹Pambuyo pake Hezironi, ali wa zaka 60, adakakwatira mwana wa Makiri bambo wake wa Giliyadi. Ndipo mkaziyo adamubalira Segubu.

²²Segubu adabereka Yairi amene anali ndi mizinda 23 m'dziko la Giliyadi.

²³Koma anthu a ku Gesuri ndi a ku Aramu adaŵalanda Havoti-Yairi, Kenati pamodzi ndi midzi yake yomwe, yonse pamodzi inalipo midzi 60. Onseŵa anali adzukulu a Makiri, bambo wake wa Giliyadi.

²⁴Atafa Hezironi, Kalebe adakwatira Efurata, mkazi wa bambo wake Hezironi. Ndipo mkaziyo adamubalira Asuri, bambo wake wa Tekowa.

²⁵Ana a Yerameele, mwana wachisamba wa Hezironi, naŵa: Ramu mwana wachisamba, Buna, Oreni, Ozemu, ndi Ahiya.

²⁶Yerameele analinso ndi mkazi wina dzina lake Atara. Mkaziyu adabala Onamu.

²⁷Ana a Ramu, mwana wachisamba wa Yerameele, anali Maazi, Yamini ndi Ekeri.

²⁸Ana a Onamu anali Samai ndi Yada. Ana a Samai anali Nadabu ndi Abisuri.

²⁹Mkazi wake wa Abisuri anali Abihaili, ndipo mkaziyo adamubalira Abani ndi Molidi.

³⁰Ana a Nadabu anali Seledi ndi Apaimu. Seledi adafa opanda ana.

³¹Mwana wa Apaimu anali Isi. Mwana wa Isi anali Sesani. Mwana wa Sesani anali Alai.

³²Ana a Yada mbale wa Samai anali Yetere ndi Yonatani. Yetere adafa opanda ana.

³³Ana a Yonatani anali Peleti ndi Zaza. Ameneŵa ndiwo amene anali zidzukulu za Yerameele.

³⁴Sesani analibe ana aamuna, anali ndi ana aakazi okhaokha. Koma anali ndi kapolo wake wa ku Ejipito, dzina lake Yara.

³⁵Motero Sesani adakwatitsa mwana wake wamkazi kwa Yara kapolo wake uja. Ndipo mkaziyo adamubalira Attai.

³⁶Attai adabereka Natani, Natani adabereka Zabadi.

³⁷Zabadi adabereka Efilala, Efilala adabereka Obede.

³⁸Obede adabereka Yehu, Yehu adabereka Azariya.

³⁹Azariya adabereka Helezi, Helezi adabereka Eleasa.

⁴⁰Eleasa adabereka Sisimai, Sisimai adabereka Salumu.

⁴¹Salumu adabereka Yekamiya, ndipo Yekamiya adabereka Elisama.

⁴²Ana a Kalebe mbale wa Yerameele naŵa: Maresa, mwana wake wachisamba, bambo wake wa Zifi. Mwana wa Maresa anali Hebroni.

⁴³Ana a Hebroni naŵa: Kora, Tapuwa, Rekemu ndi Sema.

⁴⁴Sema adabereka Rahama, bambo wake wa Yorikeamu ndipo Rekemu adabereka Samai.

⁴⁵Mwana wa Samai anali Maoni. Tsono Maoni adabereka Betezuri.

⁴⁶Nayenso Efa, mzikazi wa Kalebe, adamubalira Harani, Moza ndi Gazezi. Harani adabereka Gazezi.

⁴⁷Ana a Yadai naŵa: Regemu, Yotamu, Gesani, Peleti, Efa ndi Saafi.

⁴⁸Maaka, mzikazi wa Kalebe, adamubalira Sebere ndi Tirihana.

⁴⁹Mkaziyo adabalanso Saafi, bambo wake wa Madimana, ndi Seva bambo wake wa Makibena ndiponso bambo wa Gibea. Mwana wamkazi wa Kalebe anali Akisa.

⁵⁰Ameneŵa ndiwo amene anali zidzukulu za Kalebe. Ana a Huri, mwana wachisamba wa Efurata, naŵa: Sobala amene adabereka Kiriyati-Yearimu,

⁵¹Salima amene adabereka Betelehemu, ndiponso Harefi amene adabereka Betegadere.

⁵²Sobala bambo wake wa Kiriyati-Yearimu adaberekanso ana ena, naŵa: Harowe, ndiye kuti theka la Amenuwoti.

⁵³Mabanja a Kiriyati-Yearimu naŵa: Aitiri, Aputi, Asumati ndi Amisirai. Ameneŵa ndiwo makolo a Azorati ndi Aesitaoli.

⁵⁴Ana a Salima naŵa: Betelehemu, Anetofa, Ataroti-Beti-Yowabu ndi hafu la Amanahati, ndiponso Azori.

⁵⁵Mabanjanso a alembi amene ankakhala ku Yabesi naŵa: Atirati, Asimeati ndi Asukati. Ameneŵa ndiwo Akeni amene adachokera kwa Hamati, kholo la banja la Rekabu.