Read Buku Loyera - Chichewa Neh. 7 Bible Online

Neh. 7 - Buku Loyera - Chichewa bible

Neh. 7

¹Khoma la mzinda lija litamangidwa, ndidaikira zitseko, ndipo alonda a ku Nyumba ya Mulungu, anthu oimba nyimbo ndiponso Alevi adasankhidwa.

²Pamenepo ndidasankha mbale wanga Hanani ndi Hananiya, mkulu woyang'anira linga lankhondo, kuti aŵiriwo azilamulira Yerusalemu. Hananiyayo anali munthu wokhulupirika ndi womvera Mulungu kupambana anthu ambiri.

³Tsono ndidaŵauza kuti, “Musalole kuti atsekule zipata za Yerusalemu mpaka dzuŵa litatentha. Ndipo atseke zitseko ndi kuzipiringidza, alonda asanaŵeruke. Musankhe olonda pakati pa anthu okhala m'Yerusalemu, aliyense akhale pamalo pake, ndiponso akhale poyang'anana ndi nyumba yake.”

⁴Mzinda wa Yerusalemu unali wotambasuka ndiponso waukulu, koma anthu okhala mumzindamo anali oŵerengeka, ndipo munalibe nyumba zambiri.

⁵Tsono Mulungu adaika mumtima mwanga maganizo oti ndisonkhanitse atsogoleri, akuluakulu ndiponso anthu onse, kuti alembedwe potsata mibadwo ya mabanja ao. Ndidapeza buku m'mene mudalembedwa maina a mabanja a anthu amene anali oyamba kubwerako ku ukapolo. Zolembedwa m'menemo zinali izi:

⁶Naŵa anthu a m'chigawo cha Yuda amene adabwerako ku ukapolo, omwe Nebukadinezara mfumu ya ku Babiloni adaaŵagwira kupita nawo ku Babiloni. Anthuwo adabwerera ku Yerusalemu ndi ku Yuda, aliyense ku mzinda wa makolo ake.

⁷Adabwera pamodzi ndi atsogoleri aŵa: Zerubabele, Yesuwa, Nehemiya, Azariya, Raamiya, Nahamani, Mordekai, Bilisani, Misipereti, Bigivai, Nehumu ndi Baana. Nachi chiŵerengero cha anthu aamuna a Aisraele.

⁸A banja la Parosi 2,172.

⁹A banja la Sefatiya 372.

¹⁰A banja la Ara 652.

¹¹A banja la Pahatimowabu, ndiye kuti zidzukulu za Yesuwa ndi Yowabu 2,818.

¹²A banja la Elamu 1,254.

¹³A banja la Zatu 845.

¹⁴A banja la Zakai 760.

¹⁵A banja la Binuyi 648.

¹⁶A banja la Bebai 628.

¹⁷A banja la Azigadi 2,322.

¹⁸A banja la Adonikamu 667.

¹⁹A banja la Bigivai 2,067.

²⁰A banja la Adini 655.

²¹A banja la Atere, ndiye kuti la Hezekiya, 98.

²²A banja la Hasumu 328.

²³A banja la Bezai 324.

²⁴A banja la Harifi 112.

²⁵A banja la Gibiyoni 95.

²⁶Amuna a ku Betelehemu ndi a ku Netofa 188.

²⁷Amuna a ku Anatoti 128.

²⁸Amuna a ku Betazimaveti 42.

²⁹Amuna a ku Kiriyati-Yearimu, Kefira, ndi Beeroti 743.

³⁰Amuna a ku Rama ndi Geba, 621.

³¹Amuna a ku Mikimasi 122.

³²Amuna a ku Betele ndi Ai 123.

³³Amuna a ku Nebo wina 52.

³⁴A banja la Elamu wina 1,254.

³⁵A banja la Harimu 320.

³⁶A ku Yeriko 345.

³⁷A ku Lodi, Hadidi ndi Ono 721.

³⁸A ku Senaya 3,930.

³⁹Ansembe anali aŵa: a banja la Yedaya, ndiye kuti zidzukulu za Yesuwa, 973.

⁴⁰A banja la Imara 1,052.

⁴¹A banja la Pasuri 1,247.

⁴²A banja la Harimu 1,017.

⁴³Alevi anali aŵa: a banja la Yesuwa ndi la Kadimiyele, ndiye kuti zidzukulu za Hodaviya, 74.

⁴⁴Oimba nyimbo anali aŵa: a banja la Asafu 148.

⁴⁵Alonda a ku Nyumba ya Mulungu anali aŵa: a banja la Salumu, a banja la Atere, a banja la Talimoni, a banja la Akubu, a banja la Hatita, a banja la Sobai, onse pamodzi 138.

⁴⁶Antchito a ku Nyumba ya Mulungu anali aŵa: a banja la Ziha, a banja la Hasufa, a banja la Tabaoti,

⁴⁷a banja la Kerosi, a banja la Siya, a banja la Padoni,

⁴⁸a banja la Lebana, a banja la Hagaba, a banja la Salimai,

⁴⁹a banja la Hanani, a banja la Gidele, a banja la Gahara,

⁵⁰a banja la Reaya, a banja la Rezini, a banja la Nekoda,

⁵¹a banja la Gazamu, a banja la Uza, a banja la Paseya,

⁵²a banja la Besai, a banja la Meunimu, a banja la Nefusesimu,

⁵³a banja la Bakibuki, a banja la Hakufa, a banja la Harihuri,

⁵⁴a banja la Baziliti, a banja la Mehida, a banja la Harisa,

⁵⁵a banja la Barikosi, a banja la Sisera, a banja la Tema,

⁵⁶a banja la Neziya, a banja la Hatifa.

⁵⁷Mabanja a antchito ake a Solomoni anali aŵa: a banja la Sotai, a banja la Sofereti, a banja la Perida,

⁵⁸a banja la Yaala, a banja la Darikoni, a banja la Gidele,

⁵⁹a banja la Sefatiya, a banja la Hatili, a banja la Pokereti-Hazebaimu ndi a banja la Amoni.

⁶⁰Antchito onse a ku Nyumba ya Mulungu, kuphatikizapo zidzukulu za antchito a Solomoni, onse pamodzi analipo 392.

⁶¹Anthu ali m'munsiŵa ndiwo amene adabwera kuchokera ku Telemela, Teleharisa, Kerubi, Adoni ndi ku Imeri, ngakhale sankatha kutsimikiza kuti makolo ao kapena mafuko ao analidi Aisraele enieni kapena ai.

⁶²A banja la Delaya, a banja la Tobiya, a banja la Nekoda 642.

⁶³Ndiponso ena mwa ansembe anali aŵa: a banja la Hobaya, a banja la Hakozi, a banja la Barizilai (kunena amene adaakwatira mmodzi mwa ana aakazi a Barizilai wa ku Giliyadi, nkutenga dzina la bambo waoyo).

⁶⁴Iwoŵa adaafunafuna maina ao m'buku lolongosola kaundula wa mafuko ao, koma maina ao sadapezekemo. Choncho adaŵachotsa pa unsembe naŵaŵerenga kuti ngodetsedwa pa chipembedzo.

⁶⁵Bwanamkubwa adaŵauza anthuwo kuti asamadye nawo chakudya choperekedwa kwa Mulungu, mpaka wansembe wodziŵa kuwombeza ndi Urimu ndi Tumimu atapezeka.

⁶⁶Chiŵerengero cha anthu onse obwerako ku ukapolo aja chinali 42,360.

⁶⁷Kuwonjezera pamenepa, panalinso antchito ao aamuna ndi aakazi okwanira 7,337. Anali nawonso anthu oimba nyimbo, amuna ndi akazi omwe, okwanira 245.

⁶⁸Akavalo ao analipo 736, nyulu zao zinalipo 245,

⁶⁹ngamira zao zinalipo 435, ndipo abulu ao analipo 6,720.

⁷⁰Atsogoleri ena a mabanja adapereka mphatso zothandizira ntchito. Bwanamkubwa adapereka ku thumba la chuma ndalama zagolide za makilogaramu asanu ndi atatu, mbale makumi asanu, ndiponso mikanjo ya ansembe yokwanira 530.

⁷¹Atsogoleri ena a mabanja adapereka mosungira chumamo ndalama zagolide za makilogaramu 168, ndiponso ndalama zasiliva za makilogaramu 1,250.

⁷²Ndipo anthu onse otsala adapereka ndalama zagolide za makilogaramu 168, ndalama zasiliva zamakilogaramu 140, ndiponso mikanjo ya ansembe yokwanira 67.

⁷³Motero ansembe, Alevi, alonda a ku Nyumba ya Mulungu, anthu oimba nyimbo, ambiri mwa anthu wamba, atumiki a m'Nyumba ya Mulungu ndi Aisraele ena onse, ankakhala m'mizinda mwao.