Read Buku Loyera - Chichewa 1 Mbi. 24 Bible Online

1 Mbi. 24 - Buku Loyera - Chichewa bible

1 Mbi. 24

¹Zidzukulu za Aroni ndi izi. Ana a Aroni naŵa: Nadabu, Abihu, Eleazara ndi Itamara.

² Koma Nadabu ndi Abihu adafa bambo wao akali moyo, ndipo analibe ana. Motero Eleazara ndi Itamara adaloŵa unsembe.

³Zidzukulu za Aroni mfumu Davide adazigaŵira ntchito molongosoka bwino, pothandizidwa ndi Zadoki, mmodzi mwa zidzukulu za Eleazara, ndiponso Ahimeleki, mmodzi mwa zidzukulu za Itamara.

⁴Popeza kuti pakati pa zidzukulu za Eleazara padapezeka atsogoleri ambiri kupambana pakati pa zidzukulu za Itamara, Davide adasankhula atsogoleri 16 pakati pa zidzukulu za Eleazara, ndiponso asanu ndi atatu pakati pa zidzukulu za Itamara.

⁵Adaŵasankhula pochita maere mosakondera, poti panali atumiki a ku Nyumba ya Chauta ndi atsogoleri achipembedzo pakati pa zidzukulu za Eleazara ndiponso pakati pa zidzukulu za Itamara.

⁶Magulu aŵiri a zidzukuluzi adachita maerewo motsatana, ndipo mlembi Semaya, mwana wa Netanele, amene anali Mlevi, adalemba maina ao. Mboni zake zinali izi: mfumu, nduna, wansembe Zadoki, Abimeleki mwana wa Abiyatara, ndiponso atsogoleri a mabanja a ansembe ndi a Alevi.

⁷Maere oyamba adagwera Yehoyaribu, achiŵiri adagwera Yedaya,

⁸achitatu adagwera Harimu, achinai adagwera Seorimu,

⁹achisanu adagwera Malikiya, achisanu ndi chimodzi adagwera Miyamini,

¹⁰achisanu ndi chiŵiri adagwera Hakozi, achisanu ndi chitatu adagwera Abiya,

¹¹achisanu ndi chinai adagwera Yesuwa, achikhumi adagwera Sekaniya,

¹²a 11 adagwera Eliyasibu, a 12 adagwera Yakimu,

¹³a 13 adagwera Hupa, a 14 adagwera Yesebeabu,

¹⁴a 15 adagwera Biliga, a 16 adagwera Imeri,

¹⁵a 17 adagwera Heziri, a 18 adagwera Hapizeze,

¹⁶a 19 adagwera Petahiya, a 20 adagwera Yehezikele,

¹⁷a 21 adagwera Yakini, a 22 adagwera Gamuli,

¹⁸a 23 adagwera Delaya, a 24 adagwera Maaziya.

¹⁹Ntchito yao ya anthu ameneŵa inali yotumikira m'Nyumba ya Mulungu potsata mwambo umene adaukhazikitsa Aroni kholo lao, monga momwe Chauta Mulungu wa Aisraele adaamlamulira.

²⁰Atsogoleri ena a mabanja a Levi naŵa: Yedeiya, mdzukulu wa Subaele, amene anali mdzukulu wa Amuramu.

²¹Isiya, mdzukulu wa Rehabiya,

²²Yahati, mdzukulu wa Selomoti, amene anali mdzukulu wa Izihara.

²³Ana a Hebroni naŵa: Yeriya mtsogoleri, wachiŵiri Amariya, wachitatu Yahaziele, wachinai Yekameani.

²⁴Samiri anali mdzukulu wa Mika, kholo lao linali Uziyele.

²⁵Mbale wake wa Mika anali Isiya. Zekariya anali mdzukulu wa Uziyele, kholo lao linali Isiya.

²⁶Zidzukulu za Merari nazi: Mali, Musi ndi Yaziya.

²⁷Adzukulu a Merari, kuchokera mwa Yaziya mwana wake, naŵa: Sohamu, Zakuri ndi Ibiri.

²⁸Ana a Mali anali aŵa: Eleazara, amene analibe ana, ndiponso Kisi,

²⁹amene mwana wake anali Yerameele.

³⁰Ana a Musi anali Mali, Edere ndi Yerimoti. Ameneŵa ndiwo amene anali zidzukulu za Levi potsata mabanja a makolo ao.

³¹Mabanja ameneŵanso kuti adziŵe ntchito zao, adachita maere monga abale ao, zidzukulu za Aaroni, akuluakulu ndi ang'onoang'ono omwe. Ochita umboni anali mfumu Davide, Zadoki, Ahimeleki, ndiponso atsogoleri a mabanja a ansembe ndi a Alevi.