Read Buku Loyera - Chichewa 1 Mbi. 3 Bible Online

1 Mbi. 3 - Buku Loyera - Chichewa bible

1 Mbi. 3

¹Naŵa ana a Davide amene adabadwira ku Hebroni. Amoni ndiye mwana wake wachisamba, mai wake anali Ahinowamu, wa ku Yezireele. Daniele ndiye mwana wake wachiŵiri, mai wake anali Abigaile, wa ku Karimele.

²Mwana wake wachitatu ndi Abisalomu, mai wake anali Maaka, mwana wa Talimai, mfumu ya ku Gesuri. Mwana wake wachinai ndi Adoniya, mai wake anali Hagiti.

³Mwana wake wachisanu ndi Sefatiya, mai wake anali Abitala. Mwana wake wachisanu ndi chimodzi ndi Itireamu, mai wake anali Egila.

⁴ Ana asanu ndi mmodzi onseŵa adabadwira ku Hebroni, kumene adakhala mfumu pa zaka zisanu ndi ziŵiri ndi miyezi isanu ndi umodzi. Koma adakhala mfumu ku Yerusalemu zaka 33.

⁵ Ana amene adabadwira ku Yerusalemu ndi aŵa: Simea, Sobabu, Natani ndi Solomoni. Ameneŵa ndiwo ana anai amene adamubalira Batisuwa[1] mwana wa Amiyele.

⁶Panalinso ana aŵa: Ibara, Elisama, Elifeleti,

⁷Noga, Nefegi, Yafia,

⁸Elisama, Eliyada ndi Elifeleti, ana asanu ndi anai.

⁹Onseŵa anali ana a Davide, osaŵerengera ana a azikazi ake. Mlongo wao anali Tamara.

¹⁰Nazi zidzukulu za Solomoni: Rehobowamu adabereka Abiya, Abiya adabereka Asa, Asa adabereka Yehosafati,

¹¹Yehosafati adabereka Yoramu. Yoramu adabereka Ahaziya, Ahaziya adabereka Yowasi.

¹²Yowasi adabereka Amaziya, Amaziya adabereka Azariya, Azariya adabereka Yotamu.

¹³Yotamu adabereka Ahazi, Ahazi adabereka Hezekiya, Hezekiya adabereka Manase.

¹⁴Manase adabereka Amoni, Amoni adabereka Yosiya.

¹⁵Ana a Yosiya naŵa: Yohanani, mwana wake wachisamba. Wachiŵiri anali Yehoyakimu, wachitatu anali Zedekiya ndipo wachinai anali Salumu.

¹⁶Ana aamuna a Yehoyakimu anali aŵa: Yekoniya ndi Zedekiya.

¹⁷Ana a Yekoniya, wam'ndende uja, naŵa: Sealatiele,

¹⁸Malikiramu, Pedaya, Senazara, Yekamiya, Hosama, ndiponso Nedabiya.

¹⁹Ana a Pedaya naŵa: Zerubabele ndi Simei. Ana a Zerubabele naŵa: Mesulamu, Hananiya, ndi Selomiti mlongo wao.

²⁰Panalinso Asuba, Owele, Berekiya, Hasadiya ndi Yusabusede, asanu pamodzi.

²¹Ana a Hananiya naŵa: Pelatiya, Yesaya, Refaya, Arinani, Obadiya ndi Sekaniya.

²²Mwana wa Sekaniya anali Semaya. Ana a Semaya naŵa: Hatusi, Igala, Bariya, Neariya ndi Safati, asanu ndi mmodzi.[2]

²³Ana a Neariya, naŵa: Eliyoenai, Hizikiya ndi Azirikamu, atatu.

²⁴Ana a Eliyoenai, naŵa: Hodaviya, Eliyasibu, Pelaya, Akubu, Yohanani, Delaya ndi Anani, asanu ndi aŵiri.