Read Buku Loyera - Chichewa Mas. 113 Bible Online

Mas. 113 - Buku Loyera - Chichewa bible

Mas. 113

¹Tamandani Chauta! Mtamandeni, inu atumiki ake, tamandani dzina la Chauta.

²Yamikani Chauta kuyambira tsopano mpaka muyaya.

³Dzina la Chauta litamandike kuyambira ku matulukiro a dzuŵa mpaka ku maloŵero ake.

⁴Chauta akulamulira anthu a mitundu yonse, ulemerero wake ndi waukulu kuposa wa mlengalenga.

⁵Ndani angalingane ndi Chauta, Mulungu wathu, amene akukhala kumwamba,

⁶wochita kuŵeramira pansi poyang'ana mlengalenga ndi dziko lapansi.

⁷Amakweza munthu wosauka kuchokera ku fumbi, ndipo amatulutsa ku dzala anthu osoŵa.

⁸Amaŵakhazika pamodzi ndi mafumu, mafumu a anthu a Chauta.

⁹Amapatsa banja mkazi wosabala, namsandutsa mai wosangalala wa ana. Tamandani Chauta!