Read Buku Loyera - Chichewa 1 Mbi. 9 Bible Online

1 Mbi. 9 - Buku Loyera - Chichewa bible

1 Mbi. 9

¹Tsono Aisraele onse adalembedwa potsata mibadwo yao m'buku la mafumu a Aisraele. Anthu a ku Yuda adaatengedwa ukapolo kunka ku Babiloni chifukwa chakuti anali osakhulupirika.

² Tsono Aisraele oyamba kukakhala m'maiko mwao ndi m'mizinda yao anali anthu wamba, ansembe, Alevi ndi atumiki a ku Nyumba ya Mulungu.

³Anthu ena a ku Yuda, Benjamini, Efuremu ndi Manase amene ankakhala ku Yerusalemu anali motere:

⁴A kwa Ayuda anali aŵa: Utai, mwana wa Amihudi, mwana wa Omuri, mwana wa Imuri, mwana wa Bani, chidzukulu cha Perezi, mwana wa Yuda.

⁵A kwa Asiloni anali aŵa: Asaya mwana wachisamba pamodzi ndi ana ake.

⁶A kwa Azera anali aŵa: Yeuwele ndi achibale ao, onse pamodzi 690.

⁷A kwa Abenjamini anali aŵa: Salu, mwana wa Mesulamu, mwana wa Hodaviya, mwana wa Hasenuwa,

⁸Ibineya mwana wa Yerohamu, Ela mwana wa Uzi, mwana wa Mikiri ndiponso Mesulamu, mwana wa Sefatiya, mwana wa Reuwele, mwana wa Ibineya.

⁹Ndipo mabanja ao potsata mibadwo yao analipo 956. Onse amene alembedwa pamwambapaŵa anali atsogoleri a mabanja.

¹⁰Mwa ansembe panali Yedaya, Yehoyaribu, Yakini,

¹¹ndi Azariya mwana wa Hilikiya, mwana wa Mesulamu, mwana wa Zadoki, mwana wa Meraiyoti, mwana wa Ahitubi, mkulu woyang'anira Nyumba ya Mulungu.

¹²Panalinso Adaya, mwana wa Yerohamu, mwana wa Pasihuri, mwana wa Malikiya, ndiponso Maasai mwana wa Adiyele, mwana wa Yazera, mwana wa Mesulamu, mwana wa Mesilemiti, mwana wa Imeri.

¹³Ansembe amene anali atsogoleri a mabanja analipo 1,760, anthu odziŵa kwambiri ntchito za ku Nyumba ya Chauta.

¹⁴A kwa Alevi naŵa: Semaya mwana wa Hasubu, mwana wa Azirikamu, mwana wa Hasabiya, wa kubanja kwa Merari.

¹⁵Panalinso Bakibakara, Heresi, Galali kudzanso Mataniya, mwana wa Mika, mwana wa Zikiri, mwana wa Asafu.

¹⁶Panalinso Obadiya, mwana wa Semaya, mwana wa Galali, mwana wa Yedutuni, ndiponso Berekiya, mwana wa Asa, mwana wa Elikana, amene ankakhala ku midzi yoyandikana ndi tauni ya Anetofati.

¹⁷Alonda apamakomo naŵa: Salumu, Akubu, Talimoni, Ahimani pamodzi ndi abale ao (Salumu ndiye anali mtsogoleri,)

¹⁸ndipo mpaka nthaŵi imeneyo, anthu a fukoli adaikidwa kuti azilonda pa khomo lakuvuma la Mfumu. Ameneŵa ndiwo amene kale anali alonda apamakomo ku zithando za Alevi.

¹⁹Salumu mwana wa Kore, mwana wa Ebiyasafu, mwana wa Kora, pamodzi ndi abale ake a ku banja la makolo ake, Akora aja, ankayang'anira ntchito ya utumiki pakhomo pa chihema, monga ankachitira azibambo ao, amene ankayang'anira mudzi wazithando wa Chauta ndi kulonda pa chipata.

²⁰Finehasi, mwana wa Eleazara ndiye ankaŵalamulira kale. Chauta anali naye!

²¹Zekariya mwana wa Meselemiya ankadikira pa khomo la chipata cha chihema chamsonkhano.

²²Onseŵa, amene adasankhidwa kuti akhale alonda apamakomo, analipo 212. Adalembedwa potsata mibadwo yao ku midzi yao. Davide ndi Samuele mneneri ndiwo adaŵaika m'malo ao a ntchito chifukwa cha kukhulupirika kwao.

²³Motero iwowo ndi zidzukulu zao ankayang'anira ndi kumalonda pa makomo a Nyumba ya Chauta, monga ankachitira ku chihema chija.

²⁴Alondawo anali ku mbali zonse zinai, kuvuma, kuzambwe, kumpoto ndi kumwera.

²⁵Abale ao amene ankakhala nao m'midzi mwao, ankabwera kamodzikamodzi kudzakhala nao masiku asanu ndi aŵiri,

²⁶pakuti atsogoleri anai a alonda apamakomo amene anali Alevi, ankayang'anira zipinda ndiponso mosungira chuma cha ku Nyumba ya Chauta.

²⁷Usiku ankakhala mozungulira Nyumba ya Chauta, pakuti iwowo ndiwo amene adaasenza udindo waulonda, ndipo anali ndi ntchito yotsekula Nyumbayo m'maŵa mulimonse.

²⁸Ena mwa Aleviwo ankayang'anira ziŵiya za pa chipembedzo, pakuti kunali kofunika kuziŵerenga pozibweza kapena pozitulutsa.

²⁹Ena mwa iwowo adasankhidwa kuti aziyang'anira zipangizo ndi ziŵiya zina zopatulika. Ena ankayang'anira ufa wosalala, vinyo, mafuta, lubani ndiponso zonunkhira.

³⁰Koma ndi ansembe amene ankasanganiza zonunkhirazo,

³¹ndipo Matitiya, mmodzi mwa Alevi, mwana wachisamba wa Salumu Mkora, ankayang'anira kaphikidwe ka makeke.

³²Abale ao enanso a kwa Akohati ankayang'anira buledi woperekedwa,[9] kuti azimkonza pasabata paliponse.

³³Alevi ena akuluakulu ankayang'anira oimba nyimbo. Iwowo ankakhala m'zipinda m'Nyumba ya Chauta, osamangika ndi ntchito zina, pakuti ankatumikira usana ndi usiku.

³⁴Onsewo anali atsogoleri a mabanja a makolo a Alevi potsata mibadwo yao, ndipo ankakhala ku Yerusalemu.

³⁵Yeiyele amene adaamanga mzinda wa Gibiyoni, ankakhala ku Gibiyoni komweko. Mkazi wake anali Maaka.

³⁶Mwana wake wachisamba anali Abidoni ndipo pambuyo pa iyeyo panali Zuri, Kisi, Baala, Nere, Nadabu,

³⁷Gedori, Ahiyo, Zekariya ndi Mikiloti,

³⁸bambo wa Simea. Tsono, monga achibale ao aja, iwoŵanso ankakhala ku Yerusalemu pamodzi ndi achibale aowo.

³⁹Nere adabereka Kisi, Kisi adabereka Saulo, Saulo adabereka Yonatani, Malikisuwa, Abinadabu, ndi Esibaala.

⁴⁰Yonatani anabereka Meribaala. Meribaala adabereka Mika.

⁴¹Ana a Mika naŵa: Pitoni, Meleki, Tareya ndi Ahazi.

⁴²Ahazi adabereka Yara, Yara adabereka Alemeti, Azimaveti ndi Zimiri. Zimiri adabereka Moza.

⁴³Moza adabereka Bineya, Bineya adabereka Rafaya, Rafaya adabereka Eleasa, Eleasa adabereka Azele.

⁴⁴Azele anali ndi ana asanu ndi mmodzi ndipo maina ao naŵa: Azirikamu, Bokeru, Ismaele, Seyariya, Obadiya ndi Hanani. Onseŵa anali ana a Azele.