Read Buku Loyera - Chichewa Mas. 122 Bible Online

Mas. 122 - Buku Loyera - Chichewa bible

Mas. 122

¹Nyimbo ya Davide yoimba pokwera ku Yerusalemu. Ndidasangalala pamene adandiwuza kuti, “Tiyeni tipite ku Nyumba ya Chauta.”

²Mapazi athu akhala akuima m'kati mwa zipata zako, iwe Yerusalemu.

³Yerusalemu adamangidwa bwino, zigawo zake zonse nzogwirizana pamodzi.

⁴Kumeneko kumapita mafuko onse, anthu ake a Chauta, monga momwe adalamulira Israele kuti akayamike dzina la Chauta.

⁵Kumeneko adaikako mipando yaufumu yoweruzira, mipando yake ya banja la Davide.

⁶Pemphererani mtendere wa Yerusalemu ponena kuti, “Anthu amene amakukonda iwe Yerusalemu, zinthu ziziŵayendera bwino.

⁷Mtendere ukhale m'kati mwa makoma ako, bata likhale m'nyumba zako zachifumu.”

⁸Chifukwa cha abale anga ndi abwenzi anga ndidzanena kuti, “Mtendere ukhaledi m'kati mwako.”

⁹Chifukwa cha Nyumba ya Chauta, Mulungu wathu, ndidzakupemphera zabwino.