Read Buku Loyera - Chichewa Mas. 124 Bible Online

Mas. 124 - Buku Loyera - Chichewa bible

Mas. 124

¹Nyimbo ya Davide yoimba pokwera ku Yerusalemu. Chauta akadapanda kukhala pa mbali yathu, Israele anene choncho tsopano,

²Chauta akadapanda kukhala pa mbali yathu, pamene anthu adatiwukira,

³bwenzi atatimeza amoyo, muja mkwiyo wao udatiyakira,

⁴bwenzi chigumula chitatisesa, madzi amkokomo atatikokolola,

⁵bwenzi madzi amphamvu atatimiza.

⁶Atamandike Chauta, amene sadatipereke kwa anthuwo kuti atiwononge.

⁷Taonjoka ngati mbalame mu msampha wa osaka, msampha wathyoka, ndipo ife tapulumuka.

⁸Chithandizo chathu chimachokera kwa Chauta, amene adalenga kumwamba ndi dziko lapansi.